KAPITLU 12
“Ma Kienx Ikellimhom Mingħajr Xi Tixbiha”
1-3. (a) Id-dixxipli li qed jivvjaġġaw maʼ Ġesù liema privileġġ uniku għandhom, u kif jagħmilha iktar faċli għalihom biex jiftakru dak li jgħallimhom? (b) Tixbihat effettivi għala huma faċli biex wieħed jiftakarhom?
ID-DIXXIPLI li qed jivvjaġġaw maʼ Ġesù għandhom privileġġ uniku. Huma qed jitgħallmu direttament mingħand l-Għalliem il-Kbir. Qed jisimgħuh personalment jispjega l-Kelma t’Alla u jgħallimhom veritajiet meraviljużi. Għalissa huma jridu jżommu l-kliem prezzjuż li qal f’moħħhom u f’qalbhom; għadu m’huwiex il-waqt biex kliemu jiġi mniżżel bil-miktub. * Madankollu, Ġesù jagħmilhielhom iktar faċli biex jiftakru dak li jgħallimhom. Kif? Bil-mod kif jgħallem, speċjalment kif juża t-tixbihat bis-sengħa.
2 Tabilħaqq, tixbihat effettivi ma jintesewx malajr. Awtur wieħed qal li t-tixbihat “iġegħluk tara dak li tisma’” u “jagħtu l-wisa’ biex is-semmiegħ jaħseb billi jġibulu stampi quddiem għajnejh.” Minħabba li spiss ikun t’għajnuna għalina li jkollna stampa f’moħħna, it-tixbihat jistgħu jagħmlu saħansitra ideat astratti iktar faċli biex jiġu mifhumin. It-tixbihat jagħtu l-ħajja lill-kliem, u jgħallmuna lezzjonijiet li jibqgħu stampati f’moħħna.
3 Ebda għalliem uman ieħor ma kien iktar tas-sengħa minn Ġesù Kristu fl-użu tat-tixbihat. Sa llum il-ġurnata, it-tixbihat tiegħu huma miftakrin faċilment. Ġesù għala straħ ħafna fuq dan il-metodu taʼ tagħlim? X’għamel lit-tixbihat tiegħu
daqshekk effettivi? Kif nistgħu nitgħallmu nużaw dan il-metodu taʼ tagħlim?Għala Ġesù Għallem bit-Tixbihat
4, 5. Ġesù għala uża t-tixbihat?
4 Il-Bibbja tagħti żewġ raġunijiet importanti għala Ġesù kien juża t-tixbihat. L-ewwel, billi għamel hekk hu wettaq profezija. F’Mattew 13:34, 35, naqraw: “Dan kollu Ġesù qalu lill-folol bit-tixbihat. Tabilħaqq, ma kienx ikellimhom mingħajr xi tixbiha; sabiex iseħħ dak li ntqal permezz tal-profeta: ‘Se niftaħ fommi bit-tixbihat.’” Il-profeta li semma Mattew kien il-kittieb taʼ Salm 78:2. Dan is-salmista kiteb taħt l-ispirazzjoni taʼ l-ispirtu t’Alla sekli qabel it-twelid taʼ Ġesù. Ikkunsidra dan xi jfisser. Mijiet taʼ snin qabel, Ġeħova ddetermina li l-Messija kellu jgħallem bit-tixbihat. Mela ċertament li Ġeħova jqisu taʼ valur dan il-metodu taʼ tagħlim.
5 It-tieni, Ġesù spjega li hu kien juża t-tixbihat biex jifred lil dawk li qalbhom “ma tqanqlitx.” (Mattew 13:10-15; Isaija 6:9, 10) It-tixbihat tiegħu b’liema mod setgħu jikxfu l-motivi tan-nies? F’xi każi, hu ried lis-semmiegħa tiegħu jitolbu spjegazzjoni sabiex ikollhom tifsira bis-sħiħ taʼ kliemu. Individwi umli kienu lesti li jistaqsu, filwaqt li wħud li kienu suppervi jew indifferenti ma kinux. (Mattew 13:36; Marku 4:34) It-tixbihat taʼ Ġesù mbagħad irrivelaw il-verità lil dawk l-uħud li qalbhom kienet għatxana għaliha; fl-istess ħin, it-tixbihat tiegħu ħbew il-verità minn dawk kburin f’qalbhom.
