LEZZJONI 33
X’Se Tagħmel is-Saltna t’Alla
Is-Saltna t’Alla ġa qiegħda tmexxi. Daqt se tbiddel ħafna affarijiet fuq l-art. Ejja naraw xi affarijiet sbieħ li se jkun hawn permezz tas-Saltna t’Alla.
1. Is-Saltna t’Alla kif se ġġib paċi u ġustizzja fuq l-art?
Ġesù, bħala s-Sultan tas-Saltna t’Alla, se jeqred lin-nies ħżiena u l-gvernijiet fil-gwerra t’Armageddon. (Rivelazzjoni 16:14, 16) Imbagħad se naraw din il-wegħda mill-Bibbja: “Ftit ieħor biss, u l-ħażin ma jkunx iktar.” (Salm 37:10) Ġesù se juża s-Saltna biex jagħmel ċert li mad-dinja kollha jkun hawn il-paċi u l-ġustizzja.—Aqra Isaija 11:4.
2. Il-ħajja kif se tkun meta fuq l-art isir dak li jrid Alla?
Taħt is-Saltna t’Alla ‘l-ġusti se jirtu l-art, u jgħixu fiha għal dejjem.’ (Salm 37:29) Tistaʼ timmaġina? Fid-dinja kulħadd se jkun persuna tajba u jħobb lil Ġeħova u lil oħrajn! Ħadd mhu se jimrad u kulħadd se jgħix għal dejjem.
3. Is-Saltna t’Alla x’se tagħmel wara li jinqerdu l-ħżiena?
Wara li jinqerdu l-ħżiena, Ġesù se jmexxi bħala Sultan għal 1,000 sena. F’dak iż-żmien, hu u l-144,000 li se jmexxu miegħu, se jgħinu lin-nies kollha fuq l-art isiru perfetti. Fl-aħħar tal-1,000 sena, l-art se ssir ġenna sabiħa u kulħadd se jkun ferħan għax ikun qed jobdi lil Ġeħova. Imbagħad Ġesù se jagħti lura s-Saltna lil Missieru Ġeħova. Isem Ġeħova se jiġi mqaddes iżjed minn qatt qabel. (Mattew 6:9, 10) Ħadd mhu se jkollu dubju li Ġeħova hu Mexxej tajjeb li jimpurtah min-nies tiegħu. Ġeħova mbagħad se jeqred lil Satana, id-dimonji u dawk li jiħduha kontra kif imexxi Hu. (Rivelazzjoni 20:7-10) Il-kundizzjonijiet perfetti li se ġġib is-Saltna t’Alla se jibqgħu għal dejjem.
TGĦALLEM IŻJED
Sir af għala tistaʼ tkun ċert li Alla se juża s-Saltna biex iżomm il-wegħdi li għamlilna għall-futur.
4. Is-Saltna t’Alla se tneħħi l-gvernijiet fuq l-art
“Il-bniedem iddomina lill-bniedem bi ħsara għalih.” (Ekkleżjasti 8:9) Ġeħova se juża s-Saltna tiegħu biex ineħħi l-inġustizzja li għamlu n-nies.
Aqra Danjel 2:44 u t-2 Tessalonikin 1:6-8, u mbagħad iddiskuti:
-
Ġeħova u Ibnu Ġesù, x’se jagħmlu lill-gvernijiet fuq l-art u lil dawk li jżommu magħhom?
-
Dak li tgħallimt dwar Ġeħova u Ġesù, kif jgħinek tkun ċert li dak li se jagħmlu se jkun tajjeb?
5. Ġesù hu l-aqwa Sultan
Bħala s-Sultan tas-Saltna t’Alla, Ġesù se jgħin lin-nies fuq l-art b’ħafna modi. Ara l-VIDJOW biex issir taf kif Ġesù ġa wera li jrid jgħin lin-nies u li Alla tah il-qawwa biex jagħmel dan.
Dak li għamel Ġesù meta kien fuq l-art jagħtina idea x’se tagħmel is-Saltna t’Alla. Liema minn dawn il-barkiet tixtieq tara? Aqra l-iskritturi li ġejjin. Dawn jgħinuna nitgħallmu iżjed dwar dawn il-barkiet.
|
META KIEN FUQ L-ART, ĠESÙ . . . |
MIS-SEMA ĠESÙ SE . . . |
|---|---|
|
|
|
|
|
|
|
|
6. Is-Saltna t’Alla se ġġib futur sabiħ
Is-Saltna se tagħti lin-nies il-ħajja sabiħa li Ġeħova dejjem ried għalihom. Huma se jgħixu għal dejjem f’ġenna tal-art. Biex tara kif Ġeħova qed juża lil Ġesù biex jagħmel dak li jrid għalina ara l-VIDJOW.
Aqra Salm 145:16, u mbagħad iddiskuti:
-
Kif tħossok li Ġeħova se ‘jissodisfa x-xewqa taʼ kull ħaġa ħajja’?
ĦAFNA JGĦIDU: “Jekk naħdmu flimkien, nistgħu nsolvu l-problemi li hawn fid-dinja.”
-
Is-Saltna t’Alla liema problemi se ssolvi li l-gvernijiet fuq l-art ma jistgħux?
XI DDISKUTEJNA?
Is-Saltna t’Alla se tagħmel dak kollu li jrid Alla. Hi se tbiddel l-art f’ġenna sabiħa u se tkun mimlija b’nies tajbin li jaqdu lil Ġeħova għal dejjem.
X’Tgħallimt
-
Is-Saltna t’Alla kif se tqaddes isem Ġeħova?
-
Għala nistgħu nemmnu li l-wegħdi kollha li hemm fil-Bibbja se jsiru permezz tas-Saltna t’Alla?
-
Mill-affarijiet tajbin kollha li se tagħmel is-Saltna t’Alla, x’tixtieq tara l-iżjed?
ARA IŻJED
Sir af x’inhi Armageddon.
Ara x’se jiġri waqt u fl-aħħar tal-1,000 sena li se jmexxi Ġesù.
“What Will Happen on Judgment Day?” (The Watchtower, September 1, 2012)
Ara kif il-familji jistgħu jimmaġinaw lilhom infushom flimkien fil-Ġenna tal-art.
Fl-istorja “I Was Troubled by Many Questions,” aqra kif raġel li kien jiħodha kontra l-politika sab is-soluzzjonijiet li kien qed ifittex.
Tistaʼ Tara Wkoll
MISTOQSIJIET KOMUNI
X’Inhu l-Kors tal-Bibbja li Joffru x-Xhieda taʼ Ġeħova?
Waqt dan il-kors b’xejn maʼ wieħed mix-Xhieda taʼ Ġeħova, int tistaʼ tuża l-Bibbja tiegħek. Jekk trid, tistaʼ tistieden lil tal-familja jew ħbieb tiegħek.
