Kif nilbsu l-personalità l-ġdida u ma ninżgħuhiex
“Ilbsu l-personalità l-ġdida.”—KOLOSSIN 3:10.
1, 2. (a) Kif nafu li hu possibbli għalina li nilbsu l-personalità l-ġdida? (b) Liema kwalitajiet tal-personalità l-ġdida jissemmew f’Kolossin 3:10-14?
FIT-Traduzzjoni tad-Dinja l-Ġdida taʼ l-Iskrittura Mqaddsa nsibu l-espressjoni “l-personalità l-ġdida” darbtejn. (Efesin 4:24; Kolossin 3:10) Din tirreferi għal personalità li hi ‘maħluqa skond ir-rieda t’Alla.’ Huwa possibbli għalina li nilbsu din il-personalità l-ġdida? Iva. Ġeħova ħalaq lill-bnedmin fix-xbieha tiegħu, u għalhekk aħna nistgħu nimitaw il-kwalitajiet sbieħ tiegħu.—Ġenesi 1:26, 27; Efesin 5:1.
2 Veru, minħabba li writna l-imperfezzjoni, ilkoll kultant ikollna xewqat ħżiena. Niġu affettwati wkoll b’dak li aħna mdawrin bih. Imma bl-għajnuna taʼ Ġeħova mogħtija bi ħniena, aħna nistgħu nsiru t-tip taʼ persuni li hu jixtieqna nkunu. Bħala għajnuna biex inkunu determinati nagħmlu dan, ejja niddiskutu xi kwalitajiet Kolossin 3:10-14.) Imbagħad se naraw kif nistgħu nuru dawn il-kwalitajiet fil-ministeru tagħna.
li huma parti mill-personalità l-ġdida. (Aqra“INTOM ILKOLL PERSUNA WAĦDA”
3. X’inhi waħda mill-kwalitajiet tal-personalità l-ġdida?
3 Pawlu spjega li l-imparzjalità hi parti importanti mill-personalità l-ġdida. Hu qal: “La hemm Grieg u lanqas Lhudi, la ċirkonċiż u lanqas m’huwiex, la barrani, la Skita, la lsir u lanqas ħieles.” * (Ara n-nota taʼ taħt.) Fil-kongregazzjoni, ħadd m’għandu jħossu aħjar minn oħrajn minħabba r-razza, in-nazzjonalità, jew l-istat soċjali tiegħu. Għala? Għax bħala s-segwaċi taʼ Kristu, aħna “lkoll persuna waħda.”—Kolossin 3:11; Galatin 3:28.
Aħna ma nittrattawx lil ħaddieħor b’mod differenti minħabba r-razza jew il-background tiegħu
4. (a) Il-qaddejja taʼ Ġeħova kif għandhom jittrattaw lil oħrajn? (b) Liema sitwazzjoni tistaʼ tagħmel l-għaqda bejn il-Kristjani diffiċli?
4 Meta nilbsu l-personalità l-ġdida, aħna nittrattaw lil kulħadd bir-rispett u l-unur, hi x’inhi r-razza jew it-trobbija tagħhom. (Rumani 2:11) F’xi partijiet tad-dinja, dan jistaʼ jkun verament diffiċli. Pereżempju, fil-passat fl-Afrika t’Isfel, il-gvern għażel ċerti postijiet biex joqogħdu fihom nies taʼ razza differenti. Il-maġġoranza tan-nies f’dal-pajjiż, inkluż ix-Xhieda, għadhom jgħixu f’dawn il-postijiet. Il-Ġemgħa li Tiggverna riedet tinkuraġġixxi lil ħutna biex ‘iwessgħu qlubhom.’ Għalhekk f’Ottubru tal-2013, il-Ġemgħa li Tiggverna approvat arranġament speċjali li kien se jgħin lil aħwa taʼ razez differenti biex isiru jafu lil xulxin aħjar.—2 Korintin 6:13.
5, 6. (a) Liema arranġamenti saru f’pajjiż biex in-nies t’Alla jkunu iktar magħqudin? (Ara l-ewwel stampa.) (b) X’kienu r-riżultati?