6. It-tixbihat taʼ Ġesù kellhom liema skopijiet li kienu taʼ benefiċċju?
6 It-tixbihat taʼ Ġesù kellhom għadd taʼ skopijiet oħrajn li kienu taʼ benefiċċju. Dawn qajmu l-interess u ħajru lin-nies biex jagħtu widen. Dawn pinġew stampi fil-moħħ li kienu faċli biex wieħed jifhimhom. Bħalma ngħad fl-introduzzjoni, it-tixbihat taʼ Ġesù għenu lis-semmiegħa tiegħu jiftakru kliemu. Il-Priedka taʼ fuq il-Muntanja, kif Mattew 5:3–7:27, hija eżempju li jispikka taʼ kemm Ġesù uża t-tixbihat b’mod abbundanti. Skond kalkolu wieħed, din il-priedka fiha iktar minn 50 espressjoni figurattiva. Biex nifhmu dan xi jfisser, ftakar li din il-priedka tista’ tinqara b’leħen għoli f’madwar 20 minuta. B’din ir-rata, bħala medja titlissen espressjoni figurattiva kważi kull 20 sekonda! B’mod ċar, Ġesù għaraf il-valur taʼ l-użu tat-tixbihat!
imniżżla f’7. Għala għandna nimitaw il-mod kif Ġesù uża t-tixbihat?
7 Bħala segwaċi taʼ Kristu, aħna rridu nimitaw il-mod tiegħu taʼ tagħlim, inkluż l-użu tiegħu tat-tixbihat. Bħall-ħwawar li jagħmlu ikla iktar appetituża, tixbihat effettivi jistgħu jagħmlu t-tagħlim tagħna iktar attraenti għal oħrajn. Ukoll, kliem li joħloq stampa fil-moħħ u li jkun maħsub sew jista’ jagħmel veritajiet importanti iktar faċli biex wieħed jifhimhom. Issa ejja nagħtu ħarsa iktar mill-qrib lejn xi ftit mill-fatturi li għamlu t-tixbihat taʼ Ġesù daqshekk effettivi. Imbagħad se nkunu nistgħu naraw kif nistgħu nagħmlu użu tajjeb minn dan il-metodu taʼ tagħlim li hu taʼ valur.
L-Użu taʼ Xebh Sempliċi
Ġesù kif uża l-għasafar u l-fjuri biex juri li Alla jimpurtah minna?
8, 9. Ġesù kif għamel użu minn xebh sempliċi, u x’għamel dan ix-xebh li uża tant effettiv?
8 Fit-tagħlim tiegħu, Ġesù spiss uża xebh li ma kienx komplikat billi uża ftit kliem biss. Madankollu, il-kliem sempliċi pinġa stampa ċara fil-moħħ u għallem ċar u tond veritajiet dwar Alla, il-livelli, u l-iskop tiegħu. Per eżempju, meta ħeġġeġ lid-dixxipli tiegħu biex ma jkunux ansjużi dwar il-bżonnijiet taʼ kuljum, hu xebbah is-sitwazzjoni tagħhom maʼ dik taʼ “l-għasafar tas-sema” u “l-ġilji tar-raba’.” L-għasafar ma jiżirgħux u ma jaħsdux, u l-ġilji ma jitħabtux u ma jinsġux. Iżda Alla jieħu ħsiebhom. Il-punt huwa ċar—jiġifieri, jekk Alla jieħu ħsieb l-għasafar u l-fjuri, hu żgur li jieħu ħsieb il-bnedmin li ‘jibqgħu jfittxu l-ewwel is-saltna.’—Mattew 6:26, 28-33.
