“Tħobbni int iktar minn dawn?”
“Xmun bin Ġwanni, tħobbni int iktar minn dawn?”—ĠWANNI 21:15.
1, 2. Wara li għadda lejl jistad, x’lezzjoni tgħallem Pietru?
SEBGĦA mid-dixxipli taʼ Ġesù għaddew il-lejl jistadu fil-Baħar tal-Galilija. Imma lanqas ħuta waħda ma kienu qabdu. Issa kien sebaħ, u Ġesù rxoxtat kien fuq ix-xatt, iħares lejhom. Imbagħad qalilhom: “‘Itfgħu x-xibka fuq in-naħa tal-lemin tad-dgħajsa u ssibu xi ftit.’ Imbagħad huma tefgħuha, imma issa ma setgħux itellgħuha minħabba l-kwantità taʼ ħut.”—Ġwanni 21:1-6.
2 Ġesù ta ħobż u ħut bħala kolazzjon lid-dixxipli tiegħu. Imbagħad dar lejn Xmun Pietru u staqsieh: “Xmun bin Ġwanni, tħobbni int iktar minn dawn?” Ġesù kien jaf li Pietru kien iħobb jistad. Jistaʼ jkun li Ġesù kien qed jistaqsi lil Pietru jekk kienx iħobb lilu u l-affarijiet li għallem iktar min-negozju tas-sajd. Pietru wieġeb lil Ġesù: “Mulej, taf li għandi affezzjoni lejk.” (Ġwanni 21:15) Minn dakinhar ’il quddiem, Pietru ta prova taʼ dak li qal. Hu wera mħabbtu għal Kristu billi żamm ruħu okkupat fix-xogħol tal-ippritkar, u sar membru importanti tal-kongregazzjoni Kristjana.
3. Il-Kristjani għal xiex iridu joqogħdu attenti?
3 X’nistgħu nitgħallmu mill-kliem taʼ Ġesù lil Pietru? Jeħtieġ li noqogħdu attenti biex ma nħallux l-imħabba tagħna għal Kristu tiddgħajjef. Ġesù kien jaf li l-ħajja f’din is-sistema kienet se tkun mimlija stress u li konna se niffaċċjaw ansjetajiet u sfidi. Fit-tixbiha tiegħu taʼ dak li jiżraʼ, Ġesù qal li xi nies kienu se jaċċettaw “il-kelma tas-saltna” u għall-ewwel ikunu żelużi. Iżda iktar tard, “l-ansjetà taʼ din is-sistema u l-qawwa qarrieqa tar-rikkezzi” kienu se “joħonqu l-kelma,” u dawk in-nies kienu se jitilfu ż-żelu tagħhom. (Mattew 13:19-22; Marku 4:19) Jekk ma noqogħdux attenti, l-ansjetajiet taʼ kuljum tal-ħajja jistgħu jfixklu s-servizz tagħna lil Ġeħova. Allura Ġesù wissa lid-dixxipli tiegħu: “Oqogħdu attenti għalikom infuskom li qlubkom qatt ma jitqalu b’ikel u xorb żejjed u ansjetajiet tal-ħajja.”—Luqa 21:34.
4. X’se jgħinna nkunu nafu jekk l-imħabba tagħna għal Kristu hix b’saħħitha? (Ara l-ewwel stampa.)
4 Bħal Pietru, aħna nistgħu nuru li nħobbu lil Kristu billi npoġġu x-xogħol tal-ippritkar l-ewwel post f’ħajjitna. Kif nistgħu nagħmlu ċert li nkomplu nagħmlu dan? Nistgħu nistaqsu lilna nfusna: ‘Xi nħobb l-iktar fil-ħajja? X’jagħmilni ferħan, li naqdi lil Ġeħova jew li nieħu sehem f’attivitajiet oħrajn?’ Bħala għajnuna biex inwieġbu dan, ejja neżaminaw tliet oqsma tal-ħajja li jistgħu jdgħajfu l-imħabba tagħna għal Kristu. Dawn huma x-xogħol sekulari, ir-rikreazzjoni, u l-affarijiet materjali.
