LEZZJONI 50
Kif Jistgħu l-Ġenituri u t-Tfal Ikunu Ferħanin?
It-tfal huma rigal mingħand Ġeħova. Hu jistenna li l-ġenituri jieħdu ħsieb dan ir-rigal sew. Ġeħova jagħti pariri tajbin li jgħinu lill-ġenituri. Il-pariri tiegħu juru wkoll xi jridu jagħmlu t-tfal biex il-familja tkun ferħana.
1. Ġeħova x’pariri jagħti lill-ġenituri?
Ġeħova jrid li l-ġenituri jħobbu lit-tfal tagħhom u jqattgħu kemm jistaʼ jkun ħin magħhom. Hu jrid ukoll li l-ġenituri jipproteġu lit-tfal tagħhom mill-periklu u jużaw il-prinċipji tal-Bibbja biex jgħallmuhom. (Proverbji 1:8) Hu jgħid lill-missirijiet biex jibqgħu jrabbu lit-tfal tagħhom skont dak li jgħallimhom Ġeħova. (Aqra Efesin 6:4.) Ġeħova jieħu pjaċir meta l-ġenituri jobdu l-pariri tiegħu biex irabbu t-tfal tagħhom. Hu jieħu pjaċir ukoll meta ma jagħtux din ir-responsabbiltà lil ħaddieħor.
2. Ġeħova x’pariri jagħti lit-tfal?
Ġeħova jgħid lit-tfal: “Obdu lill-ġenituri.” (Aqra Kolossin 3:20.) Meta t-tfal jirrispettaw u jobdu lill-ġenituri tagħhom, ikunu qed iferrħu lill-ġenituri u lil Ġeħova. (Proverbji 23:22-25) Meta Ġesù kien għadu tifel, ħallielna eżempju tajjeb. Għalkemm Ġesù kien perfett, hu xorta obda u rrispetta l-ġenituri tiegħu.—Luqa 2:51, 52.
3. Kif tistgħu tkunu iktar qrib taʼ Ġeħova bħala familja?
Jekk għandek it-tfal, żgur li tixtieqhom iħobbu lil Ġeħova daqskemm tħobbu int. Kif tistaʼ tagħmel dan? Il-Bibbja tgħid biex kliem Ġeħova ‘ddaħħlu sew f’qalb ibnek u titkellem dwaru meta toqgħod bil-qiegħda f’darek u meta timxi fit-triq.’ (Dewteronomju 6:7) Dan ifisser li trid tirrepeti biex tgħallem lit-tfal tiegħek. Fil-fatt, int taf li biex it-tfal jiftakru xi ħaġa trid tirrepetilhom kemm-il darba. Dan il-vers ifisser li għandek taħtaf kull ċans biex titkellem mat-tfal tiegħek dwar Ġeħova. Ikun tajjeb li l-familja kollha twarrab xi ħin kull ġimgħa biex tistudja l-Bibbja flimkien. Jekk m’għandekx tfal, xorta jkun tajjeb li twarrab ftit ħin kull ġimgħa biex tistudja l-Kelma t’Alla.
TGĦALLEM IŻJED
Ara pariri tajbin li se jgħinu biex il-familja kollha tkun protetta u ferħana.
4. Għallem it-tfal bi mħabba
Jistaʼ jkun diffiċli li tgħallem it-tfal. Il-Bibbja kif tistaʼ tgħinek? Aqra Ġakbu 1:19, 20, u mbagħad iddiskuti:
-
Il-ġenituri kif jistgħu juru li jħobbu lit-tfal tagħhom meta jitkellmu magħhom?
-
Ġenitur għala qatt m’għandu jiddixxiplina lit-tfal tiegħu meta jkun irrabjat? a
5. Ipproteġi t-tfal tiegħek
Biex tipproteġi t-tfal tiegħek, huwa importanti ħafna li titkellem mat-tfal dwar is-sess. Dan jaf ikun ftit skomdu għalik. Ara l-VIDJOW, u mbagħad iddiskuti:
-
Xi ġenituri għala jsibuha diffiċli biex jitkellmu mat-tfal dwar is-sess?
-
Xi ġenituri kif tkellmu mat-tfal tagħhom dwar is-sess?
Bħalma tgħid il-Bibbja, id-dinja taʼ Satana dejjem qed tmur għall-agħar. Aqra t-2 Timotju 3:1, 13, u mbagħad iddiskuti:
-
Ħafna min-nies ħżiena li jissemmew f’vers 13 jabbużaw b’mod sesswali lit-tfal. Allura, għala hu importanti li l-ġenituri jgħallmu lit-tfal tagħhom dwar is-sess u kif jipproteġu lilhom infushom minn dawn in-nies?
Kont taf?
