Meta xi ħadd b’mod sinċier ma jaqbilx magħna jew isaqsina xi mistoqsija, aħna lesti li nkomplu nitkellmu miegħu. Aħna nieħdu pjaċir nitkellmu maʼ dawk li huma “lesti li jaċċettaw il-verità li twassal għal ħajja taʼ dejjem.”—Atti 13:48.

Imma x’se nagħmlu jekk il-persuna tkun irrabjata, trid targumenta, jew ma tkunx trid tkellimna? Bil-kalma u b’rispett waqqaf il-konversazzjoni. (Prov. 17:14) Ipprova itlaq bil-kwiet biex forsi darba oħra l-persuna tkun lesta li tismaʼ.—1 Pt. 2:12.