X’Tiftakar?
Qrajt sew il-ħarġiet taʼ It-Torri tal-Għassa taʼ din is-sena? Mela ara tistax twieġeb il-mistoqsijiet li ġejjin:
Kif għandna nittrattaw lill-Kristjani midlukin?
Aħna napprezzaw il-fidi tagħhom, imma ma nagħtuhomx attenzjoni żejda. Aħna nevitaw li ‘nammiraw individwi.’ (Ġuda 16) Aħna ma nistaqsuhomx mistoqsijiet personali dwar it-tama tagħhom.—w20.01, pp. 28-29.
Għala għandek tkun konvint li Ġeħova jinnotak personalment?
Il-Bibbja tgħid li hu nnotak qabel twelidt. U hu jismaʼ t-talb tiegħek. Hu jaf il-ħsibijiet tiegħek u dak li għandek f’qalbek. L-azzjonijiet tiegħek jaffettwaw is-sentimenti tiegħu. (1 Kron. 28:9; Prov. 27:11) Hu ġibdek lejh.—w20.02, p. 12.
Meta għandna nitkellmu u meta m’għandniex nitkellmu?
Aħna nieħdu pjaċir nitkellmu dwar Ġeħova. Aħna nitkellmu meta xi ħadd ikun qed jagħmel xi ħaġa ħażina. L-anzjani jitkellmu meta xi ħadd ikollu bżonn xi parir. Aħna m’għandniex nitkellmu biex insiru nafu (jew nagħtu) informazzjoni dwar ix-xogħol tagħna f’pajjiżi fejn mhux permess. Aħna ma nagħtux informazzjoni kunfidenzjali.—w20.03, pp. 20-21.
Il-ġurati f’Ġoel kapitlu 2 kif inhuma differenti minn dawk f’Rivelazzjoni kapitlu 9?
Ġoel 2:20-29 jgħid li Alla kien se jkeċċi lill-ġurati u jwiegħed li se jpatti għall-ħsara li għamlu. Wara dan, Alla kien se jferraʼ l-ispirtu tiegħu. Dawn il-ġrajjiet twettqu meta l-armata Babiloniża attakkat lil Iżrael u oħrajn seħħew iktar tard. Rivelazzjoni 9:1-11 xebbah il-ġurati mal-midlukin fi żmienna li qed jippritkaw il-messaġġ taʼ ġudizzju t’Alla f’din id-dinja ħażina, u dan iġiegħel lil dawk li jappoġġjaw lil din id-dinja jħossuhom skomdi ħafna.—w20.04, pp. 3-6.
Min hu s-sultan tat-tramuntana llum?
Ir-Russja u l-pajjiżi li jappoġġjawha. Huma attakkaw lin-nies t’Alla meta ma ħallewhomx jippritkaw u wrew li jobogħdu lix-Xhieda. Is-sultan tat-tramuntana jipprova jsir iktar b’saħħtu mis-sultan tan-nofsinhar.—w20.05, pp. 12-13.
“Il-frott taʼ l-ispirtu” jinkludi biss dawk il-kwalitajiet li jissemmew f’Galatin 5:22, 23?
Le. L-ispirtu qaddis jgħinna niżviluppaw kwalitajiet tajbin oħra, bħal ġustizzja. (Efes. 5:8, 9)—w20.06, p. 17.
X’jistaʼ jkun il-periklu meta nitfgħu affarijiet fuq is-social media?
Meta titfaʼ affarijiet fuq is-social media, tistaʼ tagħti l-impressjoni li qed tiftaħar, u li m’intix umli.—w20.07, pp. 6-7.
Il-Kristjani x’jistgħu jitgħallmu mis-sajjieda tas-sengħa?
Huma jaħdmu meta u fejn jaħsbu li se jsibu iktar ħut, jafu jużaw l-għodda addattata għas-sajd, u bil-kuraġġ jaħdmu f’kundizzjonijiet diffiċli. Aħna nistgħu nagħmlu l-istess fil-ministeru.—w20.09, p. 5.
X’inhuma xi modi li bihom nistgħu ngħinu l-istudenti tal-Bibbja jkabbru l-imħabba tagħhom għal Ġeħova?
Nistgħu ninkuraġġuhom jaqraw il-Bibbja kuljum, jimmeditaw fuq dak li jaqraw, u ngħallmuhom jitolbu.—w20.11, p. 4.
Min huma dawk li se “jingħataw il-ħajja fil-Kristu”?—1 Kor. 15:22.
L-appostlu Pawlu ma kienx qed jgħid li kien se jiġi rxoxtat kulħadd għall-ħajja fis-sema. Hu kien qed jirreferi għall-Kristjani midlukin, dawk li ‘tqaddsu f’unjoni maʼ Kristu Ġesù.’ (1 Kor. 1:2; 15:18)—w20.12, pp. 5-6.
Il-midlukin x’se jagħmlu wara li ‘jinbidlu f’mument, f’ħakka t’għajn, matul l-aħħar trumbetta’?—1 Kor. 15:51-53.
Huma se jsegwu lil Ġesù u ‘jirgħu lin-nies b’xettru tal-ħadid,’ jiġifieri, jeqirdu lill-ġnus. (Riv. 2:26, 27)—w20.12, pp. 12-13.