Ix-Xhieda taʼ Ġeħova għandhom pubblikazzjonijiet li jgħinu l-ġenituri (1) biex jgħallmu lit-tfal tagħhom dwar is-sess u (2) kif jipproteġuhom minn dawk li jipprovaw jabbużawhom. Pereżempju ara:
-
Ipproteġi lit-tfal tiegħek (vidjow)
-
“Għallem lil uliedek dwar is-sess” (Stenbaħ! Nru. 5 2016)
6. Irrispetta lill-ġenituri tiegħek
It-tfal u ż-żgħażagħ juru li jirrispettaw lill-ġenituri tagħhom bil-mod kif jitkellmu magħhom. Ara l-VIDJOW, u mbagħad iddiskuti l-mistoqsijiet.
-
Għala jkun tajjeb li t-tfal jew iż-żgħażagħ jitkellmu b’rispett mal-ġenituri tagħhom?
-
It-tfal jew iż-żgħażagħ kif għandhom jitkellmu mal-ġenituri?
Aqra Proverbji 1:8, u mbagħad iddiskuti:
-
It-tfal jew iż-żgħażagħ xi jridu jagħmlu meta l-ġenituri jgħidulhom x’għandhom jagħmlu?
7. Studjaw il-Bibbja bħala familja
Bħala Xhieda taʼ Ġeħova, il-familji jużaw ftit mill-ħin tagħhom kull ġimgħa biex jistudjaw il-Bibbja flimkien. Kif isir dan l-istudju? Ara l-VIDJOW, u mbagħad iddiskuti l-mistoqsijiet.
-
Familja kif tistaʼ tagħmel il-Qima Bħala Familja b’mod regolari?
-
Il-ġenituri x’jistgħu jagħmlu biex il-familja kollha tieħu pjaċir titgħallem mill-Bibbja? —Ara l-ewwel stampa taʼ din il-lezzjoni.
-
X’jistaʼ jagħmilha diffiċli biex il-familja tistudja flimkien?
Fi żmien l-Iżraelin, Ġeħova ried li l-familji jitkellmu dwar il-Bibbja b’mod regolari. Aqra Dewteronomju 6:6, 7, u mbagħad iddiskuti:
-
Kif tistaʼ tuża dan il-prinċipju mal-familja tiegħek?
Ideat biex tistudjaw il-Bibbja bħala familja:
-
Ippreparaw għal-laqgħat tal-kongregazzjoni flimkien.
-
Aqraw u ddiskutu storja mill-Bibbja li l-familja se tieħu pjaċir biha.
-
Jekk għandek tfal żgħar, iddawnlowdja jew ipprintja attività għat-tfal minn jw.org.
-
Jekk it-tfal tiegħek huma teenagers, iddiskutu artiklu għaż-żgħażagħ minn jw.org.
-
Irreċtaw storja mill-Bibbja.
-
Araw u ddiskutu vidjow minn jw.org.
ĦAFNA JGĦIDU: “M’għandix ċans ngħallem il-Bibbja lit-tfal u hi tqila wisq għalihom.”
-
Kieku int x’tgħid?
XI DDISKUTEJNA?
Ġeħova jrid li (1) il-ġenituri jħobbu, jgħallmu, u jipproteġu lit-tfal tagħhom, (2) it-tfal jirrispettaw u jobdu lill-ġenituri tagħhom, u (3) il-familja tistudja l-Bibbja flimkien.
X’Tgħallimt
-
Il-ġenituri kif jistgħu jgħallmu u jipproteġu lit-tfal tagħhom?
-
It-tfal kif jistgħu jirrispettaw lill-ġenituri tagħhom?
-
Għala jkun tajjeb li l-familja tuża ftit ħin kull ġimgħa biex tistudja l-Bibbja flimkien?
ARA IŻJED
X’se jgħin lit-tfal tiegħek meta jikbru?
“Sitt lezzjonijiet li t-tfal għandhom bżonn jitgħallmu” (Stenbaħ! Nru. 2 2019)
Ara x’pariri tagħti l-Bibbja lil dawk li jieħdu ħsieb lill-ġenituri tagħhom.
“Il-Bibbja X’Tgħid Dwar li Tieħu Ħsieb il-Ġenituri Meta Jikbru?” (Artiklu fuq jw.org)
Ara kif raġel li ma kienx jaf irabbi lit-tfal sar missier tajjeb.
Ara kif il-missirijiet jistgħu jkunu iżjed close mat-tfal tagħhom.
a Fil-Bibbja, “dixxiplina” tfisser li tgħallem lit-tfal u tikkoreġihom biex jirraġunaw tajjeb jew biex jagħmlu dak li hu tajjeb. Dan qatt ma jfisser li tweġġagħhom jew tkun kattiv magħhom.—Proverbji 4:1.
Tistaʼ Tara Wkoll
MISTOQSIJIET KOMUNI
X’Inhu l-Kors tal-Bibbja li Joffru x-Xhieda taʼ Ġeħova?
Waqt dan il-kors b’xejn maʼ wieħed mix-Xhieda taʼ Ġeħova, int tistaʼ tuża l-Bibbja tiegħek. Jekk trid, tistaʼ tistieden lil tal-familja jew ħbieb tiegħek.
