Min Hemm Verament Wara l-Okkult?
RIGWARD il-Ħallieq tagħna, il-Bibbja tgħid: “Alla hu dawl u m’hemm ebda dlam fih.” (1 Ġwanni 1:5) Dan hu speċjalment minnu f’sens spiritwali. Għalhekk, jistaʼ l-Alla l-veru jkun il-qawwa wara l-okkult? Jew hemm xi forza mill-agħar involuta?
Fost il-prattiki tal-okkult, it-teħbir u l-ispiritiżmu huma fuq quddiem, u dawn jinkludu l-astroloġija, in-numeroloġija, il-qari tal-idejn, u s-seħer, kif ukoll il-komunikazzjoni mal-“mejtin” u l-magħmul. Dawn il-prattiki għandhom storja twila ħafna, u l-biċċa l-kbira minnhom imorru lura sa Babilonja tal-qedem, li l-fdalijiet tagħha jinsabu fl-Iraq. (Isaija 47:1, 12, 13) Minn Babilonja, il-prattiki tal-okkult infirxu madwar id-dinja tal-qedem u ġew stabbiliti fis-sod f’ħafna kulturi u ċivilizzazzjonijiet.
Ikkunsidra ġrajja li seħħet fil-belt taʼ Filippi, fil-Maċedonja tal-qedem. Hemmhekk, grupp żgħir taʼ ministri Kristjani, li inkluda l-appostlu Pawlu u t-tabib Luqa, iltaqaʼ maʼ tfajla li kellha qawwiet tal-okkult. Innota kif Luqa, wieħed mill-kittieba tal-Bibbja, irrivela Atti 16:16-18.
s-sors sigriet tal-qawwiet tagħha. Hu kiteb: “Iltaqgħet magħna waħda qaddejja li kellha spirtu, demonju tat-teħbir. Lis-sidien tagħha kienet tipprovdilhom ħafna qligħ billi tipprattika l-arti tat-tbassir.”—Iva, il-qawwiet taʼ din it-tfajla ma kinux ġejjin mingħand l-Alla l-veru, Ġeħova, imma mingħand demonju, spirtu mill-agħar. Għalhekk, Pawlu u sħabu rrifjutaw li jagħtuha widen. Forsi issa qed taħseb: ‘Min huma d-demonji? U minn fejn ġew?’ Għal darb’oħra, innota t-tweġibiet tal-Bibbja.
Min Huma d-Demonji?
Ħafna qabel ma Ġeħova għamel lill-bnedmin, hu ħalaq għadd mhux magħruf taʼ spirti intelliġenti, ‘ulied Alla,’ fis-sema. (Ġob 38:4, 7) Bħall-bnedmin, huma għandhom il-libertà tal-għażla, u għal żmien twil, ilkoll baqgħu leali lejn Alla. Imma din is-sitwazzjoni sabiħa ntemmet ħesrem. Kif?
Wara li Alla ħalaq lill-umanità, wieħed mill-ħlejjaq spirti beda jixxennaq b’għira għal xi ħaġa li ma kienx intitolat għaliha—il-qima. Billi uża serp bl-istess mod li ventrilokwista juża pupazz, dan l-anġlu mill-agħar qarraq bl-ewwel mara, Eva, biex ma tobdix lill-Ħallieq tagħha. (Ġenesi 3:1-6) Il-Bibbja ssejjaħ lil dan l-anġlu ribelluż “is-serp oriġinali, dak li hu msejjaħ Xitan u Satana.” (Rivelazzjoni 12:9) Ġesù ddeskrivieh bħala “qattiel” li “ma żammx sħiħ fil-verità,” u żied jgħid: “Meta jigdeb, jitkellem skond il-karattru tiegħu, għax hu giddieb u missier il-gidba.”—Ġwanni 8:44.
