Salm 94:1-23
94 Ġeħova, int l-Alla li ġġib vendetta kontra l-ħżiena.
Uri min int, ikkastiga l-ħżiena!
2 Aġixxi, Imħallef tal-art.
Agħti lill-kburin dak li ħaqqhom.
3 Ġeħova, kemm se jdumu l-ħżiena jifirħu?
Kemm se jdumu?
4 Huma jpaċpċu u jitkellmu b’mod arroganti;Il-ħżiena kollha jiftaħru bihom infushom.
5 Huma jgħaffġu lill-poplu tiegħek, Ġeħova,Huma jaħqru l-wirt tiegħek.
6 Huma joqtlu l-armla u r-resident barrani,U anki lill-orfni.*
7 Huma jgħidu: “Jah mhux qed jara;L-Alla taʼ Ġakobb mhux qed jagħti kas.”
8 Intom li ma tirraġunawx, meta se tifhmu?
Intom il-boloh, meta se turu li intom għaqlin?
9 Jistaʼ Dak li għamel il-widna ma jismax?
Jistaʼ Dak li għamel l-għajn ma jarax?
10 Jistaʼ Dak li jikkoreġi lill-popli ma jiddixxiplinax lilkom?
Hu l-Wieħed li jagħti l-għarfien lin-nies.
11 Ġeħova jaf x’jaħsbu l-bnedmin,U l-ħsibijiet tagħhom huma bħal sempliċi nifs.
12 Jah, min jiġi kkoreġut minnekU mgħallem mil-liġi tiegħek, se jkun ferħan.
13 B’hekk hu jibqaʼ kalm fi żmien l-inkwiet,Sakemm il-ħażin jaqaʼ f’ħofra.
14 Għax Ġeħova mhux se jitlaq lill-poplu tiegħu,U lanqas mhu se jabbanduna lill-wirt tiegħu.
15 Għax l-imħallfin se jerġgħu jieħdu deċiżjonijiet ġusti,U dawk onesti f’qalbhom se jgħixu fi qbil magħhom.
16 Min se jaqbeż għalija kontra l-ħżiena?
Min se jappoġġani kontra dawk li jagħmlu l-ħażin?
17 Kieku m’għennix Ġeħova,Diġà mitt.*
18 Ġeħova, meta għedtlek li se naqaʼ,L-imħabba u l-lealtà* tiegħek komplew jappoġġawni.
19 Meta kelli ħafna ansjetà,*Int għentni u ferraħtni.*
20 Sejjer int tissieħeb maʼ mexxejja* ħżienaLi jużaw il-liġi biex jaqilgħu l-inkwiet?
21 Huma jattakkaw bi ħdura lill-ġust*U jikkundannaw għall-mewt lill-innoċenti.*
22 Imma Ġeħova se jsir il-post taʼ protezzjoni* tiegħi.
L-Alla tiegħi hu l-blata tiegħi li fih nistkenn.
23 Hu se jġib fuqhom il-ħażen li jippjanaw huma stessU se jeqridhom* permezz tal-ħażen tagħhom.
Ġeħova l-Alla tagħna se jeqridhom.*
Noti taʼ taħt
^ Letteralment “lil dawk bla missier.”
^ Letteralment “Ruħi daqt kienet se tkun fis-silenzju.”
^ Jew “L-imħabba leali.” Ara Termini tal-Bibbja Spjegati.
^ Jew “Meta l-ħsibijiet li jinkwetawni żdiedu ġewwa fija.”
^ Jew “Il-faraġ tiegħek ikkalma lil ruħi.”
^ Jew “imħallfin.” Letteralment “tron.”
^ Jew “ruħ il-ġust.”
^ Letteralment “U jiddikjaraw ħati (ħażin) id-demm tal-innoċenti.”
^ Jew “il-post fl-għoli taʼ sigurtà.”
^ Letteralment “isikkithom.”
^ Letteralment “isikkithom.”
