Ġeħova dejjem ikun jaf x’inhu l-​aħjar għalina? Dażgur! La nemmnu dan, inkunu qed nuru l-​għerf meta nsegwu d-​direzzjoni tiegħu. (Pr 16:3, 9) Madankollu, meta l-​gwida t’Alla tkun differenti minn dak li naħsbu aħna, il-​fiduċja tagħna fiha tistaʼ tgħaddi minn prova. Aħna nistgħu nsaħħu l-​fiduċja tagħna fl-​għerf taʼ Ġeħova billi nimmeditaw fuq il-​ħolqien tiegħu.—Pr 30:24, 25; Rum 1:20.

ARA L-​VIDJOW ĠIET DISINJATA? IN-​NEMLA KIF TEVITA LI TEĦEL FIT-​TRAFFIKU? U MBAGĦAD WIEĠEB IL-​MISTOQSIJIET LI ĠEJJIN:

• X’inhi r-​rutina taʼ kuljum tal-​biċċa l-​kbira tan-​nemel?

• In-​nemel kif jevita li jeħel fit-​traffiku?

• In-​nies x’jistgħu jitgħallmu minn kif in-​nemel imur minn post għall-​ieħor?

ARA L-​VIDJOW ĠIET DISINJATA? L-​ABBILTÀ TAN-​NAĦLA BAGĦLIJA BIEX ITTIR, U MBAGĦAD WIEĠEB IL-​MISTOQSIJIET LI ĠEJJIN:

• In-​nies xi sfidi jiffaċċjaw meta jsuqu ajruplani żgħar?

• In-​naħla bagħlija kif iżżomm l-​istabbilità tagħha meta ttir?

• In-​nies kif jistgħu jibbenefikaw mill-​għerf li n-​naħla bagħlija għandha fl-​istint tagħha?

Liema evidenza tal-​għerf taʼ Ġeħova rajt fil-​ħolqien fejn tgħix int?