Kemm aħna eċitati bil-browxer u l-ktieb il-ġodda biex nikkonduċu l-istudji tal-Bibbja! Aħna nitolbu lil Ġeħova biex ibierek l-isforzi tagħna ħalli nagħmlu ħafna iktar dixxipli. (Mt 28:18-20; 1Ko 3:6-9) Kif se nużaw l-għodda l-ġdida?

Il-ktieb Għix Ħajja Ferħana għal Dejjem! jippreżenta mod ġdid kif ngħallmu f’forma taʼ diskussjoni. Segwi dawn il-linji gwida ġenerali meta tipprepara u tikkonduċi l-istudji tal-Bibbja. *

• Aqra l-materjal u ddiskuti l-mistoqsijiet

• Aqra l-iskritturi li fihom “aqra,” u għin lill-istudent jifhem kif japplikahom

• Ara u ddiskuti l-vidjows billi tuża l-mistoqsijiet provduti

• Ipprova lesti kull lezzjoni fi studju wieħed

Fil-ministeru, l-ewwel offri l-browxer biex tkun taf kemm persuna hi interessata. (Ara l-kaxxa “Kif Toffri l-Browxer  Għix Ħajja Ferħana għal Dejjem! fl-Ewwel Konversazzjoni.”) Jekk tispiċċa l-istudju fuq il-browxer mal-istudent u dan ikun irid ikompli, imbagħad offri l-ktieb u ibda minn lezzjoni 04. Jekk tkun diġà qed tistudja maʼ xi ħadd il-ktieb X’Nistgħu Nitgħallmu? jew il-ktieb Ibqaʼ fl-imħabba t’Alla, aqleb għall-ktieb Għix Ħajja Ferħana għal Dejjem! u ddeċiedi minn fejn tibda.

ARA L-VIDJOW NIEĦDU PJAĊIR NISTUDJAW IL-BIBBJA MIEGĦEK, U MBAGĦAD WIEĠEB IL-MISTOQSIJIET LI ĠEJJIN:

• X’se jitgħallmu l-istudenti mill-ktieb il-ġdid?

• Għala għandek turi dan il-vidjow lil studenti ġodda?

• Minn żmien għal żmien, liema miri għandek tinkuraġġixxi lill-istudent jagħmel u jilħaq?—Ara ċ-ċart “‘ X’Se Titgħallem?ʼ u ‘Ipprova Danʼ f’Kull Parti”