Dawk li jiżżewġu jittamaw li l-​ferħ li kellhom dakinhar li żżewġu jibqaʼ għal dejjem. Dan hu possibbli. Kristjani li ilhom miżżewġin u li ħadmu iebes biex japplikaw il-​pariri tal-​Bibbja, ċerti li jistgħu jibqgħu ferħanin flimkien.

1. Il-​Bibbja x’pariri tagħti lill-​irġiel miżżewġin?

Ġeħova lir-​raġel tah ir-​responsabbiltà biex imexxi lill-​familja. (Aqra Efesin 5:​23.) Ġeħova jridu jieħu deċiżjonijiet li se jgħinu lill-​familja. Il-​Bibbja tgħid lill-​irġiel miżżewġin: “Komplu ħobbu lin-​nisa tagħkom.” (Efesin 5:​25) X’jiġifieri? Raġel li jħobb lill-​mara tiegħu se jittrattaha b’qalb tajba, kemm fid-​dar u anki meta jkunu man-​nies. Hu jipproteġiha, iżommha ferħana, u jagħtiha dak li għandha bżonn. (1 Timotju 5:8) Imma l-​iżjed importanti, hu jgħinha biex ikollha ħbiberija tajba ma’ Ġeħova. (Mattew 4:4) Pereżempju, hu jistaʼ jitlob u jaqra l-​Bibbja magħha. Meta raġel iħobb u jieħu ħsieb lill-​mara tiegħu, fl-​istess ħin ikun qed jieħu ħsieb il-​ħbiberija tiegħu ma’ Ġeħova.​—Aqra l-​1 Pietru 3:7.

2. Il-​Bibbja x’pariri tagħti lin-​nisa miżżewġin?

Il-​Bibbja tgħid li l-​mara ‘għandu jkollha rispett kbir lejn żewġha.’ (Efesin 5:​33) Kif tistaʼ tagħmel hekk? Billi taħseb dwar il-​kwalitajiet sbieħ li għandu r-​raġel tagħha. U taħseb ukoll fuq dak kollu li jagħmel biex jieħu ħsieb lilha u lit-​tfal tagħhom. Hi turih rispett billi tissapportjah f’dak li jiddeċiedi. U hi titkellem bi mħabba miegħu u m’oħrajn dwaru, anki jekk ma jaqdix lil Ġeħova.

3. Koppja kif jistaʼ jkollha żwieġ b’saħħtu?

Il-​Bibbja tgħid hekk dwar koppji miżżewġin: “It-​tnejn ikunu ġisem wieħed.” (Mattew 19:5) Dan ifisser li jridu jiġġieldu kontra kull ħaġa li tistaʼ tifridhom. Jagħmlu hekk billi jqattgħu ħafna ħin flimkien. Ukoll, ikunu onesti ma’ xulxin billi bi mħabba jgħidu x’jaħsbu u kif iħossuhom. Apparti Ġeħova, ma jħallu lil ħadd u xejn ikun iżjed importanti mill-​mara jew ir-​raġel tagħhom. Huma joqogħdu attenti ħafna li ma jkunux close żżejjed ma’ xi ħadd li mhux ir-​raġel jew il-​mara tagħhom.

 TGĦALLEM IŻJED

4. Irġiel​—ħobbu u ħudu ħsieb in-​nisa tagħkom

5. Nisa​—ħobbu u rrispettaw l-​irġiel tagħkom

Il-​Bibbja tinkuraġġixxi n-​nisa biex jirrispettaw l-​irġiel tagħhom, anki jekk ma jaqdux lil Ġeħova. Aqra l-​1 Pietru 3:​1, 2, u mbagħad iddiskuti:

• Jekk ir-​raġel tiegħek ma jaqdix lil Ġeħova, żgur li tixtiequ jibda jaqdih. Kif l-​aħjar li tgħinu? Taħseb li għandek tippritkalu l-​ħin kollu? Jew ikun aħjar li turih qalb tajba u tirrispettah? Għala taħseb hekk?

Huwa tajjeb li r-​raġel u l-​mara jiddeċiedu flimkien. Imma kultant il-​mara jaf ma taqbilx mar-​raġel. Hi tistaʼ tgħidlu x’taħseb b’mod kalm u  b’rispett. Imma hi għandha tiftakar li r-​raġel għandu r-​responsabbiltà biex jara x’inhu l-​aħjar għall-​familja. Din tahielu Ġeħova. Hi trid tagħmel l-​aħjar li tistaʼ biex tgħinu f’dak li jiddeċiedi. Meta tagħmel hekk, hi tkun qed tgħin biex il-​familja kollha tkun ferħana. Aqra l-​1 Pietru 3:​3-​5, u mbagħad iddiskuti:

• Ġeħova kif iħossu meta mara tirrispetta lir-​raġel tagħha?

6. Tistaʼ ssolvi l-​problemi fiż-​żwieġ

 XI DDISKUTEJNA?

Mara u raġel miżżewġin jistgħu jkunu ferħanin meta jħobbu lil xulxin, jirrispettaw lil xulxin, u jobdu l-​pariri tal-​Bibbja.

X’Tgħallimt

• Raġel x’jistaʼ jagħmel biex iż-​żwieġ ikun ferħan?

• Mara x’tistaʼ tagħmel biex iż-​żwieġ ikun ferħan?

• Jekk int miżżewweġ, liema pariri tal-​Bibbja jistgħu jgħinuk issaħħaħ iż-​żwieġ tiegħek?