Id-Demm li Tassew Isalva l-Ħajjiet
Id-Demm li Tassew Isalva l-Ħajjiet
Ċerti punti huma ċari mill-informazzjoni li rajna qabel. Għalkemm ħafna nies iħarsu lejhom bħala li jsalvaw il-ħajja, it-trasfużjonijiet tad-demm huma mimlijin riskji. Kull sena eluf imutu bħala riżultat taʼ trasfużjonijiet; kotriet oħra jimirdu ħafna u jiffaċċjaw konsegwenzi għal żmien twil. Mela, saħansitra minn aspett fiżiku, hemm il-għerf eżatt issa f’li wieħed jagħti kas il-kmand tal-Bibbja biex ‘jastjeni mid-demm.’—Atti 15:28, 29.
Il-pazjenti jiġu mħarsa minn ħafna perikli jekk jitolbu kirurġija medika mingħajr demm. Tobba tas-sengħa li aċċettaw l-isfida taʼ li japplikaw dan fuq ix-Xhieda taʼ Jehovah żviluppaw livell taʼ prattika li hu bla periklu u effettiv, bħalma huwa ppruvat f’għadd taʼ
rapporti mediċi. Tobba li jipprovdu kura taʼ kwalità mingħajr demm m’humiex qed jikkompromettu prinċipji mediċi taʼ valur. Minflok, huma juru rispett lejn id-dritt taʼ pazjent li jkun jaf ir-riskji u l-benefiċċji sabiex ikun jistaʼ jagħmel għażla informata rigward x’se jsir mill-ġisem u mill-ħajja tiegħu.M’aħniex qed inkunu inġenwi f’din il-kwistjoni, għax aħna nirrealizzaw li mhux kulħadd se jaqbel maʼ din l-opinjoni. In-nies huma differenti fejn jidħlu l-kuxjenza, l-etika, u l-ħarsa medika. Għalhekk, oħrajn, inklużi xi tobba, jistgħu jsibuha iebsa biex jaċċettaw id-deċiżjoni taʼ pazjent biex jastjeni mid-demm. Wieħed professur fi New York kiteb: “Qatt ma se ninsa 15-il sena ilu meta bħala tabib żagħżugħ kont ħdejn is-sodda tal-mewt taʼ Xhud taʼ Jehovah li żvina minħabba ulċera fl-imsaren. Ix-xewqat tal-pazjent kienu rrispettati u ma ġewx mogħtija trasfużjonijiet, imma għadni niftakar il-frustrazzjoni tremenda li ħassejt bħala tabib.”
Hu bla dubju kien jemmen li d-demm kieku kien isalva l-ħajja. Is-sena taʼ wara hu kiteb li, madankollu, The British Journal of Surgery (Ottubru 1986) irrapporta li qabel il-miġja tat-trasfużjonijiet, emoraġija fl-imsaren kellha “rata taʼ mwiet taʼ 2.5 fil-mija biss.” Minn mindu t-trasfużjonijiet saru drawwa, ‘il-biċċa l-kbira tal-istudji l-kbar jirrapportaw imwiet taʼ 10 fil-mija.’ Għala rata tal-imwiet erbaʼ darbiet iktar? Ir-riċerkaturi ssuġġerew: “Trasfużjoni tad-demm bikrija tidher li treġġaʼ lura r-rispons tat-tagħqid tad-demm għall-emoraġija u b’hekk tinkuraġġixxi t-telf taʼ demm mill-ġdid.” Meta x-Xhud li kellu l-ulċera rrifjuta d-demm, il-għażla tiegħu setgħet fil-fatt kabbret il-prospetti tiegħu biex jibqaʼ ħaj.
