GĦALA HU IMPORTANTI: Kull pubblikazzjoni fil-​Kaxxa tal-​Għodda tat-​Tagħlim tieħdok fuq jw.org. Infatti, l-​iskop primarju tal-​kard tal-​jw.org u tal-​fuljett Fejn nistgħu nsibu t-​tweġibiet għall-​mistoqsijiet importanti tal-​ħajja? hu biex jidderieġu lin-​nies lejn il-​websajt tagħna. Int tistaʼ tuża l-​jw.org biex tħalli pubblikazzjoni mill-​Kaxxa tal-​Għodda tat-​Tagħlim billi tibgħat kopja elettronika permezz taʼ e-​mail jew billi tixxerja link. Dan jistaʼ jkun speċjalment t’għajnuna meta tkun qed tagħti xhieda lil xi ħadd li jitkellem lingwa barranija. Barra minn hekk, in-​nies jistgħu jistaqsu mistoqsijiet li jiġu mwieġba permezz taʼ pubblikazzjonijiet li ma jinsabux fil-​Kaxxa tal-​Għodda tat-​Tagħlim. Jekk inkunu familjari mal-​websajt, aħna nistgħu nsiru iktar effettivi fil-​ministeru tagħna.

KIF TAGĦMEL DAN:

• Uża s-sezzjoni “TAGĦLIM TAL-BIBBJA.” Ejja ngħidu li qed tagħti xhieda lil ġenitur li jixtieq iktar informazzjoni dwar it-​trobbija tat-​tfal. Mur fuq TAGĦLIM TAL-​BIBBJA > ŻWIEĠ U FAMILJA.

• Uża s-sezzjoni “PUBBLIKAZZJONIJIET.” Ejja ngħidu li qed tagħti xhieda informali fl-​iskola u trid turi lil xi ħadd tal-​klassi tiegħek il-​browxer Tweġibiet għal 10 mistoqsijiet li ż-​żgħażagħ jistaqsu. Mur fuq PUBBLIKAZZJONIJIET > KOTBA U BROWXERS.

• Uża s-sezzjoni “DWARNA.” Ejja ngħidu li qed tagħti xhieda lil kollega tax-​xogħol li jixtieq ikun jaf spjegazzjoni fil-​qosor dwar dak li nemmnu aħna. Mur fuq DWARNA > MISTOQSIJIET KOMUNI.

ARA L-VIDJOW INSIRU FAMILJARI MAL-JW.ORG, U MBAGĦAD IKKUNSIDRA FEJN KIEKU TFITTEX FUQ IL-WEBSAJT BIEX TGĦIN:

• ateu

• lil xi ħadd li għadu kif għadda minn traġedja

• lil ħu jew oħt inattiva

• lil xi ħadd fuq żjara lura li jixtieq ikun jaf kif jiġi ffinanzjat ix-​xogħol tagħna

• lil persuna minn pajjiż ieħor li trid tattendi laqgħa f’pajjiżha