Ġwanni l-Battista—Eżempju li jistaʼ jgħinna nibqgħu ferħanin
HEMM xi ħaġa li tixtieq tagħmel fil-kongregazzjoni imma bħalissa ma tistax? Forsi tkun xi responsabbiltà li ħaddieħor għandu. Jew tistaʼ tkun inkarigu taʼ servizz, jew privileġġ, li kont tagħmel fil-passat. Madankollu, l-età, is-saħħa batuta, id-diffikultajiet ekonomiċi, jew ir-responsabbiltajiet tal-familja li għandek bħalissa jillimitaw dak li tistaʼ tagħmel. Jew minħabba bidliet fl-organizzazzjoni, forsi kellek tieqaf mill-inkarigu li kont ilek tagħmel għal żmien twil. Hi x’inhi r-raġuni, forsi tħoss li m’intix tagħmel dak li tixtieq fis-servizz t’Alla. F’sitwazzjonijiet bħal dawn, huwa normali li kultant forsi tħossok diżappuntat. Xorta waħda, x’jistaʼ jgħinek ma tkunx dejjem skuraġġit, irrabjat, jew imdejjaq? Kif tistaʼ tibqaʼ ferħan?
Mill-eżempju taʼ Ġwanni l-Battista nistgħu nitgħallmu xi ħaġa importanti dwar kif nibqgħu ferħanin. Hu gawda privileġġi tal-għaġeb, iżda aktarx stenna li ħajtu fis-servizz taʼ Ġeħova tkun differenti milli kienet. Hu forsi qatt ma immaġina li kellu jqattaʼ iktar żmien il-ħabs milli fil-ministeru tiegħu. Minkejja dan, Ġwanni kompla jkun ferħan, u baqaʼ jkollu din l-attitudni għall-kumplament taʼ ħajtu. X’għenu? U aħna kif nistgħu nibqgħu ferħanin anke meta nesperjenzaw diżappunti?
INKARIGU TAʼ FERĦ
Fir-rebbiegħa tas-sena 29, Ġwanni beda l-inkarigu li tah Ġeħova, dak li jipprepara n-nies għall-wasla tal-Messija. Hu qal: “Indmu, għax qorbot is-saltna tas-smewwiet.” (Mt. 3:2; Lq. 1:12-17) Ħafna wieġbu għal dan. Fil-fatt, folol taʼ nies vjaġġaw distanzi twal biex jisimgħu l-messaġġ tiegħu, u ħafna tqanqlu biex jindmu u jitgħammdu. Ukoll, Ġwanni b’kuraġġ wissa lill-mexxejja reliġjużi, li riduha taʼ tajbin, dwar il-ġudizzju li kien ġej għalihom jekk ma jinbidlux. (Mt. 3:5-12) Ġwanni għamel l-iktar ħaġa importanti fil-ministeru tiegħu meta għammed lil Ġesù matul il-ħarifa tas-sena 29. Minn dakinhar, Ġwanni dderieġa lin-nies biex isegwu lil Ġesù, il-Messija mwiegħed.—Ġw. 1:32-37.
Mt. 11:11) Żgur li Ġwanni feraħ bil-barkiet li ngħata. Bħalu, ħafna llum esperjenzaw barkiet mill-isbaħ. Ejja naraw l-eżempju taʼ ħu jismu Terry. Hu u martu, Sandra, qattgħu 50 sena fis-servizz full-time. Terry jgħid: “Kelli ħafna barkiet sbieħ. Qdejt bħala pijunier, Betelit, pijunier speċjali, indokratur li jżur il-kongregazzjonijiet, indokratur tad-distrett, u issa rġajt qed naqdi bħala pijunier speċjali.” Aħna nifirħu meta nirċievu inkarigi fis-servizz taʼ Ġeħova, imma bħalma se nitgħallmu mill-eżempju taʼ Ġwanni, meta ċ-ċirkustanzi tagħna jinbidlu jinvolvi sforz biex nibqgħu ferħanin.