Maż-żmien, spirti oħrajn, “ulied l-Alla l-veru,” ngħaqdu maʼ Satana fir-ribelljoni tiegħu. (Ġenesi 6:1, 2) Iktar tard, dawn jissemmew bħala “l-anġli li dinbu” u “l-anġli li ma żammewx il-pożizzjoni oriġinali tagħhom imma abbandunaw il-post xieraq fejn kellhom jgħammru,” jew il-post assenjat lilhom fis-sema. (2 Pietru 2:4; Ġuda 6) Bdew jiġu msejħin demonji. (Ġakbu 2:19) Iktar minn hekk, huma determinati li jdawru kemm jistaʼ jkun bnedmin lil hinn mill-qima vera, bħalma għamlu lil ħafna Iżraelin fi żminijiet Bibliċi. (Dewteronomju 32:16, 17) B’mod simili llum, bħal fil-passat, Satana u d-demonji b’makakkerija jużaw gideb reliġjuż.—2 Korintin 11:14, 15.
Ipproteġi Lilek Innifsek!
Avolja l-ispirti mill-agħar għandhom qawwiet sovrumani, bl-għajnuna t’Alla, aħna nistgħu ‘niqfulhom’ u noħorġu rebbiħin. (1 Pietru 5:9) Madankollu, sabiex niksbu din l-għajnuna, għandna bżonn insiru nafu x’jirrikjedi minna Alla u naġixxu fi qbil maʼ dan. Rigward il-Kristjani fi żmienu, l-appostlu Pawlu kiteb: “Ma waqafniex nitolbu għalikom biex timtlew bl-għarfien eżatt dwar ir-rieda tiegħu bl-għerf kollu u bl-abbiltà mogħtija mill-ispirtu t’Alla biex tifhmu b’mod sħiħ. B’hekk tkunu tistgħu timxu kif jixraq lil Ġeħova bl-għan li togħġbuh għalkollox.”—Kolossin 1:9, 10.
Fost dawk li kisbu dan l-“għarfien eżatt” kien hemm għadd taʼ nies fil-belt t’Efesu li kienu jipprattikaw l-arti tal-okkult. Innota kif effettwahom l-għarfien tal-verità. Il-Bibbja tgħid: “Għadd ġmielu minn dawk li kienu jipprattikaw l-arti tal-maġija ġabru l-kotba tagħhom flimkien u ħarquhom quddiem kulħadd.” Issa l-kotba kienu jiswew “ħamsin elf Atti 19:17-19) Dan l-eżempju kuraġġuż kien dokumentat għall-benefiċċju tagħna.—2 Timotju 3:16.
biċċa tal-fidda,” u dan ma kienx ammont żgħir! (Prinċipji li Jipproteġu
Hemm affarijiet oħrajn li nistgħu nagħmlu biex nipproteġu lilna nfusna mid-demonji. Ikkunsidra l-prinċipji Bibliċi li ġejjin.
“Temmnux kull espressjoni mnebbħa, imma għarblu l-espressjonijiet imnebbħin biex taraw jekk joriġinawx minn Alla.” (1 Ġwanni 4:1) Xi stqarrijiet li jagħmlu l-astroloġi, il-psikiċi, il-medji, u s-sħaħar jistgħu tabilħaqq ikunu veri. Pereżempju, it-tfajla li kienet maħkuma minn demonju f’Filippi tkellmet il-verità meta qalet dwar Pawlu u sħabu: “Dawn l-irġiel huma lsiera t’Alla l-Iktar Għoli, li qed ixandrulkom it-triq tas-salvazzjoni.” (Atti 16:17) Minkejja dan, Pawlu u sħabu m’aċċettawhiex fil-kumpanija tagħhom. Minflok, Pawlu ordna lill-ispirtu mill-agħar biex joħroġ minnha. Għarbel stqarrijiet reliġjużi billi tqabbilhom maʼ dak li tgħid il-Bibbja.—Atti 17:11.
