Għandek Titlob lill-Verġni Marija?
Il-Ħarsa tal-Bibbja
Għandek Titlob lill-Verġni Marija?
DAWK kollha li jafu xi ħaġa dwar il-Kristjanità żgur jafu dwar Marija. L-Iskrittura tgħid li Alla li Jistaʼ Kollox bierek b’mod partikulari lil din il-mara żagħżugħa billi għażilha biex tkun omm Ġesù. It-twelid taʼ Ġesù kien uniku għax Marija kienet verġni meta kkonċepietu. Xi knejjes tal-Kristjaneżmu ilhom żmien twil iqimu lil Marija b’mod speċjali. Fis-sena 431 E.K., il-Kunsill t’Efesu taha t-titlu “Omm Alla,” u ħafna llum huma mgħallmin biex jitolbu lilha. *
Dawk li jqimu sinċerament jafu li għandhom jindirizzaw it-talb tagħhom lill-persuna proprja. Il-Bibbja x’tgħallem dwar dan? Għandhom il-Kristjani jitolbu lill-Verġni Marija?
“Għallimna Nitolbu”
Fir-rakkont taʼ l-Evanġelju taʼ Luqa nsibu r-rakkont meta wieħed mid-dixxipli taʼ Ġesù talbu: “Mulej, għallimna nitolbu.” Fir-risposta tiegħu Ġesù beda b’dan il-kliem: “Kulmeta titolbu, għidu, ‘Missier, ħa jitqaddes ismek.’” Bl-istess mod, fil-Priedka taʼ fuq il-Muntanja Ġesù għallem lis-segwaċi tiegħu jitolbu: “Missierna fis-smewwiet, ħa jitqaddes ismek.”—Luqa 11:1, 2; Mattew 6:9.
Mela, l-ewwel ħaġa li nitgħallmu hi li t-talb, jew il-kliem li nużaw fil-qima tagħna, għandu jiġi indirizzat lil Missier Ġesù, li hu Ġeħova. Il-Bibbja mkien ma tgħidilna li għandna nitolbu lil xi ħaddieħor. Dan hu xieraq ladarba, bħalma Eżodu 20:5.
ntqal lil Mosè meta rċieva l-Għaxar Kmandamenti, Ġeħova hu “Alla għajjur.”—Xi Ngħidu għar-Rużarju?
Ħafna li jitolbu lil Marija ġew mgħallmin li meta n-nies jgħidu dan it-talb speċifiku ripetutament jaqilgħu l-barkiet—bħall-Ave Marija, il-Missierna, u talb ieħor. Il-ktieb Symbols of Catholicism jgħid li għall-Kattoliċi, “l-iktar forma taʼ devozzjoni għal Marija hi mingħajr dubju r-rużarju.” Ir-rużarju huwa eżerċizzju reliġjuż b’unur lill-Verġni Marija. It-terminu jirreferi wkoll għal qafla biż-żibeġ u tintuża biex dak li jkun jgħodd kemm-il talba jgħid. Il-ktieb jispjega li “ħames gruppi t’għaxar żibġiet, separati b’żibġa li tkun t’għamla differenti, huma stedina għal ħamsin talba taʼ l-‘Ave Marija,’ ħamsa l-‘Missierna,’ u ħamsa l-‘Glorja.’” Jieħu pjaċir Alla jismaʼ r-rużarju?
Għal darb’oħra, l-istruzzjonijiet li Ġesù ta lid-dixxipli tiegħu jagħtuna tweġiba t’awtorità. Hu qal: “Meta titlob, toqgħodx tirrepeti l-istess ħaġa, bħalma jagħmlu n-nies tal-ġnus, għax dawn jimmaġinaw li se jinstemgħu għax jużaw ħafna kliem.” (Mattew 6:7) Għalhekk, Ġesù qal speċifikament lis-segwaċi tiegħu biex ma jirripetux talb speċifiku.
