LEZZJONI 22
Kif Tistaʼ Titkellem m’Oħrajn Dwar l-Aħbar Tajba?
Int u titgħallem mill-Bibbja forsi taħseb, ‘Dan kulħadd għandu jkun jafu!’ U għandek raġun! Imma forsi tibżaʼ titkellem m’oħrajn fuq li qed titgħallem. Ejja naraw kif ma tibqax tibżaʼ u tibda tieħu gost titkellem m’oħrajn fuq l-aħbar tajba tal-Bibbja.
1. Kif tistaʼ titkellem dwar x’tgħallimt man-nies li taf?
Id-dixxipli taʼ Ġesù qalu: “Aħna ma nistgħux nieqfu nitkellmu dwar dak li rajna u smajna.” (Atti 4:20) Dak li għallimhom Ġesù tant kien importanti għalihom li riedu jgħiduh lil kulħadd. Int tħossok l-istess? Jekk iva, fittex iċ-ċans biex b’rispett tgħid lill-familja u l-ħbieb tiegħek x’tgħallimt.—Aqra Kolossin 4:6.
Xi ideat biex jgħinuk
-
Meta tkun qed titkellem maʼ tal-familja, semmi xi ħaġa mill-Bibbja billi tgħid: “Tgħallimt xi ħaġa ġdida dil-ġimgħa.”
-
Uri skrittura biex tinkuraġġixxi lil xi ħabib li ma jiflaħx jew stressat.
-
Meta tax-xogħol isaqsuk kif kien il-weekend, għidilhom x’tgħallimt waqt l-istudju jew il-laqgħa.
-
Uri l-website jw.org lill-ħbieb tiegħek.
-
Stieden lil oħrajn biex jiġu fuq l-istudju tal-Bibbja tiegħek, jew urihom kif japplikaw għal studju personali minn fuq jw.org.
2. Għala hi mira sabiħa li tipprietka mal-aħwa tal-kongregazzjoni?
Id-dixxipli taʼ Ġesù ma ppritkawx l-aħbar tajba man-nies li kienu jafu biss. Ġesù “bagħathom tnejn tnejn qablu f’kull belt” biex jippritkaw. (Luqa 10:1) B’dal-mod, in-nies kellhom iktar ċans jisimgħu bl-aħbar tajba. Wara li ppritkaw flimkien, id-dixxipli ħassewhom ferħanin ħafna. (Luqa 10:17) Tistaʼ taħseb biex tibda tipprietka mal-aħwa tal-kongregazzjoni?
TGĦALLEM IŻJED
Ara kif jistaʼ jkollok iktar kuraġġ biex tipprietka u tibda tieħu gost titkellem fuq l-aħbar tajba.
3. Ġeħova se jgħinek
Xi nies li jixtiequ jippritkaw forsi jibżgħu x’se jaħsbu dwarhom oħrajn jew kif se jirreaġixxu oħrajn meta jkellmuhom.
-
Int tibżaʼ titkellem m’oħrajn dwar dak li qed titgħallem? Għala tħossok hekk?
Ara l-VIDJOW, u mbagħad iddiskuti l-mistoqsija.
-
Dawn iż-żgħażagħ kif ma baqgħux jibżgħu?
Aqra Isaija 41:10, u mbagħad iddiskuti:
-
Meta tibżaʼ tipprietka, għala għandek titlob?
Kont taf?
Ħafna Xhieda taʼ Ġeħova kienu jaħsbu li qatt mhu se jkollhom il-kuraġġ jippritkaw. Pereżempju, Sergey ma kellux fiduċja fih innifsu u kien isibha diffiċli biex jitkellem man-nies. Imbagħad beda jistudja l-Bibbja. Hu jgħid: “Bdejt nitkellem m’oħrajn dwar dak li kont nitgħallem avolja kont nibżaʼ. Ma stennejtx li se nsir iżjed kunfidenti iktar ma nitkellem fuq il-Bibbja. Il-fidi tiegħi ssaħħet iktar meta tkellimt dwar dak li nemmen.”
