Bis-Saħħa taʼ Tbissima!
ŻEWĠ tfajliet kienu mexjin flimkien fil-Belt taʼ Baguio, il-Filippini. Huma raw l-aħwa bit-trolley imma ma resqux viċin tiegħu. Helen, l-oħt li kienet maġenb it-trolley, tbissmitilhom. It-tfajliet baqgħu għaddejjin, imma t-tbissima taʼ Helen laqtithom.
Iktar tard, waqt li kienu fuq tal-linja biex imorru d-dar, mat-triq raw Sala tas-Saltna b’sinjal kbir tal-jw.org. Huma ftakru li kienu raw dak is-sinjal fuq it-trolley. Għalhekk, niżlu minn fuq tal-linja u marru jiċċekkjaw l-iskeda tal-laqgħat li jkun hemm f’dik is-Sala tas-Saltna.
Imbagħad, iż-żewġ tfajliet attendew l-ewwel laqgħa li kien hemm. U maʼ min taħseb li ltaqgħu meta daħlu fis-Sala tas-Saltna? Maʼ Helen! Huma mill-ewwel ftakru li kienet il-mara li tbissmitilhom. Helen qalet: “Malli ġew fuqi biex ikellmuni, inħsadt. Ħsibt li għamilt xi ħaġa ħażina.” Imma t-tfajliet spjegaw lil Helen li huma kienu rawha bit-trolley.
It-tfajliet ħadu pjaċir fil-laqgħa u ħassewhom komdi jitkellmu mal-aħwa. Meta raw l-aħwa jnaddfu s-sala, huma riedu jgħinu. Waħda mit-tfajliet m’għadhiex tgħix il-Filippini, imma t-tfajla l-oħra bdiet tattendi l-laqgħat u bdiet studju tal-Bibbja, bis-saħħa taʼ tbissima!