“Għalhekk, issottomettu ruħkom lejn Alla; imma opponu lix-Xitan, u hu jaħrab minnkom.” (Ġakbu 4:7) Id-demonji huma l-għedewwa t’Alla u tiegħek ukoll. Issirx saħansitra kurjuż dwar it-triqat mudlama tagħhom. Minflok, issottometti ruħek lejn Alla billi tobdi l-kmandamenti kollha mħabba tiegħu li mhumiex tqal. (1 Ġwanni 5:3) Pereżempju, Alla qal lill-ġens t’Iżrael tal-qedem: “M’għandux jinstab fik xi ħadd li . . . jeħber, min jipprattika l-maġija jew xi ħadd li jfittex sinjali li bihom jaqra l-futur jew saħħâr, jew min jagħmel xi magħmul fuq ħaddieħor jew xi ħadd li jikkonsulta maʼ medjum taʼ l-ispirti jew min xogħlu hu li jbassar il-ġrajjiet jew xi ħadd li jistħarreġ dwar il-mejtin. Għax kulmin jagħmel dawn l-affarijiet ikun xi ħaġa mistkerrha għal Ġeħova.” (Dewteronomju 18:10-12) Il-ħarsa t’Alla ma nbidlitx.—Galatin 5:19, 20.
“M’hemm ebda magħmul kontra [l-qaddejja taʼ Ġeħova].” (Numri 23:23) Dawk kollha li jridu jogħġbu lil Alla m’għandhomx għalfejn jibżgħu mid-demonji. Tabilħaqq, dawn l-ispirti mill-agħar “jirtogħdu” quddiem Alla, u huma konxji tal-qawwa kbira ħafna tiegħu, li eventwalment se jużaha biex jeqridhom. (Ġakbu 2:19) Alla se “juri s-saħħa tiegħu għan-nom taʼ dawk li qalbhom hi sħiħa lejh,” u qatt mhu se “jħalli lill-ġust jogħtor.”—2 Kronaki 16:9; Salm 55:22.
“Il-ħajjin jafu li għad imutu; imma l-mejtin ma jafu assolutament xejn.” (Ekkleżjasti 9:5) Il-Kelma t’Alla tgħallem li l-mejtin huma fil-fatt hekk—mejtin! Ħadd m’għandu għalfejn jibżaʼ minnhom, għax issa ma jistgħu jagħmlu ħsara lil ħadd. (Isaija 26:14) Sabiex iqarrqu bin-nies, id-demonji kultant jagħmluha taʼ spirti tal-mejtin, u dan jistaʼ jispjega għala n-nies isibu li l-“ispirtu” taʼ individwu li qabel kien qalbu tajba għandu mnejn ikun differenti mill-individwu li kienu jafu.
“Ma tistgħux tieħdu sehem mill-‘mejda taʼ Ġeħova’ u mill-mejda tad-demonji.” (1 Korintin 10:21, 22) Dawk kollha li verament iħobbu lil Ġeħova se jżommu ’l bogħod mill-kotba, il-films, u l-logħob tal-kompjuter li għandhom l-għeruq fl-okkult jew li jippromwovu prattiki u twemmin tal-okkult. a Salm 101:3 jgħid: “M’iniex se nqiegħed quddiem għajnejja xi ħaġa li m’hi tajba għal xejn.” Barra minn dan, id-divertiment tal-okkult spiss jigglorifika l-vjolenza u l-immoralità, affarijiet li dawk ‘li jħobbu lil Ġeħova’ jistmerruhom.—Salm 97:10.
Id-demonji minn dejjem ipprovaw jaħbu n-natura vera tagħhom mill-bnedmin. Imma ma rnexxilhomx kompletament. Permezz tal-Bibbja, Ġeħova kixifhom għal dak li tassew huma—giddibin malizzjużi u għedewwa kattivi tal-umanità. X’kuntrast mal-Ħallieq tagħna, Alla Ġeħova! Bħalma juri l-artiklu li jmiss, hu jħobbna, dejjem jgħidilna l-verità, u jridna ngħixu ferħanin għal dejjem.—Ġwanni 3:16; 17:17.
[Nota taʼ taħt]
a Il-kuxjenzi jvarjaw fis-sensittività skont l-isfond reliġjuż u l-maturità spiritwali taʼ dak li jkun. L-importanti hu li dak li jkun iżomm kuxjenza nadifa quddiem Alla u ma joffendix il-kuxjenzi t’oħrajn, inkluż membri tal-familja. “Ilkoll se nidhru quddiem it-tron tal-ġudizzju t’Alla,” jgħid Rumani 14:10, 12.