9 Ukoll, Ġesù uża ħafna metafori, li huma xebh saħansitra Mattew 5:14-16) Innota xi metafori oħrajn li uża Ġesù: “Intom il-melħ taʼ l-art” u “Jien id-dielja u intom il-friegħi.” (Mattew 5:13; Ġwanni 15:5) Espressjonijiet figurattivi bħal dawn huma qawwijin għalkemm sempliċi.
iktar qawwi. Metafora tirreferi għal ħaġa waħda bħallikieku kienet xi ħaġa oħra. Għal darb’oħra, hawnhekk hu żamm ix-xebh sempliċi. Darba minnhom, hu qal lid-dixxipli tiegħu: “Intom id-dawl tad-dinja.” Id-dixxipli setgħu jifhmu ċar it-tifsira tal-metafora, jiġifieri, li permezz taʼ kliemhom u għemilhom, huma setgħu jħallu d-dawl tal-verità spiritwali jiddi u jgħinu lil oħrajn jagħtu glorja lil Alla. (10. Liema eżempji juru kif tista’ tuża t-tixbihat fit-tagħlim tiegħek?
10 Kif tista’ tuża t-tixbihat fit-tagħlim tiegħek? M’hemmx għalfejn toħroġ b’xi stejjer twal u komplikati. Ipprova aħseb f’xebh sempliċi. Immaġina li qed tiddiskuti s-suġġett taʼ l-irxoxt u trid turi li l-qawmien tal-mejtin m’huwiex diffiċli għal Ġeħova. Liema xebh jiġik f’moħħok? Il-Bibbja tuża l-irqad bħala metafora għall-mewt. Forsi tgħid, “Alla jista’ jirxoxta lill-mejtin faċilment daqskemm aħna nistgħu nqajmu lil xi ħadd minn xi raqda.” (Ġwanni 11:11-14) Ejja ngħidu li int trid turi li t-tfal għandhom bżonn l-imħabba u l-affezzjoni sabiex jikbru aħjar. Liema eżempju tista’ tuża? Il-Bibbja tuża dan ix-xebh: It-tfal huma “bħal xitel [ġdid] taż-żebbuġ.” (Salm 128:3) Tista’ tgħid, “L-imħabba u l-affezzjoni għat-tfal huma bħad-dawl tax-xemx u l-ilma għal siġra.” Iktar ma jkun sempliċi x-xebh, iktar se jkun faċli għas-semmiegħa tiegħek biex jifhmu l-punt.
Tixbihat Meħudin mill-Ħajja taʼ Kuljum
11. Agħti eżempji taʼ kif it-tixbihat taʼ Ġesù taw stampa taʼ l-affarijiet li bla dubju kien ra matul it-trobbija tiegħu fil-Galilija.
11 Ġesù kien tas-sengħa fl-użu taʼ tixbihat li kellhom x’jaqsmu mal-ħajja tan-nies. Ħafna mit-tixbihat tiegħu taw stampa taċ-ċirkustanzi taʼ kuljum li x’aktarx kien osserva matul it-trobbija tiegħu fil-Galilija. Aħseb ftit dwar il-ħajja bikrija Mattew 13:33; 24:41; Luqa 15:8) Kemm-il darba qagħad jara s-sajjieda huma u jniżżlu x-xbieki tagħhom fil-Baħar tal-Galilija? (Mattew 13:47) Kemm-il darba kien jara t-tfal jilagħbu fis-suq? (Mattew 11:16) Bla dubju, Ġesù ra affarijiet komuni oħrajn li huma msemmijin fil-bosta tixbihat li għamel—żrieragħ jinżergħu, festi ferriħin tat-tieġ, u għelieqi tal-qamħ isiru fix-xemx.—Mattew 13:3-8; 25:1-12; Marku 4:26-29.
tiegħu. Kemm spiss kien jara lil ommu titħan il-qamħ biex tagħmel id-dqiq, iżżid il-ħmira fl-għaġna, tixgħel xi musbieħ, jew tiknes l-art? (12, 13. Għala huwa sinifikanti li Ġesù uża t-triq li kienet tieħu “minn Ġerusalemm lejn Ġeriko” sabiex joħroġ il-punt fil-parabbola tas-Samaritan it-tajjeb?