Meta qies l-irwol uniku taʼ Ġwanni, Ġesù setaʼ jgħid: “Fost dawk li twieldu min-nisa ħadd ma qam akbar minn Ġwanni l-Battista.” (IBQAʼ URI APPREZZAMENT
Ġwanni l-Battista baqaʼ ferħan għax dejjem apprezza l-privileġġ li kellu. Ejja nieħdu eżempju taʼ dan. Wara l-magħmudija taʼ Ġesù, in-numru taʼ segwaċi taʼ Ġwanni beda jonqos filwaqt li dak taʼ Ġesù beda jiżdied. Inkwetati dwar dan, id-dixxipli taʼ Ġwanni avviċinawh u qalulu: “Ara, dan qed jgħammed u kulħadd sejjer għandu.” (Ġw. 3:26) Ġwanni wieġeb: “Dak li għandu l-għarusa hu l-għarus. Madankollu, meta l-ħabib taʼ l-għarus jieqaf u jisimgħu, jifraħ ħafna minħabba leħen l-għarus. Għalhekk, dan il-ferħ tiegħi ntgħamel sħiħ.” (Ġw. 3:29) Ġwanni ma kkompetiex maʼ Ġesù; lanqas ma ħass li xogħlu kien bla valur minħabba li dak taʼ Ġesù kien iktar importanti. Minflok, Ġwanni baqaʼ ferħan għax baqaʼ japprezza l-irwol tiegħu bħala “l-ħabib taʼ l-għarus.”
L-attitudni taʼ Ġwanni għenitu jibqaʼ ferħan avolja l-inkarigu tiegħu kien diffiċli. Pereżempju, hu kien Nażirit mit-twelid, u b’hekk ma setax jixrob inbid. (Lq. 1:15) “Ġwanni la ġie jiekol u lanqas jixrob,” qal Ġesù, meta rrefera għall-ħajja sempliċi tiegħu. Mill-banda l-oħra, Ġesù u d-dixxipli tiegħu ma kellhomx restrizzjonijiet bħal dawn u għexu ħajja iktar normali. (Mt. 11:18, 19) Ukoll, filwaqt li Ġwanni m’għamel l-ebda miraklu, hu kien jaf li d-dixxipli taʼ Ġesù, inkluż uħud li kienu d-dixxipli tiegħu, setgħu jagħmlu l-mirakli. (Mt. 10:1; Ġw. 10:41) Minflok ma qagħad iħalli differenzi bħal dawn itellfuh, hu baqaʼ jkollu x’jagħmel fl-inkarigu li kellu mingħand Ġeħova.
Jekk aħna wkoll ngħożżu l-inkarigu li għandna bħalissa fis-servizz taʼ Ġeħova, nistgħu nipproteġu l-ferħ li għandna. Terry, li ssemma qabel, jgħid, “Jien ikkonċentrajt fuq kull inkarigu li ngħatajt.” Meta jaħseb dwar ħajtu fis-servizz full-time, hu jgħid, “Għandi biss memorji mill-isbaħ u l-ebda dispjaċir.”
Aħna nkunu iktar ferħanin jekk naħsbu dwar x’jagħmel kwalunkwe inkarigu u responsabbiltà fis-servizz taʼ Ġeħova verament speċjali. Dan hu l-privileġġ li aħna “ħaddiema sħab m’Alla.” (1 Kor. 3:9) Oġġett prezzjuż se jibqaʼ sabiħ jekk dejjem nieħdu ħsiebu. Bl-istess mod, aħna se nibqgħu ferħanin jekk nibqgħu naħsbu dwar l-unur li għandna li naħdmu maʼ Ġeħova. Aħna mhux se nqabblu l-isforzi tagħna maʼ dawk t’oħrajn. U mhux se nqisu l-privileġġ tagħna bħala t’inqas valur minħabba l-privileġġi li għandu ħaddieħor.—Gal. 6:4.