Xi wħud għandhom mnejn jistaqsu: ‘Imma Ġesù m’għallimx lid-dixxipli tiegħu biex jirripetu l-Missierna, li hi parti mir-rużarju?’ Irridu nifhmu li Ġesù pprovda talba mudell, li saret magħrufa bħala l-Missierna, jew it-Talba tal-Missierna. Madankollu, tajjeb ninnotaw li hu għamel hekk immedjatament wara li, bħalma rajna hawn fuq, wissa biex ma ‘noqogħdux nirripetu l-istess ħaġa.’ Il-fatt li Ġesù ma riedx li t-talba mudell tiġi ripetuta bl-amment huwa evidenti wkoll mill-espressjonijiet differenti li uża fiż-żewġ rakkonti mniżżlin li fihom hu għallem lid-dixxipli tiegħu jitolbu. (Mattew 6:9-15; Luqa 11:2-4) L-ideat li Ġesù esprima f’dawk l-okkażjonijiet kienu simili, imma l-kliem ma kienx l-istess. Dan iwassalna għall-konklużjoni li Ġesù kien sempliċement qed jipprovdi mudell jew eżempju taʼ kif għandhom jitolbu s-segwaċi tiegħu u għal xiex setgħu jitolbu b’mod xieraq. Iktar importanti minn hekk, il-kliem tiegħu jindika min se jilqaʼ t-talb tagħna.
Rispett għal Marija
Għalkemm l-Iskrittura ma tgħallimx li lKristjani għandhom jitolbu lil Marija, bl-ebda mod ma tipprova tnaqqas mir-rispett għall-irwol li kellha biex jitwettqu l-iskopijiet t’Alla. Il-barkiet li ġew permezz taʼ Binha se jkunu taʼ benefiċċju etern għall-umanità ubbidjenti kollha. Marija nfisha qalet: “Il-ġenerazzjonijiet kollha jgħiduli hienja.” U l-kuġina tagħha Eliżabetta qalet li Marija kienet “imbierka . . . fost in-nisa.” U tabilħaqq hekk kienet. Kien privileġġ taʼ l-għaġeb għal Marija li tintgħażel biex iġġorr lill-Messija.—Luqa 1:42, 48, 49.
Madankollu, Marija m’hijiex l-unika mara li l-Iskrittura ssejħilha mbierka. Minħabba dak li Ġagħel għamlet għall-benefiċċju tal-ġens taʼ Iżrael tal-qedem, hi wkoll jingħad li kienet “imbierka fost in-nisa.” (Mħallfin 5:24) Nisa leali msemmijin fil-Bibbja bħal Ġagħel, Marija, u oħrajn li kienu jibżgħu minn Alla żgur li ħaqqhom li nimitawhom—imma mhux li nqimuhom.
Marija kienet waħda mis-segwaċi leali taʼ Ġesù. Hi kienet preżenti f’ħafna okkażjonijiet matul il-ministeru tiegħu fuq l-art u wkoll waqt il-mewt tiegħu. Wara l-irxoxt taʼ Ġesù, hi kienet ‘tippersisti fit-talb’ maʼ ħut Ġesù. Din tagħtina raġuni biex nemmnu li hi kienet midluka bl-ispirtu qaddis flimkien magħhom f’Pentekoste tas-sena 33 E.K., u għalhekk kellha t-tama li tkun waħda mill-klassi taʼ l-għarusa li se ssaltan maʼ Kristu fis-sema.—Mattew 19:28; Atti 1:14; 2:1-4; Rivelazzjoni 21:2, 9.
Biss, xejn minn dan ma jagħtina l-libertà li nitolbu lil Marija. It-talb mill-qalb huwa parti essenzjali mill-qima tagħna, u l-Kristjani huma inkuraġġiti biex ‘jipperseveraw fit-talb.’ (Rumani 12:12) Madankollu, talb bħal dan għandu jiġi indirizzat lil Ġeħova biss, permezz taʼ Ġesù Kristu.—Mattew 4:10; 1 Timotju 2:5.
[Nota taʼ taħt]
^ L-idea li Marija hija omm Alla hi bbażata fuq idduttrina tat-Trinità li m’hijiex skond it-tagħlim taʼ l-Iskrittura u li tgħid li Ġesù hu Alla.