ŻOMM IX-XOGĦOL SEKULARI F’POSTU
5. X’responsabbiltà għandhom il-kapijiet tal-familja?
5 Għal Pietru, is-sajd ma kienx sempliċement xi ħaġa li kien jieħu pjaċir jagħmel. Kien ix-xogħol biex imantni lil familtu. Illum, ukoll, Ġeħova ta lill-kapijiet tal-familja r-responsabbiltà biex jipprovdu għal familthom. (1 Timotju 5:8) Huma jkollhom jaħdmu iebes biex jagħmlu dan. Madankollu, f’dawn l-aħħar jiem, ix-xogħol sekulari jistaʼ jġib miegħu ħafna ansjetà.
6. Għala x-xogħol sekulari jistaʼ jkun stressanti?
6 Spiss hemm iżjed nies li għandhom bżonn xogħol milli hemm xogħol għalihom. Minħabba f’hekk, in-nies jikkompetu biex isibu xogħol. Ħafna jħossu li jkollhom jaħdmu iżjed sigħat, spiss b’inqas paga. Il-kumpaniji qed jipprovaw jipproduċu iktar affarijiet b’inqas ħaddiema minn qatt qabel. Allura, il-ħaddiema għandhom mnejn isiru stressati, għajjenin mejta, u saħansitra jimirdu. Ħafna jinkwetaw li se jitilfu l-impjieg tagħhom jekk ma jagħmlux kulma jitlobhom l-imgħallem.
Il-Kristjani huma iktar leali lejn Ġeħova milli lejn kwalunkwe persuna oħra
7, 8. (a) Lejn min aħna l-iktar leali? (b) Liema lezzjoni siewja tgħallem wieħed ħu mit-Tajlandja dwar ix-xogħol tiegħu?
7 Bħala Kristjani, aħna iktar leali lejn Luqa 10:27) Ix-xogħol sekulari tagħna huwa mezz li bih nipprovdu l-bżonnijiet bażiċi tagħna u jgħinna fil-ministeru tagħna. Imma jekk ma noqogħdux attenti, ir-responsabbiltajiet tagħna fuq ix-xogħol jistgħu jfixklu l-qima tagħna. Aħna nistgħu nitgħallmu mill-esperjenza taʼ ħu fit-Tajlandja. Hu qal: “Kien xogħol interessanti ħafna li nsewwi l-kompjuters, imma kien jirrikjedi sigħat twal taʼ xogħol. B’hekk, ma kien baqagħli kważi l-ebda ħin għal affarijiet spiritwali. Fl-aħħar irrealizzajt li biex inpoġġi l-interessi tas-Saltna l-ewwel, kelli bżonn inbiddel it-tip taʼ xogħol li kont nagħmel.” X’għamel dan il-ħu?
Ġeħova milli lejn kwalunkwe persuna oħra, inkluż min iħaddimna. (8 “Wara li kont ili nippjana kważi sena,” hu spjega, “iddeċidejt li nibda nbigħ il-ġelat fit-toroq. Għall-ewwel, batejt finanzjarjament u skuraġġejt ruħi. Meta kont niltaqaʼ maʼ sħabi li kont naħdem magħhom qabel, kienu jidħqu bija u jistaqsuni għala kont naħseb li l-bejgħ tal-ġelati kien aħjar milli naħdem fil-kompjuters f’ambjent bl-arja kundizzjonata. Dort lejn Ġeħova u tlabtu jgħinni nkampa u nilħaq il-mira tiegħi li jkolli iktar ħin għal attivitajiet spiritwali. L-affarijiet malajr bdew mexjin ’il quddiem. Sirt naf iktar xi jħobbu l-klijenti tiegħi u sirt iktar tas-sengħa f’li nagħmel il-ġelat. Wara ftit, bdejt inbigħ il-ġelat kollu kuljum. Ngħidlek is-sew, kont aħjar finanzjarjament milli meta kont naħdem fil-kompjuters. Dan għamilni iktar ferħan għax m’għandix dak l-istress u l-inkwiet li kelli fix-xogħol taʼ qabel. U l-iktar importanti hu li issa nħossni eqreb taʼ Ġeħova.”—Aqra Mattew 5:3, 6.
Insib ix-xogħol tiegħi iktar eċċitanti mis-servizz tiegħi lil Alla?
