GĦAŻ-ŻGĦAŻAGĦ
9: L-identità tiegħek
DAN XI JFISSER
L-identità tiegħek mhijiex biss ismek u kif tidher. Tinvolvi l-valuri tiegħek, dak li temmen, u l-personalità tiegħek. Fil-verità, l-identità hi dak kollu li jagħmlek inti—kemm minn ġewwa u kif ukoll minn barra.
GĦALA HU IMPORTANTI
Meta tkun taf min int verament, int tiddefendi dak li temmen u ma tħallix lil dawk tamparek jikkontrollawk.
“Ħafna nies qishom manikini li tara fil-vetrini tal-ħwienet. Mhux huma jagħżlu l-ħwejjeġ li jilbsu, imma oħrajn jagħżlu għalihom.”—Adrian.
“Jien tgħallimt niddefendi dak li hu tajjeb anke meta jkun diffiċli. Nistaʼ ninduna min huma l-ħbieb veri tiegħi bil-mod kif jaġixxu huma u bil-mod kif naġixxi jien meta nkun magħhom.”—Courtney.
PRINĊIPJU BIBLIKU: “Tibqgħux magħġunin skond din is-sistema, imma nbidlu billi ġġeddu moħħkom.”—Rumani 12:2.
DAK LI TISTAʼ TAGĦMEL
Ara x’tip taʼ persuna int issa u x’tip taʼ persuna tixtieq issir billi tara x’inhuma l-kapaċitajiet tiegħek, id-dgħufijiet tiegħek, u dak li temmen. Mod kif tkun taf dan hu billi twieġeb il-mistoqsijiet li ġejjin.
Kapaċitajiet: X’talenti u abbiltajiet għandi? X’inhuma l-kwalitajiet pożittivi tiegħi? (Pereżempju: Jien puntwali? kapaċi nikkontrolla lili nnifsi? bieżel? ġeneruż?) X’inhuma xi affarijiet tajbin li nagħmel?
SUĠĠERIMENT: Qed issibha diffiċli biex issib affarijiet tajbin fik innifsek? Saqsi lil ġenitur jew ħabib li tafda x’kapaċitajiet hu jew hi tara fik u kif turihom.
PRINĊIPJU BIBLIKU: “Kull wieħed ħa jagħti prova taʼ x’inhu għemilu, u mbagħad ikollu għalxiex jifraħ b’dak li jagħmel hu stess, u ma jqabbilx ruħu maʼ ħaddieħor.”—Galatin 6:4.
Dgħufijiet: Fuq xiex għandi bżonn naħdem l-iktar fil-personalità tiegħi? Meta jkun hemm iktar ċans li nitħajjar nagħmel xi ħaġa ħażina? F’liema aspetti nistaʼ nitgħallem nikkontrolla iktar lili nnifsi?
PRINĊIPJU BIBLIKU: “Jekk ngħidu: ‘M’għandniex dnub,’ qed inqarrqu bina nfusna.”—1 Ġwanni 1:8.
Dak li nemmen: X’inhuma l-livelli li nżomm magħhom, u għala? Nemmen f’Alla? X’evidenza kkonvinċietni li jeżisti? X’ma narax li hu fair, u għala? X’nemmen li ħa jiġri fil-futur?
PRINĊIPJU BIBLIKU: “L-abbiltà li taħseb tibqaʼ tgħasses fuqek, u d-dixxerniment iħarsek.”—Proverbji 2:11.
Tistaʼ Tara Wkoll
TWEĠIBIET GĦAL 10 MISTOQSIJIET LI Ż-ŻGĦAŻAGĦ JISTAQSU
Jien min jien?
Li tkun konxju tal-valuri, l-abbiltajiet, il-limiti, u l-miri tiegħek se jgħinek tieħu deċiżjonijiet għaqlin meta tkun taħt pressjoni.
IŻ-ŻGĦAŻAGĦ JISTAQSU
Kemm Jien Responsabbli?
Xi żgħażagħ jingħataw iktar libertà minn oħrajn. X’jagħmel id-differenza?
