Ġesù hu l-​Kap tal-​kongregazzjoni Kristjana. (Efesin 5:​23) Illum, bħala Sultan mis-​sema, Ġesù juża “l-​ilsir leali u għaqli” biex imexxi n-​nies fuq l-​art. (Aqra Mattew 24:45.) Ġesù Kristu għażel lil dan l-​ilsir u tah l-​awtorità li jieħu xi deċiżjonijiet. Imma l-​ilsir xorta għandu jobdi lill-​Kristu u jaqdi lil ħut Kristu, jiġifieri lill-​midlukin l-​oħra. Min hu dan l-​ilsir? U kif jieħu ħsiebna?

1. Min hu “l-​ilsir leali u għaqli”?

Ġeħova dejjem kien imexxi n-​nies tiegħu billi uża raġel jew grupp żgħir taʼ rġiel. (Malakija 2:7; Ebrej 1:1) Wara li miet Ġesù, bdew imexxu l-​appostli u l-​anzjani li kienu f’Ġerusalemm. (Atti 15:2) Bl-​istess mod, illum grupp żgħir t’anzjani jagħtu l-​ikel spiritwali u jmexxu x-​xogħol tal-​ippritkar. Dan il-​grupp jismu l-​Ġemgħa li Tiggverna tax-​Xhieda taʼ Ġeħova. Dan l-​istess grupp hu “l-​ilsir leali u għaqli” li Ġesù għażel biex jagħmel dan ix-​xogħol. (Mattew 24:45a) Il-​membri tal-​Ġemgħa li Tiggverna kollha huma Kristjani midlukin bl-​ispirtu qaddis. Dawn iħarsu ’l quddiem li jingħaqdu ma’ Kristu fis-​Saltna tiegħu fis-​sema meta ma jibqgħux jgħixu hawn fuq l-​art.

2. X’inhu l-​ikel spiritwali li l-​ilsir leali u għaqli jagħti?

Ġesù qal li l-​Kristjani se jagħtihom “l-​ikel fiż-​żmien xieraq” permezz tal-​ilsir leali u għaqli. (Mattew 24:45b) L-​ikel li nieklu jgħinna nibqgħu b’saħħitna. L-​ikel spiritwali, jiġifieri t-​tagħlim mill-​Kelma t’Alla, jagħmel l-​istess. Dan se jsaħħaħna biex nibqgħu leali lejn Ġeħova u biex nagħmlu x-​xogħol li tana Ġesù. (1 Timotju 4:6) Dan l-​ikel spiritwali nirċivuh permezz tal-​laqgħat, l-​assembleat, u l-​konvenzjonijiet. Dan nirċivuh ukoll permezz tal-​pubblikazzjonijiet u l-​vidjows li jgħinuna nifhmu xi jrid Alla u nsaħħu l-​ħbiberija tagħna miegħu.

 TGĦALLEM IŻJED

3. In-​nies taʼ Ġeħova għandhom ikunu organizzati

Ġesù juża l-​Ġemgħa li Tiggverna biex jorganizza x-​xogħol tax-​Xhieda taʼ Ġeħova. Ġesù kien imexxi lill-​ewwel Kristjani b’mod simili. Ara l-​VIDJOW.

Aqra l-​1 Korintin 14:​33, 40, u mbagħad iddiskuti:

• Dawn il-​versi kif juru li Ġeħova jrid li x-​Xhieda tiegħu jkunu organizzati?

4. L-​ilsir leali jorganizza kif nippritkaw

L-​iżjed xogħol importanti li kienu jagħmlu l-​ewwel Kristjani kien l-​ippritkar. Aqra Atti 8:​14, 25, u mbagħad iddiskuti:

• Fi żmien l-​ewwel Kristjani, min kien jorganizza x-​xogħol tal-​ippritkar?

• Pietru u Ġwanni x’għamlu meta l-​appostli bagħtuhom jippritkaw?

L-​ippritkar hu l-​iżjed xogħol importanti li jieħdu ħsieb il-​Ġemgħa li Tiggverna. Ara l-​VIDJOW.

 Ġesù qal b’mod ċar kemm hu importanti l-​ippritkar. Aqra Marku 13:​10, u mbagħad iddiskuti:

• L-​ippritkar għala hu importanti ħafna għall-​Ġemgħa li Tiggverna?

• Għala għandna bżonn “l-​ilsir leali u għaqli” biex jorganizza l-​ippritkar mad-​dinja kollha?

5. L-​ilsir leali jagħtina istruzzjonijiet

Il-​Ġemgħa li Tiggverna tagħti istruzzjonijiet lill-​Kristjani mad-​dinja kollha. Huma kif jiddeċiedu? Aħseb x’kienu jagħmlu l-​ġemgħa li tiggverna fi żmien l-​ewwel Kristjani. Aqra Atti 15:​1, 2, u mbagħad iddiskuti:

• Xi Kristjani fuq xiex ma qablux?

• Pawlu, Barnaba, u xi oħrajn lil min saqsew għall-​għajnuna?

Aqra Atti 15:​12-​18, 23-​29, u mbagħad iddiskuti:

• Il-​ġemgħa li tiggverna kif raw x’jaħseb Alla qabel ma ħadu deċiżjoni? ​—Ara versi 12, 15, u 28.

Aqra Atti 15:​30, 31 u 16:​4, 5, u mbagħad iddiskuti:

• X’għamlu l-​Kristjani meta l-​ġemgħa li tiggverna tawhom xi istruzzjonijiet?

• Ġeħova kif berikhom talli obdew?

Aqra t-​2 Timotju 3:​16 u Ġakbu 1:​5, u mbagħad iddiskuti:

• Illum, il-​Ġemgħa li Tiggverna x’jagħmlu biex jiddeċiedu?

 XI DDISKUTEJNA?

Il-​Ġemgħa li Tiggverna hi “l-​ilsir leali u għaqli” li għażel Ġesù. Hi tmexxi l-​Kristjani kollha u ttihom l-​ikel spiritwali.

X’Tgħallimt

• Min għażel “l-​ilsir leali u għaqli”?

• Il-​Ġemgħa li Tiggverna kif tieħu ħsiebna?

• Int temmen li l-​Ġemgħa li Tiggverna hi “l-​ilsir leali u għaqli”?