Tiftakar Int?

Sibt int il-​ħarġiet reċenti taʼ It-​Torri taʼ l-​Għassa taʼ valur prattiku għalik? Allura għala ma tittestjax il-​memorja tiegħek bil-​mistoqsijiet li ġejjin:

◻ Liema żewġ mistoqsijiet għenu lil ħafna Kristjani li ffaċċjaw deċiżjonijiet rigward l-​impjieg biex jieħdu deċiżjoni persunali?

L-​ewwel mistoqsija fundamentali hi: Huwa x-​xogħol sekulari nnifsu kundannat fil-​Bibbja? It-​tieni mistoqsija hi: Li wieħed jagħmel dan ix-​xogħol jagħmel lill-​individwu kompliċi fi prattika kundannata?​—4/15, paġna 28.

◻ ‘Il-​ħolqien uman’ b’liema mod ‘ġie mixħut taħt il-​frugħa’? (Rumani 8:20)

Aħna ‘ġejna mixħutin taħt il-​frugħa’ minħabba dak li għamlu l-​ġenituri oriġinali tagħna, Adam u Eva. Ma kienx ‘minn rajna’ jew b’riżultat taʼ xi għażla persunali individwali li ġara dan. Dan aħna writnieh. Billi wera ħniena magħhom, għalkemm issa setgħu jgħaddulhom biss l-​imperfezzjoni, id-​dnub, u l-​mewt, Jehovah xorta ħalliehom jipproduċu t-​tfal. Il-​mewt laħqet lill-​bnedmin kollha, u huwa f’dan is-​sens li Alla ‘xeħet il-​ħolqien taħt il-​frugħa.’​—5/1, paġna 5.

◻ Għala huwa loġiku li tgħid li l-​“profanazzjoni” se tkun ‘qegħda fil-​post imqaddes’ fil-​futur? (Mattew 24:15)

Fil-​mudell l-​antik, ‘il-​profanazzjoni u l-​ħerba fil-​post imqaddes’ kienu konnessi maʼ l-​attakk Ruman taħt il-​Ġeneral Gallu fis-​sena 66 E.K. Il-​parallel taʼ żmienna taʼ dak l-​attakk​—meta tfaqqaʼ t-​tribulazzjoni l-​kbira—​għadu ġej. (Mattew 24:21) Għalhekk, “il-​profanazzjoni” li ġġib il-​ħerba evidentement għad trid toqgħod f’post qaddis.​—5/1, paġni 16, 17.

◻ Kif jistgħu ġenituri li jaħdmu jsibu ħin għat-​tfal tagħhom?

L-​omm li tħossha għajjiena mejta wara ġurnata xogħol, tistaʼ tistaqsi lit-​tfal tagħha biex jgħinuha tħejji l-​ikel. Il-​missier b’lista twila daqsiex t’affarijiet li jkollu jagħmilhom fi tmiem il-​ġimgħa jistaʼ jagħmel xi ftit minn dan ix-​xogħol maʼ wliedu.​—5/15, paġna 6.

◻ Dawk li ‘jimxu fit-​triq taʼ Jehovah’ x’iridu jagħmlu? (Ġeremija 7:23)

Li nimxu fit-​triq taʼ Jehovah jirrikjedi lealtà​—determinazzjoni li naqdu lilu biss. Jirrikjedi fiduċja​—fidi sħiħa li l-​wegħdi taʼ Jehovah huma taʼ min joqgħod fuqhom u li dawn se jseħħu. Li nimxu fit-​triq taʼ Jehovah jirrikjedi ubbidjenza​—li nsegwu l-​liġijiet tiegħu mingħajr ma niżvijaw u nżommu l-​livelli għoljin tiegħu. (Salm 11:7)​—5/15, paġna 14.

◻ X’inhuma erbaʼ responsabbiltajiet importanti li d-​‘doni fi bnedmin’ jistgħu jwettqu? (Efesin 4:8)

Huma jistgħu jaġġustawna mill-​ġdid b’mod teneru, jibnuna bl-​imħabba, dejjem lesti li jippreservaw l-​unità tagħna, u jipproteġuna b’mod kuraġġuż. (Efesin 4:12-14)​—6/1, paġna 14.