IFFOKA FUQ DAK LI HU IMPORTANTI GĦAL ĠEĦOVA
Ġwanni setaʼ kien jaf li l-ministeru tiegħu ma kienx se jdum għal ħafna żmien, imma forsi ma rrealizzax kemm kien se jispiċċa ħabta u sabta. (Ġw. 3:30) Fis-sena 30, xi sitt xhur wara li għammed lil Ġesù, Ġwanni ġie mitfugħ il-ħabs mis-Sultan Erodi. Madankollu, Ġwanni għamel kulma setaʼ biex ikompli jagħti xhieda. (Mk. 6:17-20) X’kien se jgħinu jibqaʼ ferħan matul dawn il-bidliet? Hu baqaʼ ffokat fuq dak li hu importanti għal Ġeħova.
Waqt li kien il-ħabs, Ġwanni waslulu rapporti dwar it-tkabbir tal-ministeru taʼ Ġesù. (Mt. 11:2; Lq. 7:18) Hu kien konvint li Ġesù kien il-Messija imma setaʼ tħasseb kif dan kien se jwettaq kulma l-Iskrittura qalet dwaru. Peress li Ġwanni kien jaf li l-Messija kien se jsir sultan, hu setaʼ tħasseb jekk Ġesù kienx se jsir sultan dalwaqt. Setaʼ tħasseb ukoll jekk kienx se jeħilsu mill-ħabs. Ħerqan li jkollu fehma iktar ċara tal-irwol taʼ Ġesù, Ġwanni bagħat tnejn mid-dixxipli tiegħu biex jistaqsuh: “Int Dak li għandu jiġi jew għandna nistennew lil ħaddieħor?” (Lq. 7:19) Nistgħu nimmaġinaw kemm semaʼ b’attenzjoni hekk kif marru lura ħdejh u wasslulu dak li qalilhom Ġesù: “L-għomja qed jingħataw id-dawl, iz-zopop qed jimxu, l-imġiddmin qed jiġu mnaddfin u t-torox qed jisimgħu, il-mejtin qed jitqajmu, il-foqra qed tintqalilhom l-aħbar tajba.”—Lq. 7:20-22.
Ġwanni żgur li ssaħħaħ bir-rapport tagħhom. Dan ikkonferma li Ġesù kien qed iwettaq il-profeziji Messjaniċi. Għalkemm il-preżenza taʼ Ġesù ma kinitx se twassal għall-ħelsien mill-ħabs taʼ Ġwanni, Ġwanni kien jaf li l-ministeru tiegħu kien taʼ valur. Minkejja ċ-ċirkustanzi, kellu kull raġun ikun ferħan.
Aħna jistaʼ jibqaʼ jkollna l-ferħ billi niffokaw fuq rapporti tajbin dwar l-ippritkar tagħna madwar id-dinja
Jekk aħna niffokaw fuq li naqdu lil Ġeħova bħal Ġwanni, se nkunu nistgħu nissaportu bil-ferħ u l-paċenzja. (Kol. 1:9-11) Dan nistgħu nagħmluh billi naqraw il-Bibbja u nimmeditaw fuqha. B’hekk se niġu mfakkrin li x-xogħol tagħna fis-servizz t’Alla għandu valur. (1 Kor. 15:58) Sandra tgħid: “Li naqra kapitlu mill-Bibbja kuljum għenni nersaq eqreb taʼ Ġeħova. Jgħinni niffoka fuqu u mhux fuqi.” Meta niffokaw fuq rapporti dwar l-attività tas-Saltna, aħna nistgħu nieqfu naħsbu biss fuqna nfusna u nikkonċentraw fuq dak li Ġeħova qed iwettaq. “Il-programmi taʼ kull xahar fuq JW Broadcasting® jgħinuna nħossuna eqreb tal-organizzazzjoni,” tgħid Sandra, “u jgħinuna nibqgħu ferħanin fl-inkarigu tagħna.”
Matul il-ftit żmien li Ġwanni l-Battista pprietka, hu għamel dan “bl-ispirtu u l-qawwa t’Elija,” u bħal Elija, hu “kien raġel b’sentimenti bħal tagħna.” (Lq. 1:17; Ġak. 5:17) Jekk nimitaw l-eżempju tiegħu t’apprezzament u li baqaʼ ffokat fuq li jaqdi lil Ġeħova, anke aħna nistgħu nibqgħu ferħanin fis-servizz tagħna tas-Saltna, jiġri x’jiġri.