Id-​dixxiplina tintuża l-​iktar biex tgħallem. Imma tintuża wkoll biex niġu kkoreġuti u mwiddbin. Ġeħova jiddixxiplinana biex inkunu nistgħu naqduh kif jixtieq hu. (Rum 12:1; Ebr 12:10, 11) Kultant hu diffiċli li taċċetta d-​dixxiplina. Imma dan jgħinek biex togħġob lil Ġeħova u biex ibierkek. (Pr 10:7) Xi jridu jiftakru dawk li jagħtu u jirċievu d-​dixxiplina?

Min jagħti d-​dixxiplina. L-​anzjani, il-​ġenituri, u oħrajn jagħmlu l-​aħjar li jistgħu biex jagħtu d-​dixxiplina b’qalb tajba u bi mħabba bħalma jagħmel Ġeħova. (Ġer 46:28) Anki jekk id-​dixxiplina tkun serja ħafna, trid tingħata skont il-​bżonn u bl-​imħabba.—Tit 1:13.

Min jirċievi d-​dixxiplina. Id-​dixxiplina nirċivuha b’modi differenti. L-​importanti hu li naċċettawha u napplikawha mal-​ewwel. (Pr 3:11, 12) Peress li aħna imperfetti, kulħadd għandu bżonn id-​dixxiplina. Nistgħu nirċivuha minn dak li naqraw mill-​Bibbja jew minn dak li nisimgħu fil-​laqgħat. U xi kultant ikun hemm bżonn dixxiplina mingħand kumitat ġudizzjali. Jekk naċċettaw u napplikaw id-​dixxiplina, se jkollna ħajja aħjar u ngħixu għal dejjem.—Pr 10:17.

ARA L-​VIDJOW “ĠEĦOVA JIDDIXXIPLINA LIL MIN IĦOBB,” U MBAGĦAD WIEĠEB IL-​MISTOQSIJIET LI ĠEJJIN:

• Kif kienet il-​ħajja taʼ Canon, u kif inbidlet?

• X’dixxiplina rċieva bi mħabba mingħand Ġeħova?

• X’tgħallimna l-​esperjenza tiegħu?