Dan l-istess kirurgu żied: “Iż-żmien li jgħaddi u l-kura li tingħata lil ħafna pazjenti għandhom it-tendenza li jbiddlu l-ħsieb taʼ dak li jkun, u llum insib li l-fiduċja bejn pazjent u t-tabib tiegħu, u d-dmir li nirrispetta x-xewqat taʼ pazjent huma ferm iktar importanti mit-teknoloġija medika ġdida li hawn madwarna. . . . Huwa interessanti li l-frustrazzjoni issa nbidlet f’sens taʼ rispett u reverenza lejn il-fidi soda taʼ dak il-pazjent partikulari.” It-tabib ikkonkluda: ‘Dan ifakkarni li għandi dejjem nirrispetta x-xewqat persunali u reliġjużi taʼ pazjent huma x’inhuma s-sentimenti tiegħi jew il-konsegwenzi.’
Int tistaʼ diġà tirrealizza xi ħaġa li ħafna tobba jsiru japprezzaw biż-“żmien li jgħaddi u l-kura li tingħata lil ħafna pazjenti.” Saħansitra bl-aħjar kura medika fl-aqwa sptarijiet, f’xi żmien jew ieħor in-nies imutu. Bi jew mingħajr trasfużjonijiet tad-demm, huma jmutu. Ilkoll kemm aħna qed nixjieħu, u t-tmiem tal-ħajja qed jersaq. Dik mhix xi ħaġa fatalistika. Hija rejalistika. Li wieħed imut huwa fatt tal-ħajja.
L-evidenza turi li nies li ma jagħtux kas il-liġi t’Alla dwar id-demm spiss iġarrbu ħsara immedjata jew ittardjata; xi wħud saħansitra jmutu permezz tad-demm. Dawk li jibqgħu ħajjin ma kisbux ħajja bla tmiem. Mela t-trasfużjonijiet tad-demm ma jsalvawx il-ħajjiet b’mod permanenti.
Il-biċċa l-kbira tan-nies li, għal raġunijiet reliġjużi u/jew mediċi, jirrifjutaw id-demm imma jaċċettaw terapija medika alternattiva jmorru tajjeb ħafna. Huma jistgħu b’hekk itawlu l-ħajja tagħhom għal snin sħaħ. Imma mhux għal dejjem.
Li l-bnedmin kollha huma imperfetti u qed imutu bil-mod il-mod iwassalna għall-verità ċentrali taʼ dak li l-Bibbja tgħid dwar id-demm. Jekk nifhmu u napprezzaw din il-verità, aħna se naraw kif id-demm jistaʼ fil-fatt isalva l-ħajja—il-ħajja tagħna—għal dejjem.
L-UNIKU DEMM LI QED ISALVA L-ĦAJJA
Kif innotajna qabel, Alla qal lill-umanità kollha li huma ma jridux jieklu demm. Għala? Għaliex id-demm jirrappreżenta l-ħajja. (Ġenesi 9:3-6) Hu dan spjegah iktar fil-kodiċi tal-Liġi mogħtija lil Iżrael. Fiż-żmien meta l-kodiċi tal-Liġi kienet ratifikata, id-demm taʼ annimali ssagrifikati kien jintuża fuq artal. (Eżodu 24:3-8) Liġijiet f’dik il-kodiċi enfasizzaw il-fatt li l-bnedmin kollha huma imperfetti; huma midinbin, kif tpoġġiha l-Bibbja. Alla qal lill-Iżraeliti li permezz tas-sagrifiċċji tal-annimali offruti lilu, huma setgħu jirrikonoxxu l-bżonn li jkollhom id-dnubiet tagħhom maħfurin. (Levitiku 4:4-7, 13-18, 22-30) Veru, dak kien dak li Alla kien jitlob minnhom lura f’dak iż-żmien, mhux dak li jitlob mill-adoraturi veri llum. Iżda huwa taʼ importanza vitali għalina issa.
