Il-Bniedem Jikkopja l-Idea tal-Ħallieq
Il-Bniedem Jikkopja l-Idea tal-Ħallieq
Il-bozoz kif jifilħu pressjoni qawwija meta wieħed jagħfashom jew idawwarhom biex iwaħħalhom maʼ xi mkien, avolja l-ħġieġ huwa rqiq ferm? Skond il-ktieb How in the World?, it-tweġiba tinsab prinċipalment fil-forma tal-bozza, li hija bbażata fuq “il-prinċipju tal-qoxra tal-bajda.” Avolja l-qoxra tal-bajda tkun irqiqa ħafna, il-bajd ma jitgħaffiġx meta l-għasfura tpoġġi fuqu biex tfaqqsu. Dan għaliex il-forma tal-bajda tagħti ċerta saħħa fil-mod kif inhi magħmula u dan jagħmilha tiflaħ il-pressjoni. (Kieku l-qoxra tkun eħxen il-fellus forsi ma jirnexxilux joħroġ mill-bajda billi jtektikha b’munqaru.) Billi jikkopjaw l-idea tal-Ħallieq, il-bozoz tad-dawl għandhom forma tonda. B’hekk, meta wieħed jaqbad bozza, is-saħħa li jagħmel “tinfirex lejn kull direzzjoni ’l bogħod mill-post fejn tkun inqabdet minħabba li din ġejja fit-tond.” Għalhekk, bħalma jiġri bil-bajda, ma jkunx hemm pressjoni qawwija żżejjed f’post wieħed biss, u l-bozza ma tinkisirx. Kemm tgħallem affarijiet il-bniedem billi qagħad jistudja l-ħolqien!