9. Kif nistgħu nkomplu jkollna ħarsa bilanċjata lejn ix-xogħol sekulari?
9 Ġeħova japprezza meta naħdmu iebes. Ix-xogħol iebes huwa premjanti. (Proverbji 12:14) Imma rridu nagħmlu ċert li x-xogħol sekulari tagħna ma jsirx iżjed importanti għalina mis-servizz tagħna lil Ġeħova. Dwar il-bżonnijiet materjali bażiċi tagħna, Ġesù qal: “Mela, ibqgħu fittxu l-ewwel is-saltna u s-sewwa tiegħu, u dawn l-affarijiet l-oħrajn kollha se jiżdidulkom.” (Mattew 6:33) Imma kif inkunu nafu jekk għandniex ħarsa bilanċjata lejn ix-xogħol sekulari? Aħna nistgħu nistaqsu lilna nfusna, ‘Insib ix-xogħol tiegħi interessanti u eċċitanti filwaqt li nqis is-servizz tiegħi lil Alla bħala ordinarju jew saħansitra taʼ dwejjaq?ʼ Li naħsbu dwar din il-mistoqsija jistaʼ jgħinna naraw ċar dak li aħna verament inħobbu.
10. X’lezzjoni siewja għallem Ġesù?
10 Ġesù għallimna x’għandu jiġi l-ewwel f’ħajjitna. Darba, hu mar id-dar taʼ żewġ aħwa, Marija u Marta. Fil-pront, Marta bdiet tħejjilu ikla, imma Marija qagħdet bilqiegħda ħdejn Ġesù tisimgħu jgħallem. Marta gergret li Marija ma kinitx qed tgħinha. Ġesù qal lil Marta: “Marija għażlet l-aħjar sehem, u Luqa 10:38-42) Hawn, Ġesù għallem lezzjoni siewja. Sabiex nevitaw li niġu aljenati mill-bżonnijiet tagħna stess u biex nagħtu prova taʼ mħabbitna lil Kristu, aħna għandna nagħżlu “l-aħjar sehem.” Dan ifisser li r-relazzjoni tagħna maʼ Ġeħova għandha dejjem tkun l-iktar ħaġa importanti f’ħajjitna.
mhux se jittiħdilha.” (KIF INQISU R-RIKREAZZJONI U D-DIVERTIMENT
11. Il-Bibbja x’tgħid dwar il-mistrieħ u r-rilassament?
11 Ħajjitna hija mimlija ħafna, allura kultant ikollna bżonn nistrieħu u nirrilassaw. Fil-Bibbja naqraw: “Għall-bniedem m’hemm xejn aħjar milli jiekol u jixrob u jgawdi affarijiet tajbin minħabba x-xogħol iebes tiegħu.” (Ekkleżjasti 2:24) Ġesù kien jaf kemm kien importanti li d-dixxipli tiegħu jistrieħu. Pereżempju, wara li kienu qed jaħdmu bla heda fix-xogħol tal-ippritkar, Ġesù qalilhom: “Ejjew waħedkom f’post imwarrab u strieħu ftit.”—Marku 6:31, 32.
12. Għala għandna bżonn noqogħdu attenti dwar ir-rikreazzjoni u d-divertiment? Agħti eżempju.
12 Ir-rikreazzjoni u d-divertiment jistgħu jgħinuna nistrieħu u nirrilassaw. Imma għandna noqogħdu attenti li l-pjaċir li nieħdu ma jsirx l-iktar ħaġa importanti f’ħajjitna. Fl-ewwel seklu, ħafna kellhom din l-attitudni: “Ħa nieklu u nixorbu, għax għada mmutu.” (1 Korintin 15:32) Din l-istess attitudni hija komuni llum ukoll. Pereżempju, raġel żagħżugħ fl-Ewropa tal-Punent beda jattendi laqgħat Kristjani. Imma tant kien iħobb id-divertiment li waqaf jassoċja max-Xhieda taʼ Ġeħova. Iżda, iktar tard irrealizza li minħabba li ffoka fuq id-divertiment inqalgħulu ħafna problemi. Għal darb’oħra beda jistudja l-Bibbja u maż-żmien setaʼ jibda jipprietka l-aħbar tajba. Wara l-magħmudija tiegħu qal: “L-uniku dispjaċir li għandi hu li tlift ħafna żmien qabel ma rrealizzajt illi li naqdi lil Ġeħova jġib bil-wisq iżjed ferħ milli niġri wara d-divertiment li toffri din id-dinja.”