Alla nnifsu spjega l-prinċipju bażiku taʼ dawk is-sagrifiċċji: “Ir-ruħ [jew, ħajja] tal-laħam qiegħda fid-demm, u jien innifsi poġġejtha fuq l-artal għalikom biex tpatti għal Levitiku 17:11, 12.
erwieħkom, għaliex huwa d-demm li jpatti bir-ruħ fih. Dak hu għala jien għidt lil ulied Iżrael: ‘Ebda ruħ minnkom ma trid tiekol demm.’”—Fil-festa tal-qedem imsejħa Jum it-Tpattija, il-qassis il-kbir taʼ Iżrael kien idaħħal id-demm taʼ annimali ssagrifikati ġewwa l-parti l-iktar sagra tat-tempju, iċ-ċentru tal-qima t’Alla. Li jagħmel dak kien mod simboliku kif jitlob lil Alla biex igħatti d-dnubiet tan-nies. (Levitiku 16:3-6, 11-16) Dawk is-sagrifiċċji fil-fatt ma kinux ineħħu d-dnub kollu, u għalhekk kellhom jiġu ripetuti kull sena. Xorta waħda, dan l-użu tad-demm poġġa mudell taʼ tifsir kbir.
Tagħlima kbira fil-Bibbja hija li Alla kellu eventwalment jipprovdi sagrifiċċju wieħed perfett li setaʼ jpatti bis-sħiħ għad-dnubiet taʼ dawk kollha li jemmnu. Dan huwa msejjaħ ir-rahan, u jiffoka fuq is-sagrifiċċju tal-Messija mbassar, jew Kristu.
Il-Bibbja tqabbel ir-rwol tal-Messija maʼ dak li kien isir nhar Jum it-Tpattija: “Meta Kristu ġie bħala qassis il-kbir tal-affarijiet tajbin li seħħew, permezz tat-[tempju] iktar kbir u iktar perfett mhux magħmul bl-idejn, . . . hu daħal, le, mhux bid-demm taʼ mogħoż u taʼ barrin żgħar, imma b’demmu stess, darba għaż-żmien kollu ġewwa l-post qaddis [is-sema] u kiseb ħelsien taʼ dejjem għalina. Iva, kważi l-affarijiet kollha huma mnaddfin bid-demm skond il-Liġi, u jekk id-demm ma jiġix imferraʼ ebda maħfra ma sseħħ.”—Ebrej 9:11, 12, 22.
B’hekk isir ċar għala għandna bżonn li jkollna l-ħarsa t’Alla dwar id-demm. Fi qbil mad-dritt tiegħu bħala Ħallieq, hu ddetermina s-siwi esklussiv tiegħu. Iżraeliti tal-qedem setgħu ħasdu benefiċċji taʼ saħħa billi ma ħadux ġo fihom demm taʼ annimali jew taʼ bnedmin, imma dak ma kienx il-punt l-iktar importanti. (Isaija 48:17) Huma kellhom jevitaw li jsostnu l-ħajjiet tagħhom bid-demm, mhux primarjament għaliex li jagħmlu mod ieħor kien iġib il-mard, imma għaliex ma kinetx ħaġa qaddisa għal Alla. Huma kellhom jastjenu mid-demm, mhux għaliex kien imniġġes, imma għaliex kien prezzjuż f’li jikseb maħfra.
Efesin 1:7) Il-kelma Griega oriġinali li nsibu hemm tiġi tradotta b’mod xieraq “demm,” imma għadd taʼ verżjonijiet tal-Bibbja jiżżballjaw f’li jissostitwixxu l-kelma “mewt.” Għalhekk, xi qarrejja jistgħu jitilfu l-enfasi mpoġġija fuq il-ħarsa tal-Ħallieq dwar id-demm u l-valur taʼ sagrifiċċju li hu rabat miegħu.
