Salm 59:1-17
Lid-direttur; fuq l-għanja taʼ “Teqridnix.” Miktam* taʼ David, meta Sawl bagħat xi rġiel għassa mad-dar taʼ David biex joqtluh.
59 Alla tiegħi, salvani mill-għedewwa;Ipproteġini minn dawk li qed jiħduha kontrija.
2 Eħlisni minn dawk li jagħmlu l-ħażin,U salvani min-nies vjolenti.
3 Ġeħova, irġiel b’saħħithom jistaħbew u jattakkawni,Imma mhux għax irribellajt jew dnibt.
4 Għalkemm m’għamilt xejn ħażin,Huma jippreparaw malajr biex jattakkawni.
Ejja għinni meta ngħajjatlek u ara x’qed jagħmlu.
5 Għax int l-Alla t’Iżrael, Alla Ġeħova tal-armati.
Agħmel xi ħaġa, u ara x’qed jagħmlu l-popli.
Turihomx ħniena lil dawn it-tradituri kattivi. (Sela)
6 Huma jiġu lura kull filgħaxija,Jinbħu bħall-klieb u jduru mal-belt.
7 Minn ħalqhom joħroġ kliem li jweġġaʼ;Xofftejhom huma bħal xwabel,Għax huma jgħidu: “Min se jkun jaf li aħna għedna hekk?”
8 Imma int, Ġeħova, se tidħaq bihom;Int se tiddieħaq bil-popli kollha.
9 Alla tiegħi, int is-Saħħa tiegħi,Jien se nkompli nistenna lilek biex taġixxi,Għax int il-post taʼ protezzjoni* tiegħi.
10 Alla tiegħi, int se tħallini nara l-għedewwa tiegħi jitilfu;Int li turini mħabba u lealtà* se tiġi tgħinni.
11 Toqtolhomx għalissa, ħalli n-nies tiegħi ma jinsewx l-affarijiet li int għamilt.
Ġeħova, it-tarka tagħna, uża l-qawwa tiegħek biex iġġegħelhom jiġru ’l hemm u ’l hawn bħala maħrubin,Imbagħad neħħilhom il-qawwa li għandhom.
12 Jalla jitfixklu minħabba l-kburija tagħhom,Għax huma jidinbu b’dak li jgħidu;Għax huma jisħtu lin-nies u jqarrqu.
13 Eqridhom waqt li tkun irrabjat;Eqridhom ħalli ma jeżistux iktar.
Urihom li int qed tmexxi fuq dawk li jiġu minn Ġakobb u l-art kollha. (Sela)
14 Ħallihom jiġu lura kull filgħaxija,Jinbħu bħall-klieb u jduru mal-belt.
15 Ħallihom iduru ’l hemm u ’l hawn ifittxu l-ikel;Tħallihomx jixbgħu jew isibu post fejn jorqdu.
16 Imma min-naħa tiegħi, jien se nkanta dwar is-saħħa tiegħek;Filgħodu se nitkellem dwar l-imħabba u l-lealtà tiegħek bil-ferħ.
Għax int il-post taʼ protezzjoni tiegħiU post fejn nistaʼ naħrab fi żmien l-inkwiet.
17 Alla tiegħi, int is-Saħħa tiegħi, jien se nfaħħrek bil-kant,*Għax int il-post taʼ protezzjoni tiegħi u l-Alla li jurini mħabba u lealtà.
Noti taʼ taħt
^ Jew “il-post fl-għoli taʼ sigurtà.”
^ Jew “imħabba leali.” Ara Termini tal-Bibbja Spjegati.
^ Jew “indoqqlok il-mużika.”
