Din is-​sezzjoni se tgħallimna lezzjonijiet mill-​Iskrittura Griega Kristjana. Ħa naraw li Ġesù twieled ġo familja li kienet tgħix f’raħal żgħir, familja li kienet umli u leali lejn Ġeħova. Hu kien jaħdem maʼ missieru li kien mastrudaxxa. Ukoll, Ġesù kien il-​wieħed li se jsalva lill-​bnedmin għax Ġeħova kien għażel lilu biex ikun is-​Sultan tas-​Saltna tas-​sema. Jekk int ġenitur, għin lil bintek jew lil ibnek japprezza kemm Ġeħova qagħad attent meta għażel il-​familja u l-​ambjent li fihom kien se jikber Ġesù. Għinhom jifhmu kif Ġeħova pproteġa lil Ġesù milli jiġi maqtul minn Erodi, u kif xejn ma jistaʼ jwaqqaf l-​iskop taʼ Ġeħova. Għallimhom kif Ġeħova għażel lil Ġwanni biex jipprepara t-​triq għal Ġesù. Għinhom jifhmu kif anki minn età żgħira, Ġesù kien iħobb jitgħallem u jitkellem dwar il-​gwida u l-​pariri taʼ Ġeħova.