L-appostlu Pawlu spjega dwar ir-rahan: “Permezz tiegħu [taʼ Kristu] għandna l-ħelsien b’rahan permezz tad-demm taʼ dak il-wieħed, iva, il-maħfra tan-nuqqasijiet tagħna, skond ir-rikkezzi tal-qalb tajba mhix mistħoqqa tiegħu.” (It-tema tal-Bibbja tiċċirkola madwar il-fatt li Kristu miet bħala sagrifiċċju perfett taʼ rahan imma ma baqax mejjet. Wara l-mudell li Alla poġġa nhar Jum it-Tpattija, Ġesù kien imtellaʼ lejn is-sema biex “jidher quddiem il-persuna t’Alla għalina.” Hu ppreżenta hemmhekk il-valur tad-demm taʼ sagrifiċċju tiegħu. (Ebrej 9:24) Il-Bibbja tenfasizza li aħna rridu nevitaw kwalunkwe korsa li tammonta għal li ‘ngħaffġu taħt saqajna lill-Iben t’Alla u nistmaw lid-demm tiegħu bħala taʼ valur ordinarju.’ Hekk biss nistgħu aħna nżommu relazzjoni tajba u paċi m’Alla.—Ebrej 10:29; Kolossin 1:20.
GAWDI L-ĦAJJA SALVATA BID-DEMM
Meta nifhmu dak li Alla jgħid dwar id-demm, aħna niġu li jkollna l-akbar rispett lejn il-valur tiegħu taʼ li jsalva l-ħajja. L-Iskrittura tiddeskrivi lil Kristu bħala dak li ‘jħobbna u li ħallna mid-dnubiet tagħna permezz taʼ demmu stess.’ (Rivelazzjoni 1:5; Ġwann 3:16) Iva, permezz tad-demm taʼ Ġesù, aħna nistgħu niksbu maħfra sħiħa u dejjiema taʼ dnubietna. L-appostlu Pawlu kiteb: “Ladarba ġejna ddikjarati twajbin issa bid-demm tiegħu, se niġu salvati permezz tiegħu mill-għadab.” Hekk hu kif ħajja dejjiema tistaʼ tiġi salvata bid-demm.—Rumani 5:9; Ebrej 9:14.
Alla Jehovah żmien twil ilu assigura li permezz taʼ Kristu ‘l-familji kollha tal-art jistgħu jbierku lilhom infushom.’ (Ġenesi 22:18) Dik il-barka tinkludi li l-art tiġi rrestawrata f’ġenna tal-art. Imbagħad il-bnedmin li jemmnu m’humiex se jibqgħu jiġu mnikktin b’mard, bi xjuħija, jew saħansitra l-mewt; huma se jgawdu barkiet li jisbqu bil-kbir lill-għajnuna medika li t-tobba jistgħu joffrulna issa. Għandna din il-wegħda meraviljuża: “Se jimsaħ kull demgħa minn għajnejhom, u l-mewt ma tkunx iżjed, u la l-għali u la l-biki u lanqas l-uġigħ ma jkunu iżjed. L-affarijiet taʼ qabel għaddew.”—Rivelazzjoni 21:4.
Kemm huwa għaqli, mela, għalina li ndaħħlu f’qalbna l-ħtiġijiet kollha t’Alla! Dak jinkludi li nobdu l-kmandi tiegħu dwar id-demm, u ma nużawhx ħażin saħansitra f’sitwazzjonijiet mediċi. Aħna b’hekk m’aħniex se ngħixu biss għall-mument. Minflok, se nuru r-rispett kbir tagħna lejn il-ħajja, inkluż il-prospett futur tagħna taʼ ħajja taʼ dejjem f’perfezzjoni umana.
[Kaxxa f’paġna 25]
In-nies t’Alla rrifjutaw li jsostnu l-ħajjiet tagħhom bid-demm, mhux għaliex li jagħmlu hekk kien iġib il-mard, imma għaliex ma kinetx ħaġa qaddisa, mhux għaliex id-demm kien imniġġes, imma għaliex kien prezzjuż.
[Stampa f’paġna 24]
“Permezz tiegħu [taʼ Ġesù] għandna l-ħelsien b’rahan permezz tad-demm taʼ dak il-wieħed, iva, il-maħfra tan-nuqqasijiet tagħna.” —Efesin 1:7
[Stampa f’paġna 26]
Li ssalva l-ħajja bid-demm taʼ Ġesù jiftaħ it-triq għal ħajja bla tmiem, ħajja taʼ saħħa f’ġenna tal-art