13. (a) Agħti tixbiha li turi għala ħafna rikreazzjoni u divertiment mhuwiex tajjeb. (b) X’jistaʼ jgħinna jkollna ħarsa bilanċjata lejn ir-rikreazzjoni u d-divertiment?
13 Ir-rikreazzjoni għandha tgħinna nirrilassaw u nerġgħu niksbu l-enerġija. Allura kemm għandna nqattgħu ħin fir-rikreazzjoni? Sabiex niġu megħjunin inwieġbu, nistgħu naħsbu dwarha b’dan il-mod. Ħafna nies iħobbu jieklu l-kejkijiet u l-ħelu. Imma aħna nafu li jekk nikluhom il-ħin kollu, is-saħħa tagħna se tmur minn taħt. Jekk irridu nkunu f’saħħitna, aħna għandna nieklu dak li hu tajjeb għalina. Bl-istess mod, jekk inqattgħu l-biċċa l-kbira mill-ħin tagħna f’rikreazzjoni u divertiment, dan se jaffettwa r-relazzjoni tagħna maʼ Ġeħova. X’se jgħinna nkunu nafu jekk għandniex ħarsa bilanċjata lejn ir-rikreazzjoni? Xi ħaġa li nistgħu nagħmlu hi li nagħżlu ġimgħa u niktbu n-numru taʼ sigħat li qattajna f’attivitajiet relatati mas-servizz tagħna lil Ġeħova, bħal-laqgħat Kristjani, ix-xogħol tal-ippritkar, u l-istudju tal-Bibbja. Imbagħad nistgħu nniżżlu n-numru taʼ sigħat tal-istess ġimgħa li qattajna f’rikreazzjoni, bħal Efesin 5:15, 16.
sports, televixin, jew logħob elettroniku. Meta nqabblu ż-żewġ numri, xi nsibu? Hemm bżonn nagħmlu bidla?—Aqra14. X’jistaʼ jgħinna nagħżlu rikreazzjoni u divertiment tajjeb?
14 Ġeħova jippermettilna nagħżlu r-rikreazzjoni tagħna, u l-kapijiet tal-familja wkoll jistgħu jagħżlu r-rikreazzjoni għall-familja tagħhom. Fil-Bibbja, Ġeħova jagħtina prinċipji li juru kif jaħseb. Dawn il-prinċipji jgħinuna nieħdu deċiżjonijiet tajbin. * (Ara n-nota taʼ taħt.) Rikreazzjoni tajba hi “għotja t’Alla.” (Ekkleżjasti 3:12, 13) Veru, nies differenti jippreferu divertiment differenti. (Galatin 6:4, 5) Imma hu x’inhu d-divertiment li nagħżlu, xorta rridu noqogħdu attenti. Ġesù qal: “Fejn hemm it-teżor tiegħek, hemm tkun qalbek ukoll.” (Mattew 6:21) Imħabbitna għas-Sultan tagħna, Ġesù, tqanqalna naħsbu, nitkellmu, u naġixxu b’mod li juri li s-Saltna hija iktar importanti għalina minn kull ħaġa oħra.—Filippin 1:9, 10.
IL-ĠLIEDA TAGĦNA KONTRA L-MATERJALIŻMU
15, 16. (a) Il-materjaliżmu kif jistaʼ jsir nasba għalina? (b) Ġesù liema parir għaqli ta dwar l-affarijiet materjali?
