Il-​Bibbja hija mimlija b’eżempji taʼ talb li twieġeb minn Ġeħova. Meta l-​qaddejja taʼ Ġeħova raw kif hu semaʼ l-​problemi individwali tagħhom u għenhom, bla dubju l-​fidi tagħhom issaħħet. Mela huwa tajjeb għalina li nkunu speċifiċi fit-​talb personali tagħna, imbagħad nipprovaw naraw kif Ġeħova jwieġbu. Ftakar li t-​tweġiba tiegħu tistaʼ tkun differenti jew saħansitra jagħtina iktar minn dak li tlabna għalih. (2Ko 12:7-​9; Ef 3:20) Ġeħova x’jistaʼ jagħtina biex iwieġeb it-​talb tagħna?

• Saħħa fiżika, emozzjonali, jew spiritwali biex niffaċċjaw problema.—Flp 4:13

• Għerf biex nieħdu deċiżjoni tajba.—Ġk 1:5

• Xewqa u saħħa biex naġixxu.—Flp 2:13

• Kalma meta nkunu ansjużi.—Flp 4:6, 7

• Appoġġ fiżiku jew emozzjonali minn oħrajn.—1Ġw 3:17, 18

• Għajnuna għal dawk li nitolbu għalihom. —At 12:5, 11

ARA L-​VIDJOW ĠEĦOVA HUWA “SEMMIEGĦ TAT-​TALB,” U MBAGĦAD WIEĠEB IL-​MISTOQSIJIET LI ĠEJJIN:

• L-​esperjenza taʼ Ħuna Shimizu kif tistaʼ tinkuraġġina jekk aħna limitati minħabba problemi taʼ saħħa?

• Kif nistgħu nimitaw l-​eżempju taʼ Ħuna Shimizu?