Fil-​ministeru tiegħu, Ġesù uża ġrajjiet kurrenti biex jgħallem lezzjonijiet. (Lq 13:1-​5) Inti wkoll tistaʼ tuża ġrajjiet kurrenti biex tqajjem l-​interess tan-​nies fil-​messaġġ tas-​Saltna. Wara li ssemmi l-​għoli tal-​ħajja, xi diżastri naturali, inkwiet ċivili, vizzju tad-​droga, jew xi ħaġa simili, saqsi mistoqsija li ġġiegħel lill-​inkwilin jaħseb. Forsi ssaqsi: “Taħseb li xi darba se naraw tmiem għal . . . ?” jew “X’taħseb li hi s-​soluzzjoni għal . . . ?” Imbagħad, aqsam vers mill-​Bibbja li jitkellem dwar l-​istess suġġett. Jekk l-​individwu juri interess, dawwar l-​attenzjoni tiegħu għal xi vidjow jew xi pubblikazzjoni mill-​Kaxxa tal-​Għodda tat-​Tagħlim. Hekk kif nagħmlu mill-​aħjar li nistgħu biex nilħqu l-​qlub tan-​nies fit-​territorju tagħna, jalla ‘nagħmlu kollox minħabba l-​aħbar tajba.’—1Ko 9:22, 23.

X’suġġetti jistgħu jinteressaw lin-​nies fit-​territorju tiegħek?