4. Uri rispett
Qabel tkellem lil xi ħadd, trid mhux biss taħseb x’se tgħid imma anki kif se tgħidu. Aqra t-2 Timotju 2:24 u l-1 Pietru 3:15, u mbagħad iddiskuti:
-
Dawn il-versi kif jistgħu jgħinuk meta titkellem m’oħrajn dwar il-Bibbja?
-
Xi ħbieb jew tal-familja jistgħu ma jaqblux miegħek. X’tistaʼ tagħmel? X’m’għandekx tagħmel?
-
Għala jkun aħjar li tiddiskuti magħhom b’rispett minflok tgħidilhom x’għandhom jemmnu?
5. Meta tipprietka tkun ferħan
Ġeħova qal lil Ġesù biex jipprietka l-aħbar tajba. Ġesù kif ħassu dwar dan ix-xogħol? Aqra Ġwanni 4:34, u mbagħad iddiskuti:
-
Meta nieklu ikel tajjeb, nieħdu pjaċir u nkunu b’saħħitna. Ġesù għala qabbel li nagħmlu dak li jrid Alla (bħal li nippritkaw) maʼ li nieklu?
-
Għala se tkun ferħan meta tipprietka l-aħbar tajba?
Ideat
-
Waqt il-laqgħa taʼ matul il-ġimgħa, ħu ideat taʼ kif tistaʼ tibda konversazzjoni m’oħrajn.
-
Tkellem maʼ min qed tistudja biex tara kif tistaʼ ssir student fil-laqgħa taʼ matul il-ġimgħa. Meta tieħu sehem f’din il-laqgħa, se tħossok iktar preparat biex titkellem m’oħrajn dwar dak li qed titgħallem.
-
F’dan il-ktieb issib kaxxi bl-isem “Ħafna Jgħidu” jew “Xi Ħadd Jistaʼ Jsaqsi.” Dawn tistaʼ tużahom biex titgħallem kif twieġeb mistoqsijiet u raġunar komuni.
XI ĦADD JISTAʼ JSAQSI: “Ili ma narak, kif int?”
-
Kif tistaʼ tieħu ċ-ċans biex tgħid lill-persuna dwar x’qed titgħallem mill-Bibbja?
XI DDISKUTEJNA?
Meta titkellem fuq l-aħbar tajba, se tkun ferħan u dan se jkun eħfef milli taħseb.
X’Tgħallimt
-
Għala hu tajjeb li titkellem fuq l-aħbar tajba m’oħrajn?
-
Kif tistaʼ turi rispett meta titkellem m’oħrajn?
-
X’tistaʼ tagħmel biex ma tibżax meta tkun se tipprietka?
ARA IŻJED
Ara erbaʼ modi kif tistaʼ tuża l-kard tal-jw.org biex tipprietka.
Tgħallem dwar erbaʼ kwalitajiet li se jgħinuk biex titkellem dwar l-aħbar tajba.
“Lest Int Biex Issir Sajjied tal-Bnedmin?” (It-Torri tal-Għassa, Settembru 2020)
Ara kif eżempju taʼ xi ħadd mill-Bibbja jistaʼ jagħtina kuraġġ biex nippritkaw, anki jekk aħna żgħar.
Sir af kif tistaʼ titkellem dwar il-Bibbja maʼ tal-familja li qatt ma semgħu b’Ġeħova.
“Nilħqu l-qalb taʼ qraba li mhumiex tal-istess twemmin” (It-Torri tal-Għassa, 15 taʼ Marzu 2014)
Tistaʼ Tara Wkoll
MISTOQSIJIET KOMUNI
X’Inhu l-Kors tal-Bibbja li Joffru x-Xhieda taʼ Ġeħova?
Waqt dan il-kors b’xejn maʼ wieħed mix-Xhieda taʼ Ġeħova, int tistaʼ tuża l-Bibbja tiegħek. Jekk trid, tistaʼ tistieden lil tal-familja jew ħbieb tiegħek.