5 L-aħwa għamlu arranġamenti biex xi drabi fi tmiem il-ġimgħa, Xhieda minn żewġ kongregazzjonijiet taʼ lingwa jew razza differenti jkunu jistgħu jqattgħu l-ħin flimkien. Aħwa rġiel u nisa miż-żewġ kongregazzjonijiet ħadu sehem fil-ministeru, marru għal-laqgħat flimkien, u laqgħu lil xulxin fid-djar tagħhom. Hemm mijiet taʼ kongregazzjonijiet li pparteċipaw f’dan l-arranġament, u l-uffiċċju tal-fergħa rċieva ħafna rapporti tajbin. Dan impressjona saħansitra lil uħud li ma kinux Xhieda. Pereżempju, ministru reliġjuż qal: “Jien m’iniex Xhud, imma nistaʼ ngħid li x-xogħol tal-ippritkar tagħkom hu organizzat b’mod tal-għaġeb, u veru għandkom għaqda bejn razza u oħra.” L-aħwa kif ħassewhom dwar dan l-arranġament?
6 Oħt jisimha Noma li titkellem bil-lingwa Xhosa għall-ewwel ħassitha nervuża ħafna biex tistieden Xhieda mill-kongregazzjoni tal-lingwa Ingliża
fid-dar sempliċi tagħha. Imma wara li ppritkat maʼ Xhieda taʼ ġilda bajda u gawdiet l-ospitalità fid-djar tagħhom, hi ħassitha iktar komda. Hi qalet: “Huma nies normali bħalna!” Għalhekk, meta aħwa rġiel u nisa mill-kongregazzjoni tal-lingwa Ingliża marru jippritkaw mal-aħwa tal-kongregazzjoni tal-lingwa Xhosa, Noma stiednet lil xi ftit minnhom id-dar tagħha għall-ikel. Hi kienet impressjonata meta nnotat li wieħed mill-mistidnin tagħha, anzjan taʼ ġilda bajda, kien kuntent li jpoġġi fuq kaxxa tal-plastik baxxa. Grazzi għal dan l-arranġament li għadu għaddej sal-lum, ħafna aħwa għamlu ħbieb ġodda u qed ikomplu jsiru jafu lil dawk minn backgrounds differenti.ILBSU L-MOGĦDRIJA U L-QALB TAJBA
7. Għala għandna dejjem nuru mogħdrija?
7 Sakemm id-dinja taʼ Satana tiġi fi tmiemha, in-nies taʼ Ġeħova se jkollhom il-provi. Nuqqas taʼ xogħol, mard serju, persekuzzjoni, diżastri naturali, telf t’affarijiet materjali minħabba l-kriminalità, jew xi tbatija oħra tistaʼ taffettwana lkoll. Biex ngħinu lil xulxin waqt il-provi, hemm bżonn li jkollna mogħdrija vera. Mogħdrija tenera se tqanqalna nittrattaw lil oħrajn b’qalb tajba. (Efesin 4:32) Dawn il-kwalitajiet huma parti mill-personalità l-ġdida li se jgħinuna nimitaw lil Alla u nfarrġu lil oħrajn.—2 Korintin 1:3, 4.
8. Liema riżultati tajbin jistaʼ jkun hemm meta nuru mogħdrija u qalb tajba maʼ kulħadd fil-kongregazzjoni? Agħti eżempju.
8 Kif nistgħu nuru iktar qalb tajba maʼ dawk fil-kongregazzjoni tagħna li ġew minn pajjiż ieħor jew li huma żvantaġġati? Aħna rridu nilqgħuhom, insiru ħbieb tagħhom, u ngħinuhom jaraw li għandna bżonnhom fil-kongregazzjoni. (1 Korintin 12:22, 25) Pereżempju, Dannykarl mill-Filippini mar jgħix il-Ġappun. Minħabba li kien barrani, ma kienx jiġi trattat bħall-ħaddiema l-oħra fuq il-post tax-xogħol. Imbagħad hu attenda laqgħa tax-Xhieda taʼ Ġeħova. Dannykarl qal: “In-nies li kien hemm kważi kollha kienu Ġappuniżi, imma xorta laqgħuni minn qalbhom, qishom kienu ilhom jafuni.” Il-qalb tajba tal-aħwa kompliet tgħinu jersaq qrib lejn Ġeħova. Maż-żmien Dannykarl tgħammed, u llum qed jaqdi bħala anzjan. L-anzjani sħabu jinsabu kuntenti li hu u l-mara tiegħu, Jennifer, jagħmlu parti mill-kongregazzjoni u jgħidu hekk dwarhom: “Huma jgħixu ħajja vera sempliċi bħala pijunieri u jagħtu eżempju tajjeb f’li jfittxu s-Saltna l-ewwel.”—Luqa 12:31.