◻ X’nistgħu nitgħallmu mis-​sħubija taʼ Pawlu maʼ xi mitt individwu msemmijin f’Atti u fl-​ittri tiegħu?

Għandna dejjem naħdmu maʼ l-​organizzazzjoni t’Alla, mal-​kongregazzjoni lokali tagħna, u maʼ l-​adoraturi sħabna. Għandna bżonn l-​għajnuna, l-​appoġġ, u l-​faraġ tagħhom kemm fil-​bnazzi u kemm fil-​maltemp.​—6/1, paġna 31.

◻ Liema linja taʼ raġunar maqsuma fi tlieta tistaʼ tuża biex tgħin lil oħrajn jaħsbu dwar il-​Ħallieq?

Il-​preċiżjoni li tidher fl-​univers bla tarf, l-​oriġini tal-​ħajja fuq l-​art, u l-​mod uniku kif bla dubju jaħdem il-​moħħ uman, bil-​kapaċitajiet varji tiegħu.​—6/15, paġna 18.

◻ Li nifhmu x’ifisser l-​isem persunali tal-​Ħallieq għaliex huwa tant importanti?

Isem Alla jissinjifika “Hu Jikkaġuna li Jsir” u jenfasizza li hu jifforma skop u jaġixxi fuqu. Billi nkunu nafu u nużaw ismu, aħna nistgħu napprezzaw aħjar li hu jwettaq il-​wegħdi li jagħmel u jwassal b’mod attiv l-​iskop tiegħu sat-​tmiem.​—6/15, paġna 21.

◻ X’jistaʼ jsir biex ninvolvu lit-​tfal fl-​istudju tal-​familja?

Fejn ikun possibbli, ara li kull wieħed mit-​tfal ikollu l-​Bibbja u l-​pubblikazzjoni li tkunu qed tistudjaw. Tistaʼ tistaqsi liċ-​ċkejken jispjega stampa li tidher fil-​materjal li jkun qed jiġi studjat, u tifel żgħir jistaʼ jiġi assenjat bil-​quddiem biex jaqra xi skrittura. Tifel akbar jistaʼ jiġi assenjat biex isemmi xi opportunitajiet fejn il-​materjal taʼ l-​istudju jistaʼ jiġi applikat b’mod prattiku.​—7/1, paġna 15.

◻ Bħala familja liema miri rigward il-​preparazzjoni għal-​laqgħat nistgħu naħdmu fuqhom?

(1) Kull wieħed fil-​familja jkun lest li jikkummenta fil-​laqgħat tal-​kongregazzjoni; (2) kull wieħed jaħdem biex il-​kummenti jagħmilhom fi kliemu stess; (3) ninkludu l-​iskritturi fil-​kummenti; u (4) nanalizzaw il-​materjal bil-​mira li napplikawh personalment.​—7/1, paġna 20.

◻ X’inhu l-​muftieħ għal żwieġ tajjeb?

Biex jiżvelaw u jesperjenzaw il-​ferħ prezzjuż taʼ żwieġ tajjeb, komunikazzjoni bnina hija xi ħaġa essenzjali. Din tinvolvi li taqsam sentimenti u ideat maʼ ħaddieħor. U komunikazzjoni bnina tinkludi affarijiet li huma edifikanti, rifreskanti, virtużi, li ħaqqhom it-​tifħir, u li jikkonslaw. (Efesin 4:29-32; Filippin 4:8)​—7/15, paġna 21.

◻ X’inhi ‘t-​triq’ taʼ Jehovah? (Salm 25:8, 9, 12)

Din it-​triq hija t-​triq taʼ l-​imħabba. Hija bbażata fuq li wieħed jagħmel dak li hu sewwa skond il-​livelli t’Alla. Il-​Bibbja ssejjaħ dan l-​applikar taʼ l-​imħabba bi prinċipju “triq li tgħaddihom.” (1 Korintin 12:31)​—8/1, paġna 12.