12 Fit-tixbihat tiegħu, Ġesù kien isemmi dettalji li kienu magħrufin sew mas-semmiegħa tiegħu. Per eżempju, hu beda jirrakkonta l-parabbola tas-Samaritan it-tajjeb billi qal: “Wieħed raġel kien nieżel minn Ġerusalemm lejn Ġeriko u waqa’ f’idejn il-ħallelin, li neżżgħuh, sawtuh . . . u ħallewh nofsu mejjet.” (Luqa 10:30) Ta’ min jinnota li sabiex joħroġ il-punt, Ġesù rrefera għat-triq li kienet tieħu “minn Ġerusalemm lejn Ġeriko.” Meta kien qed jirrakkonta din il-parabbola, hu kien fil-Lhudija, mhux ’il bogħod minn Ġerusalemm; għalhekk bla dubju s-semmiegħa tiegħu kienu jafu għal liema triq kien qed jirreferi. Din it-triq kellha l-fama li kienet perikoluża, speċjalment għal xi ħadd li kien ikun qed jivvjaġġa waħdu. Kienet isserrep f’kampanja mwarrba, u għalhekk kien hemm ħafna postijiet fejn jistaħbew il-ħallelin.
13 Ġesù inkluda dettalji familjari oħrajn dwar it-triq li kienet tieħu “minn Ġerusalemm lejn Ġeriko.” Skond il-parabbola, l-ewwel kien hemm qassis u mbagħad Levita li wkoll kienu qed jivvjaġġaw minn din it-triq—għalkemm ħadd minnhom ma waqaf biex jgħin lill-vittma. (Luqa 10:31, 32) Il-qassisin kienu jaqdu fit-tempju f’Ġerusalemm, u l-Leviti kienu jgħinuhom. Ħafna qassisin u Leviti kienu jgħixu f’Ġeriko meta ma kinux qed jaħdmu fit-tempju; Ġeriko kienet 23 kilometru biss ’il bogħod minn Ġerusalemm. Għalhekk, huma setgħu jidhru f’din it-triq. Innota wkoll li Ġesù tkellem dwar dak li kien qed jivvjaġġa bħala li kien “nieżel”—mhux tiela’—mit-triq “minn Ġerusalemm.” Dan kien jagħmel sens għas-semmiegħa tiegħu. Ġerusalemm kienet fl-għoli iktar minn Ġeriko. Għalhekk, meta kien ikun qed jivvjaġġa “minn Ġerusalemm,” wieħed tassew kien ikun “nieżel.” * B’mod ċar, Ġesù żamm is-semmiegħa tiegħu f’moħħu.
14. Meta nużaw it-tixbihat, kif nistgħu nżommu lill-udjenza tagħna f’moħħna?
14 Meta nużaw it-tixbihat, aħna wkoll għandna nżommu l-udjenza tagħna f’moħħna. X’inhuma xi ftit affarijiet dwar is-semmiegħa tagħna li jistgħu jeffettwaw l-għażla tagħna tat-tixbihat? Forsi
jridu jiġu kunsidrati fatturi bħalma huma l-età, l-isfond kulturali jew familjari, u l-impjieg. Per eżempju, tixbiha li ssemmi dettalji dwar il-biedja forsi tinftiehem iktar malajr fi nħawi agrikoli milli f’xi belt kbira. Il-ħajja u l-attivitajiet ta’ kuljum tas-semmiegħa tagħna—uliedhom, darhom, il-passatempi tagħhom, l-ikel li jieklu—ukoll jistgħu jintużaw biex jingħataw tixbihat adattati.Meħudin mill-Ħolqien
15. Għala ma nistagħġbux li Ġesù kien midħla sew tal-ħolqien?
15 Ħafna mit-tixbihat taʼ Ġesù jirrivelaw l-għarfien tiegħu dwar in-natura, inkluż il-pjanti, l-annimali, u l-kundizzjonijiet tat-temp. (Mattew 16:2, 3; Luqa 12:24, 27) Minfejn ġab dan l-għarfien? Hu u jitrabba fil-Galilija, bla dubju kellu bosta opportunitajiet biex josserva l-ħolqien. Iktar importanti minn hekk, Ġesù huwa “l-ewwel imwieled mill-ħolqien kollu,” u meta ħalaq l-affarijiet kollha, Ġeħova uża lilu bħala “l-ħaddiem tas-sengħa.” (Kolossin 1:15, 16; Proverbji 8:30, 31) Għandna nistagħġbu li Ġesù kien midħla sew tal-ħolqien? Ejja naraw kif uża l-għarfien tiegħu bis-sengħa.