9, 10. Agħti eżempji tar-riżultati tajbin li jiġu milli nħossu għal oħrajn fil-ministeru.
9 Aħna għandna opportunità li “nagħmlu t-tajjeb maʼ kulħadd” meta nippritkaw l-aħbar tajba tas-Saltna. (Galatin 6:10) Ħafna Xhieda jħossu għall-immigranti u jipprovaw jitgħallmu l-lingwa tagħhom. (1 Korintin 9:23) L-isforzi tagħhom ġabu riżultati tajbin. Pereżempju, oħt pijuniera fl-Awstralja jisimha Tiffany tgħallmet is-Swaħili sabiex tgħin kongregazzjoni tal-lingwa Swaħili fil-belt taʼ Brisbane. Minkejja li ma kienx faċli li titgħallem il-lingwa, ħajjitha issa għandha iktar skop. Tiffany tgħid: “Jekk trid li l-ministeru tiegħek ikun eċċitanti, li taqdi f’kongregazzjoni taʼ lingwa barranija hu l-ideali għalik. Hu bħallikieku qed tivvjaġġa mingħajr ma titlaq minn pajjiżek. Tibda tesperjenza l-fratellanza internazzjonali tagħna u tara b’għajnejk stess l-għaqda tal-għaġeb li għandha.”
X’inhu li jqanqal lill-Kristjani biex jgħinu lill-immigranti? (Ara paragrafu 10)
10 Familja fil-Ġappun għamlet xi ħaġa simili. Sakiko, li tiġi t-tifla, tgħid: “Kemm-il darba ltqajna maʼ immigranti Brażiljani meta konna fuq il-ministeru tal-għalqa. Meta wrejniehom skritturi mill-Bibbja tagħhom bil-Portugiż, bħal Rivelazzjoni 21:3, 4 jew Salm 37:10, 11, 29, huma qagħdu attenti u xi drabi saħansitra qabżilhom id-dmugħ.” Il-familja ħasset għal dawn l-immigranti u riedet tgħinhom isiru jafu l-verità, u għalhekk huma bdew jistudjaw il-Portugiż bħala familja. Iktar tard, għenu biex tinbeda kongregazzjoni tal-lingwa Portugiża. Mas-snin, huma għenu ħafna immigranti jsiru qaddejja taʼ Ġeħova. Sakiko tgħid: “Kien jinvolvi ħafna xogħol biex tgħallimna l-Portugiż, imma l-barkiet kienu bil-wisq akbar mill-isforzi. Aħna grati ħafna lejn Ġeħova.”—Aqra Atti 10:34, 35.
ILBSU L-UMILTÀ
11, 12. (a) Għala hemm bżonn li jkollna r-raġuni t-tajba biex nilbsu l-personalità l-ġdida? (b) X’se jgħinna nibqgħu umli?
11 Ir-raġuni għala nilbsu l-personalità l-ġdida għandha tkun biex nonoraw lil Ġeħova, u mhux biex niġu mfaħħrin minn oħrajn. Ftakar li anki anġlu perfett sar kburi u dineb. (Qabbel Eżekjel 28:17.) Aħna imperfetti, allura hu ħafna iktar diffiċli għalina biex nevitaw il-kburija. Però, aħna xorta nistgħu nilbsu l-umiltà. X’se jgħinna nagħmlu dan?
