SERVIZZ F’BETEL Pubblikaturi mgħammdin li għandhom 35 sena jew inqas u li jixtiequ jaqdu f’Betel għandhom jippjanaw biex jattendu l-​laqgħa li se ssir għall-​applikanti taʼ Betel il-​Ġimgħa waranofsinhar. Il-​post u l-​ħin eżatt taʼ din il-​laqgħa se jitħabbru minn qabel.

SKOLA GĦALL-​EVANĠELIZZATURI TAS-​SALTNA Pijunieri li għandhom bejn it-​23 u l-​65 sena u li huma interessati f’li jkabbru l-​ministeru tagħhom huma mistidnin jattendu l-​laqgħa li se ssir għall-​applikanti għall-​Iskola għall-​Evanġelizzaturi tas-​Saltna l-​Ħadd waranofsinhar. Il-​post u l-​ħin eżatt taʼ din il-​laqgħa se jitħabbru minn qabel.

ATTENDANTS L-​attendants qegħdin hemm biex jgħinuk. Jekk jogħġbok ikkoopera bis-​sħiħ magħhom billi timxi fuq dak li jgħidulek huma rigward l-​ipparkjar, il-​kontroll tal-​folla, il-​postijiet li terfaʼ, u affarijiet oħrajn.

MAGĦMUDIJA Se jkun hemm siġġijiet riservati għall-​kandidati tal-​magħmudija fis-​sala prinċipali quddiem il-​palk, sakemm ma jkunx hemm xi istruzzjonijiet oħra. Il-​kandidati għall-​magħmudija għandhom ikunu bilqiegħda hemmhekk is-​Sibt filgħodu qabel ma tibda t-​taħdita tal-​magħmudija. Kull wieħed għandu jġib miegħu xugaman u malja modesta.

KONTRIBUZZJONIJIET Saru arranġamenti bi spejjeż konsiderevoli biex jiġu provduti biżżejjed siġġijiet, sistema tas-​sawnd, apparat tal-​vidjow, u ħafna servizzi oħra biex jagħmluha pjaċevoli li nattendu l-​konvenzjoni u jgħinuna nersqu eqreb lejn Ġeħova. Il-​kontribuzzjonijiet volontarji tiegħek jgħinu biex jitħallsu dawn l-​ispejjeż kif ukoll biex jappoġġjaw ix-​xogħol taʼ madwar id-​dinja. Għall-​konvenjenza tiegħek, kaxxi għall-​kontribuzzjonijiet immarkati ċar jinsabu madwar is-​sala kollha. Il-​kontribuzzjonijiet kollha huma apprezzati ħafna. Il-​Ġemgħa li Tiggverna tixtieq tirringrazzjak għall-​appoġġ ġeneruż tiegħek għall-​interessi tas-​Saltna.

L-​EWWEL GĦAJNUNA Jekk jogħġbok żomm f’moħħok li dan id-​dipartiment qiegħed għall-​EMERĠENZI BISS.

OĠĠETTI MITLUFIN U MISJUBIN Kull oġġett li jinstab għandu jittieħed fid-​Dipartiment tal-​Oġġetti Mitlufin u Misjubin. Jekk tlift xi ħaġa, mur f’dan id-​dipartiment u identifika dak li tkun tlift. Tfal li jitbiegħdu mill-​ġenituri tagħhom u jintilfu għandhom jittieħdu f’dan id-​dipartiment. Madankollu, dan id-​dipartiment m’għandux jitqies bħala post fejn joqogħdu jieħdu ħsieb it-​tfal. Jekk jogħġbok ħu ħsieb it-​tfal tiegħek u żommhom miegħek.

POSTIJIET Jekk jogħġbok aħseb f’ħaddieħor. Ftakar li tistaʼ żżomm post biss għal dawk li qed jivvjaġġaw miegħek fl-​istess karozza, jgħixu miegħek fl-​istess dar, jew li bħalissa qed jistudjaw il-​Bibbja miegħek. Jekk jogħġbok tħallix oġġetti fuq is-​siġġijiet li m’intix terfaʼ.

SERVIZZ TAʼ VOLONTIERI Jekk tixtieq tgħin fix-​xogħol involut fl-​arranġament tal-​konvenzjoni, jekk jogħġbok mur fid-​Dipartiment tal-​Informazzjoni u l-​Volontieri.