“Tafu b’Ismu lil Alla?”

DIN il-​mistoqsija qajmet l-​interess taʼ mara min-​naħa tal-​lbiċ taʼ l-​Asja Ċentrali. Il-​mistoqsija dehret fuq il-​qoxra tal-​ħarġa tar-​rivista Stenbaħ! tat-​8 taʼ Frar, 2004, li kienet takkumpanja din ir-​rivista. Il-​mara kitbet lill-​pubblikaturi: “Mill-​bidunett, jien bdejt ninteressa ruħi fil-​ġurnal tagħkom, u għenni biex niffoka fuq prinċipji morali tajbin. Il-​ħarsa tiegħi lejn il-​ħajja qed issir iktar pożittiva. Jien qed ngħid lil kulħadd dwar Alla tagħna u dwar il-​paċi li dan l-​għarfien iġib.”

F’ħafna postijiet, fil-​fatt “sa l-​iktar parti mbiegħda taʼ l-​art,” in-​nies qed isiru iktar familjari maʼ l-​isem divin, Ġeħova. (Atti 1:8) Per eżempju, dan l-​isem fil-​lingwa tat-​Turkmanija, Yehowa, jistaʼ faċilment jinstab fit-​traduzzjoni taʼ l-​Iskrittura Mqaddsa tat-​Turkmanija. Salmi 8:1 (NW) jaqra: “Ġeħova Mulej tagħna, kemm hu maestuż ismek fl-​art kollha!”

Sabiex titgħallem iktar dwar Alla Ġeħova, il-​mara staqsiet għal kopja tal-​browxer taʼ 32 paġna The Divine Name That Will Endure Forever (L-Isem Divin li Se Jibqaʼ għal Dejjem). Int ukoll tistaʼ tistaqsi għal dan il-​browxer mingħand wieħed mix-​Xhieda taʼ Ġeħova.