12 Xi ħaġa li se tgħinna nkunu umli hi li naqraw il-Kelma t’Alla kuljum u nimmeditaw fuq dak li naqraw. (Dewteronomju 17:18-20) Għandna bżonn nimmeditaw b’mod speċjali fuq dak li Ġesù għallimna u fuq l-eżempju meraviljuż tiegħu tal-umiltà. (Mattew 20:28) Ġesù tant kien umli li ħasel saqajn l-appostli tiegħu. (Ġwanni 13:12-17) Ħaġa oħra li nistgħu nagħmlu hi li nitolbu lil Ġeħova għall-ispirtu tiegħu. Dan jistaʼ jgħinna niġġieldu kwalunkwe tendenza taʼ li nħossuna aħjar minn oħrajn.—Galatin 6:3, 4; Filippin 2:3.
Meta nkunu umli, il-kongregazzjoni se jkollha iktar paċi u tkun iktar magħquda
13. X’inhuma l-barkiet li jiġu milli nkunu umli?
Proverbji 22:4. Ġeħova jistenna li nkunu umli. L-umiltà ġġib magħha ħafna barkiet. Meta nkunu umli, il-kongregazzjoni se jkollha iktar paċi u tkun iktar magħquda. Barra minn hekk, Ġeħova se jagħtina l-qalb tajba mhix mistħoqqa tiegħu. L-appostlu Pietru qal: “Ilkoll kemm intom tħażżmu bl-umiltà lejn xulxin, għax Alla jopponi lis-suppervi, imma juri qalb tajba mhix mistħoqqa maʼ l-umli.”—1 Pietru 5:5.
13 AqraILBSU L-ĦLEWWA U L-PAĊENZJA
14. Min hu l-aqwa eżempju tal-ħlewwa u l-paċenzja?
14 Fid-dinja tal-lum, jekk persuna turi l-ħlewwa u l-paċenzja, oħrajn ħafna drabi jaħsbu li hi dgħajfa. Imma dan mhux veru. Dawn il-kwalitajiet sbieħ jiġu mingħand Ġeħova, l-iktar Persuna li għandha qawwa fl-univers. Hu l-aqwa eżempju tal-ħlewwa u l-paċenzja. (2 Pietru 3:9) Pereżempju, aħseb dwar kemm Ġeħova kien paċenzjuż meta wieġeb lil Abraham u Lot permezz tal-anġli Tiegħu. (Ġenesi 18:22-33; 19:18-21) U aħseb dwar kemm Ġeħova kien paċenzjuż mal-ġens diżubbidjenti taʼ Iżrael għal iktar minn 1,500 sena.—Eżekjel 33:11.
15. X’eżempju ħalla Ġesù f’li juri ħlewwa u paċenzja?
15 Ġesù kien “ġwejjed,” jew, wera ħlewwa. (Mattew 11:29) Hu wera paċenzja kbira f’li jissaporti d-dgħufijiet tad-dixxipli tiegħu. Matul il-ministeru tiegħu fuq l-art, Ġesù ġie kritikat u akkużat b’mod inġust ħafna drabi. Imma hu wera ħlewwa u paċenzja sal-mewt. Meta Ġesù kien muġugħ ħafna fuq iz-zokk tat-tortura, hu talab lil Missieru biex jaħfer lin-nies li riedu joqtluh. Hu qal: “Ma jafux x’qed jagħmlu.” (Luqa 23:34) Anki meta Ġesù kien taħt stress jew muġugħ, hu baqaʼ juri ħlewwa u paċenzja.—Aqra l-1 Pietru 2:21-23.
16. Kif nistgħu nuru ħlewwa u paċenzja?
16 Pawlu semma mod wieħed kif nistgħu nuru ħlewwa u paċenzja meta kiteb: “Komplu ssaportu lil xulxin u aħfru lil xulxin mill-qalb jekk xi ħadd għandu għalxiex jilmenta kontra ħaddieħor. Bħalma Ġeħova ħafrilkom mill-qalb, agħmlu hekk intom ukoll.” (Kolossin 3:13) Sabiex naħfru lil oħrajn, hemm bżonn li nuru ħlewwa u paċenzja. Dan se jinkuraġġixxi u jżomm l-għaqda fil-kongregazzjoni.