16, 17. (a) X’jindika li Ġesù kien midħla sew tal-karatteristiki tan-nagħaġ? (b) X’eżempju juri li n-nagħaġ verament jagħrfu leħen ir-ragħaj tagħhom?
16 Ftakar li Ġesù identifika lilu nnifsu bħala “r-ragħaj mill-aħjar” u s-segwaċi tiegħu bħala “n-nagħaġ.” Il-kliem taʼ Ġesù jindika li hu kien midħla sew tal-karatteristiki tan-nagħaġ mansi. Hu kien jaf li kien hemm rabta unika bejn ir-rgħajja u n-nagħaġ tagħhom. Hu nnota li dawn il-ħlejjaq li jafdaw kienu jħallu lil min imexxihom u li kienu jimxu lealment wara r-ragħaj tagħhom. In-nagħaġ għala jsegwu lir-ragħaj tagħhom? “Għax jagħrfu leħnu,” qal Ġesù. (Ġwanni 10:2-4, 11) Veru li n-nagħaġ jagħrfu leħen ir-ragħaj tagħhom?
17 Minn dak li ra personalment, George A. Smith fil-ktieb tiegħu The Historical Geography of the Holy Land kiteb: “Kultant f’nofsinhar konna nieħdu pjaċir nistrieħu maġenb wieħed
minn dawk il-bjar tal-Lhudija, fejn madwar tlieta jew erba’ rgħajja kienu jġibu l-imrieħel tagħhom. L-imrieħel kienu jitħalltu flimkien, u konna nieqfu naħsbu dwar kif kull ragħaj kien se jerġa’ jsib il-merħla tiegħu. Iżda wara li n-nagħaġ ikunu xorbu u qagħdu jimirħu, wieħed wieħed ir-rgħajja kienu jitilgħu fuq naħat differenti tal-wied, u kull wieħed jgħajjat l-għajta partikulari tiegħu; u n-nagħaġ taʼ kull ragħaj kienu jinfirdu min-nagħaġ l-oħrajn u jinġabru ħdejn ir-ragħaj tagħhom, u l-imrieħel kienu jitilqu bl-ordni bħalma ġew.” Ġesù ma setax isib tixbiha aħjar biex joħroġ il-punt tiegħu, jiġifieri, jekk naċċettaw u nobdu t-tagħlim tiegħu u jekk insegwu t-tmexxija tiegħu se nkunu taħt il-ħarsien tar-“ragħaj mill-aħjar.”18. Fejn nistgħu nsibu informazzjoni dwar il-ħolqien taʼ Ġeħova?
18 Kif nistgħu nitgħallmu nużaw tixbihat li jkunu meħudin mill-ħolqien? Il-karatteristiki li jispikkaw taʼ l-annimali jistgħu jipprovdu l-bażi għal xebh sempliċi iżda effettiv. Fejn nistgħu nsibu informazzjoni dwar il-ħolqien taʼ Ġeħova? * (1 Kronaki 12:8; Ħabakkuk 1:8; Mattew 10:16) Sorsi oħrajn taʼ informazzjoni li huma taʼ valur huma It-Torri taʼ l-Għassa, Stenbaħ!, u letteratura oħra maħruġa mix-Xhieda taʼ Ġeħova. Tista’ titgħallem ħafna meta tosserva kif dawn il-pubblikazzjonijiet jużaw xebh sempliċi meħud mill-meravilji tal-ħolqien vast taʼ Ġeħova.
Il-Bibbja hija sors abbundanti t’għarfien dwar varjetà t’annimali, u kultant tuża l-karatteristiki taʼ l-annimali fit-tixbihat. Il-Bibbja tirreferi għall-fatt li nkunu ħfief bħal għażżiela jew leopard, attenti bħal serp, u innoċenti bħal ħamiema.Meħudin minn Eżempji Familjari
19, 20. (a) Sabiex jikxef twemmin falz, Ġesù kif għamel użu effettiv minn ġrajja li kienet reċenti? (b) Kif nistgħu nużaw eżempji u esperjenzi reali fit-tagħlim tagħna?
