X’inhuma l-​isfidi li tiffaċċja kuljum? Inti kap tal-​familja li qed tipprova tieħu ħsieb ħafna responsabbiltajiet? Inti ġenitur waħdek li qed taħdem iebes biex tlaħħaq mal-​ħajja? Jew qiegħed l-​iskola u tiffaċċja l-​bullying? Jew forsi qed tiffaċċja problemi taʼ saħħa jew l-​effetti taʼ li tkun imdaħħal fl-​età? Kulħadd għandu xi tip taʼ problema jew oħra. Ħafna aħwa qed jiffaċċjaw ħafna problemi f’daqqa. Imma aħna nafu li Ġeħova daqt se jeħlisna minn dawn il-​problemi.—2Ko 4:16-​18.

Imma għalissa, aħna niġu inkuraġġiti għax nafu li Ġeħova jifhem il-​problemi tagħna, japprezza l-​lealtà u s-​sabar tagħna, u li għandu barkiet kbar jistennewna. (Ġer 29:11, 12) Anki Ġesù jimpurtah minna b’mod persunali. Hekk kif nagħmlu dak li għandna nagħmlu bħala Kristjani, nistgħu nkunu ċerti li dejjem se jkun magħna. (Mt 28:20) Meta nimmeditaw fuq il-​ħelsien li se jkollna taħt is-​Saltna t’Alla, aħna se nsaħħu l-​fidi fit-​tama li għandna u nkunu determinati li nkomplu nissaportu l-​isfidi li jkollna.—Rum 8:19-​21.

ARA L-​VIDJOW HEKK KIF TOQROB IL-​MALTEMPATA, IBQAʼ FFOKA FUQ ĠESÙ!—BARKIET FUTURI TAS-​SALTNA, U MBAGĦAD WIEĠEB IL-​MISTOQSIJIET LI ĠEJJIN:

• Il-​bnedmin kif tbiegħdu minn Alla, u x’kien ir-​riżultat?

• X’futur se jkollhom dawk li huma leali lejn Ġeħova?

• Kif inhu possibbli dan il-​futur sabiħ?

• Liema wegħdi qed tħares ’il quddiem għalihom fid-​dinja l-​ġdida?