Tmien persuni biss salvaw mid-​Dilluvju, imma maż-​żmien żdiedu biex bdew jgħoddu mal-​eluf. Imbagħad, 352 sena wara d-​Dilluvju, twieled Abraham. Aħna nitgħallmu dwar kif Alla żamm il-​wegħda tiegħu billi ta lil Abraham iben jismu Iżakk. Imbagħad, miż-​żewġ ulied subien t’Iżakk, Alla għażel lil Ġakobb.

Ġakobb kellu familja kbira bi 12-​il tifel u xi bniet. Għaxra mis-​subien taʼĠakobb kienu jobogħdu lil ħuhom iż-​żgħir Ġużeppi u bigħuh fil-​jasar fl-​Eġittu. Maż-​żmien, Ġużeppi sar ħakkiem importanti fl-​Eġittu. Meta kien hemm ġuħ kbir, Ġużeppi għadda lil ħutu minn prova ħalli jara jekk kinux inbidlu. Fl-​aħħar, il-​familja kollha taʼ Ġakobb, l-​Iżraelin, marru jgħixu l-​Eġittu. Dan ġara 290 sena wara li twieled Abraham.

Għall-​215⁠-​⁠il sena li jmiss l-​Iżraelin għexu fl-​Eġittu. Wara li miet Ġużeppi, huma saru lsiera f’dan il-​post. Maż-​żmien, twieled Mosè, u Alla użah biex jeħles lill-​Iżraelin mill-​Eġittu. B’kollox, IT-​TIENI Parti tkopri 857 sena taʼ storja.