15 Ħafna llum iħossu li għandu jkollhom ħwejjeġ tal-aħħar moda, mowbajls Luqa 12:15) Għala qal dan il-kliem?
u kompjuters l-iktar reċenti, u nibqgħu sejrin. Huma jiġu affettwati bil-materjaliżmu—stil taʼ ħajja fejn l-affarijiet materjali u l-flus huma iktar importanti minn kull ħaġa oħra. Bħala Kristjan, x’inhu l-iktar importanti għalik? Staqsi lilek innifsek: ‘Inqattaʼ iktar ħin naħseb dwar l-aħħar karozzi jew moda milli nipprepara għal-laqgħat tal-kongregazzjoni? Sirt għandi x’nagħmel tant fl-attivitajiet taʼ kuljum li jkolli inqas ħin nitlob jew naqra l-Bibbja?ʼ Jekk ma noqogħdux attenti, l-imħabba għal affarijiet materjali tistaʼ ssir iktar importanti mill-imħabba tagħna għal Kristu. Aħna għandna naħsbu dwar kliem Ġesù: “Għassu kontra kull xenqa b’għira.” (Mhux possibbli li nagħtu l-aħjar tagħna lil Ġeħova u fl-istess ħin inkunu ffokati fuq affarijiet materjali
16 Ġesù qal li “ħadd ma jistaʼ jkun ilsir taʼ żewġ sidien.” Żied jgħid: “Ma tistgħux tkunu lsiera t’Alla u tal-flus.” Mhux possibbli li nagħtu l-aħjar tagħna lil Ġeħova u fl-istess ħin inkunu ffokati fuq affarijiet materjali. Ġesù spjega li jew se ‘nobogħdu lil wieħed u nħobbu lill-ieħor’ jew ‘nintrabtu maʼ wieħed u nistmerru lill-ieħor.’ (Mattew 6:24) Peress li imperfetti, għandna nkomplu niġġieldu kontra “x-xewqat taʼ laħamna,” inkluż il-materjaliżmu.—Efesin 2:3.
17. (a) Xi wħud għala jsibuha diffiċli li jkollhom attitudni bilanċjata dwar l-affarijiet materjali? (b) X’jgħinna niġġieldu kontra l-materjaliżmu?
17 Ħafna nies tant huma ffokati fuq ix-xewqat u l-pjaċiri tagħhom stess li jsibuha diffiċli jkollhom ħarsa bilanċjata tal-affarijiet materjali. (Aqra l-1 Korintin 2:14.) Minħabba li ma jkunux qed jaħsbu ċar, jistaʼ jkun diffiċli għalihom li jaraw id-differenza bejn it-tajjeb u l-ħażin. (Ebrej 5:11-14) Ix-xewqa tagħhom għal affarijiet materjali tistaʼ ssir iktar u iktar b’saħħitha. U iktar ma jkollhom, iktar iridu. (Ekkleżjasti 5:10) Imma hemm xi ħaġa li nistgħu nagħmlu biex niġġieldu kontra dan il-mod taʼ ħsieb. Il-qari regolari tal-Kelma t’Alla se jsaħħaħna biex inkunu nistgħu nirreżistu l-materjaliżmu. (1 Pietru 2:2) Ġesù mmedita fuq l-għerf taʼ Ġeħova, u dan għenu jirreżisti t-tentazzjonijiet tax-Xitan. (Mattew 4:8-10) Illum, ukoll, jekk irridu nirreżistu l-materjaliżmu, għandna bżonn inpoġġu fil-prattika l-għerf taʼ Ġeħova f’ħajjitna. Dan se juri lil Ġesù li nħobbuh iktar mill-affarijiet materjali.
18. X’int determinat li tagħmel?
18 Meta Ġesù staqsa lil Pietru, “Tħobbni int iktar minn dawn?” hu kien qed ifakkru fil-bżonn li jpoġġi l-affarijiet spiritwali l-ewwel f’ħajtu. Hu interessanti li isem Pietru jfisser “Biċċa minn blata.” Il-kwalitajiet tajbin taʼ Pietru jistgħu jitqabblu maʼ blata. (Atti 4:5-20) Illum, aħna wkoll irridu li mħabbitna għal Kristu tkun soda. Allura nagħmlu ċert li x-xogħol sekulari, ir-rikreazzjoni, u l-affarijiet materjali jkollhom il-post xieraq f’ħajjitna. Imbagħad se jkun bħallikieku aħna, bħal Pietru, qed ngħidu: “Mulej, taf li għandi affezzjoni lejk.”
^ par. 14 Ara l-artiklu “Tiswielek taʼ Ġid ir-Rikreazzjoni Tiegħek?” fit-Torri tal-Għassa tal-15 t’Ottubru 2011, paġni 9-12, paragrafi 6-15.