19 Tixbihat effettivi jistgħu jkunu meħudin minn eżempji reali. Darba minnhom, Ġesù uża ġrajja reċenti biex juri li ma kienx minnu t-twemmin li t-traġedja tiġi fuq dawk kollha li ħaqqhom. Hu qal: “Dawk it-tmintax li waqa’ fuqhom it-torri f’Silogħam u qatilhom, timmaġinaw intom li kienu iżjed midjunin [midinbin] min-nies l-oħra kollha li joqogħdu Ġerusalemm?” (Luqa 13:4) Tabilħaqq, dawn it-18-il ruħ ma mitux minħabba xi dnub li Alla ma ħax pjaċir bih. Minflok, il-mewta traġika tagħhom kienet riżultat taż-“żmien u l-ġrajjiet mhux mistennijin.” (Ekkleżjasti 9:11) B’hekk, Ġesù kixef duttrina falza billi rrefera għal ġrajja li kienet magħrufa sew mas-semmiegħa tiegħu.
20 Kif nistgħu nużaw eżempji u esperjenzi reali fit-tagħlim tagħna? Immaġina li qed tiddiskuti t-twettiq tal-profezija taʼ Ġesù dwar is-sinjal tal-preżenza tiegħu. (Mattew 24:3-14) Forsi tirreferi għal ġrajjiet reċenti fl-aħbarijiet dwar il-gwerer, il-ġuħ, jew it-terremoti biex turi li fatturi speċifiċi tas-sinjal qegħdin jitwettqu. Jew immaġina li trid tuża xi esperjenza biex tagħti stampa tal-bidliet involuti meta wieħed jilbes il-personalità l-ġdida. (Efesin 4:20-24) Fejn tista’ ssib esperjenza bħal din? Tista’ tikkunsidra l-varjetà taʼ sfondi li għandhom sħabek fit-twemmin, jew forsi tuża esperjenza stampata f’waħda mill-pubblikazzjonijiet tax-Xhieda taʼ Ġeħova.
21. Liema barkiet jiġu meta wieħed ikun għalliem effettiv tal-Kelma t’Alla?
21 Ġesù verament kien l-Għalliem tas-Sengħa! Kif rajna f’din is-sezzjoni, ix-xogħol taʼ ħajtu kien li “jgħallem . . . u jippriedka l-aħbar tajba.” (Mattew 4:23) Huwa x-xogħol tal-ħajja tagħna wkoll. Il-barkiet li jiġu meta wieħed ikun għalliem effettiv huma kbar. Meta ngħallmu, aħna nkunu qed nagħtu lil oħrajn, u għoti bħal dan iġib ferħ. (Atti 20:35) Dan il-ferħ huwa l-hena li nkunu nafu li aħna qed naqsmu xi ħaġa taʼ valur ġenwin u dejjiemi—il-verità dwar Ġeħova. Jista’ jkollna wkoll is-sodisfazzjon li jiġi meta nkunu nafu li qed insegwu l-eżempju taʼ Ġesù, l-aqwa Għalliem li qatt kien hawn fuq l-art.
^ par. 1 Milli jidher, l-ewwel rakkont imnebbaħ dwar il-ħajja taʼ Ġesù fuq l-art kien l-Evanġelju taʼ Mattew, li nkiteb madwar tmien snin wara l-mewt taʼ Ġesù.
^ par. 13 Ġesù qal ukoll li l-qassis u l-Levita kienu ġejjin “minn Ġerusalemm,” u għalhekk sejrin lil hinn mit-tempju. B’hekk, ħadd ma seta’ jiġġustifika l-indifferenza tagħhom billi jgħid li evitaw lir-raġel li deher li kien mejjet għax ma ridux li għal xi żmien isiru mhux denji li jaqdu fit-tempju.—Levitiku 21:1; Numri 19:16.
^ par. 18 Għal lista iktar dettaljata taʼ l-użu figurattiv tal-karatteristiki taʼ l-annimali, ara l-Insight on the Scriptures, Volume 1, paġni 268, 270-1, pubblikat mix-Xhieda taʼ Ġeħova.