17. Il-ħlewwa u l-paċenzja għala huma importanti?
17 Ġeħova jistenna li nuru ħlewwa u paċenzja m’oħrajn. Dawn il-kwalitajiet huma importanti jekk irridu ngħixu fid-dinja l-ġdida tiegħu. (Mattew 5:5; Ġakbu 1:21) Meta nkunu paċenzjużi u nuru ħlewwa, aħna nonoraw lil Ġeħova u ngħinu lil oħrajn jagħmlu l-istess.—Galatin 6:1; 2 Timotju 2:24, 25.
ILBSU L-IMĦABBA
18. X’rabta hemm bejn l-imħabba u l-imparzjalità?
18 Il-kwalitajiet li ddiskutejna, kollha għandhom x’jaqsmu mal-imħabba. Pereżempju, id-dixxiplu Ġakbu kellu jwissi lil ħutu minħabba li ttrattaw lin-nies sinjuri aħjar minn dawk foqra. Hu spjega li dan kien imur kontra l-kmandament t’Alla biex ‘tħobb lill-proxxmu tiegħek bħalek innifsek.’ Imbagħad hu żied: “Jekk tkomplu tħarsu lejn l-uċuħ, tkunu qed tidinbu.” (Ġakbu 2:8, 9) Jekk inħobbu lin-nies, aħna mhux se nkunu preġudikati kontra xi ħadd minħabba l-edukazzjoni, ir-razza, jew l-istat soċjali tiegħu. Aħna ma nistgħux sempliċement nippretendu li aħna imparzjali. Jeħtieġ li l-imparzjalità tkun parti ġenwina mill-personalità tagħna.
19. Għala hu importanti li nilbsu l-imħabba?
19 Ukoll, l-imħabba “tistabar fit-tul u qalbha tajba” u “ma tintefaħx.” (1 Korintin 13:4) Hemm bżonn li nkunu paċenzjużi, qalbna tajba, u umli sabiex inkomplu naqsmu l-aħbar tajba mal-ġirien tagħna. (Mattew 28:19) Dawn il-kwalitajiet jagħmluha wkoll iktar faċli biex ningwalawha maʼ ħutna kollha fil-kongregazzjoni. Meta lkoll kemm aħna nuru mħabba bħal din, il-kongregazzjonijiet tagħna se jkunu magħqudin u se jonoraw lil Ġeħova. Oħrajn se jinnotaw din l-għaqda u jinġibdu lejn il-verità. Bix-xieraq, id-deskrizzjoni tal-Bibbja tal-personalità l-ġdida tikkonkludi hekk: “Minbarra dawn l-affarijiet kollha, ilbsu l-imħabba, għax hi rabta perfetta li tgħaqqad.”—Kolossin 3:14.
KOMPLU ‘ĠĠEDDU’
20. (a) Liema mistoqsijiet għandna nsaqsu lilna nfusna, u għala? (b) Għal liema futur meraviljuż nistgħu nħarsu ’l quddiem?
20 Ilkoll għandna nsaqsu lilna nfusna, ‘X’bidliet fadalli nagħmel sabiex ninżaʼ l-personalità l-qadima u ma nerġax nilbisha?’ Għandna nitolbu lil Ġeħova bil-ħrara biex jgħinna. Sabiex inkunu nistgħu ‘nirtu s-saltna t’Alla’ hemm bżonn li naħdmu iebes biex inbiddlu ħsibijiet jew azzjonijiet ħżiena. (Galatin 5:19-21) Aħna rridu wkoll insaqsu, ‘Inkompli jien nirranġa l-mod kif naħseb ħalli jkun jogħġob lil Ġeħova?’ (Efesin 4:23, 24) Aħna imperfetti, allura hemm bżonn li nkomplu naħdmu iebes biex nilbsu l-personalità l-ġdida u ma ninżgħuhiex. Dan hu proċess kontinwu. Kemm se tkun ħajja meraviljuża meta kull min ikun ħaj ikun libes il-personalità l-ġdida u se jimita l-kwalitajiet sbieħ taʼ Ġeħova perfettament!
^ par. 3 Fi żminijiet Bibliċi, in-nies kienu jaħsbu li persuni Skiti ma kinux ċivilizzati, u għalhekk kienu jmaqdruhom.