LEZZJONI 25
Alla X’Ħajja Jixtieq Għalina?
Il-Bibbja tgħid li l-ħajja tan-nies hi qasira u mimlija tbatija. (Ġob 14:1) Imma Alla din il-ħajja jrid għalina? Jekk le, x’ħajja jridna ngħixu? Qatt se ssir vera? Ara t-tweġibiet sbieħ li ttina l-Bibbja.
1. Ġeħova x’tip taʼ ħajja jridna ngħixu?
Ġeħova jridna ngħixu l-aħjar ħajja li tistaʼ timmaġina. Meta ħalaq lill-ewwel koppja, Adam u Eva, hu poġġiehom fil-ġnien tal-Għeden. Dan kien ġnien mill-isbaħ fuq l-art. Imbagħad “Alla berikhom u qalilhom: ‘Nisslu u oktru u imlew l-art u rażżnuha,’” jiġifieri ħudu ħsiebha. (Ġenesi 1:28) Ġeħova ried li jkollhom it-tfal, jagħmlu l-art ġenna, u jieħdu ħsieb l-annimali. Hu ried li kulħadd ikollu saħħa perfetta u jgħix għal dejjem.
Għalkemm bħalissa mhux qed ngħixu hekk, a dak li jixtieq Alla għalina ma nbidilx. (Isaija 46:10, 11) Hu xorta jrid li dawk li jobduh jgħixu għal dejjem f’kundizzjonijiet perfetti.—Aqra Rivelazzjoni 21:3, 4.
2. Kif tistaʼ tkun ferħan bħalissa?
Ġeħova ħalaqna bi “bżonn spiritwali,” jiġifieri li nixtiequ nsiru nafuh u naqduh. (Aqra Mattew 5:3-6.) Hu jrid li jkollna ħbiberija tajba miegħu, ‘nimxu fi triqatu kollha, inħobbuh, u naqduh b’qalbna kollha.’ (Dewteronomju 10:12; Salm 25:14) Meta nagħmlu hekk, se nkunu ferħanin anki meta jkollna l-problemi. U meta naqdu lil Ġeħova, aħna nħossu li għandna raġuni għal xiex ngħixu, għax inkunu qed ngħixu kif iridna hu.
TGĦALLEM IŻJED
Tgħallem dwar l-imħabba li wera Ġeħova meta ħalaq id-dinja. Ara wkoll x’tgħallimna l-Bibbja dwar it-tip taʼ ħajja li jrid għalina.
3. Ġeħova jrid li n-nies ikollhom ħajja sabiħa
Ara l-VIDJOW, u mbagħad iddiskuti:
-
Ġeħova għala ħalaq din id-dinja sabiħa?
Aqra Ekkleżjasti 3:11, u mbagħad iddiskuti:
-
Minn din l-iskrittura, Alla xi jrid għalina?
4. Dak li jrid Ġeħova ma nbidilx
Aqra Salm 37:11, 29 u Isaija 55:11, u mbagħad iddiskuti:
-
Kif nafu li dak li jrid Ġeħova għalina ma nbidilx?
Dar li ġiet abbandunata tistaʼ tiġi rranġata, u l-istess għad-dinja. Għalkemm ħafna nies ma jiħdux ħsiebha, Alla se jerġaʼ jirranġaha għal dawk kollha li jħobbuh
5. Meta naqdu lil Ġeħova, ikollna raġuni għal xiex ngħixu
Meta nkunu nafu dak li Ġeħova jrid għalina, se nkunu ferħanin. Ara l-VIDJOW, u mbagħad iddiskuti:
-
Meta Terumi tgħallmet xi jrid Alla għalina, kif għenha f’ħajjitha?
Aqra Ekkleżjasti 12:13, u mbagħad iddiskuti:
-
Kif nuru li napprezzaw dak kollu li Ġeħova għamel għalina?
XI ĦADD JISTAʼ JSAQSI: “Għala qed ngħixu?”
-
Int kif twieġeb?
XI DDISKUTEJNA?
Ġeħova jridna ngħixu għal dejjem fuq l-art f’kundizzjonijiet perfetti. Meta naqduh b’qalbna kollha, se jkollna raġuni għal xiex ngħixu u se nkunu ferħanin anki issa.
X’Tgħallimt
-
Ġeħova x’ried għal Adam u Eva?
-
Kif nafu li dak li jrid Alla għan-nies ma nbidilx?
-
Kif jistaʼ jkollok ħajja ferħana?
ARA IŻJED
Tgħallem għala nistgħu nkunu ċerti li l-ġnien tal-Għeden vera eżista.
“Il-Ġnien tal-Għeden—Ħrafa Jew Fatt?” (It-Torri tal-Għassa, April-Ġunju 2011)
Ara għala nistgħu nkunu ċerti li d-dinja se tibqaʼ għal dejjem.
Sir af x’tgħid il-Bibbja biex ikollna ħajja ferħana.
Ara kif raġel li ħaseb li kellu kollox sab x’kellu nieqes f’ħajtu.
a Fil-lezzjoni li jmiss se titgħallem x’mar ħażin.
Tistaʼ Tara Wkoll
MISTOQSIJIET KOMUNI
X’Inhu l-Kors tal-Bibbja li Joffru x-Xhieda taʼ Ġeħova?
Waqt dan il-kors b’xejn maʼ wieħed mix-Xhieda taʼ Ġeħova, int tistaʼ tuża l-Bibbja tiegħek. Jekk trid, tistaʼ tistieden lil tal-familja jew ħbieb tiegħek.
