Il-Missjunarji Inkuraġġiti Biex Ikunu Bħal Ġeremija
Il-125 Gradwazzjoni Minn Gilegħad
“DIN il-klassi taʼ Gilegħad hi ġrajja storika importanti,” iddikjara Geoffrey Jackson tal-Ġemgħa li Tiggverna. Hu kien qed jindirizza lis-6,156 persuna li kienu qed jattendu l-gradwazzjoni tal-125 klassi taʼ l-Iskola taʼ Gilegħad (Watchtower Bible School of Gilead) fit-13 taʼ Settembru, 2008. Bis-56 gradwat minn din il-klassi, l-Iskola taʼ Gilegħad bagħtet iktar minn 8,000 missjunarju lejn “l-iktar parti mbiegħda taʼ l-art”!—Atti 1:8.
Ħuna Jackson, iċ-chairman tal-programm tal-gradwazzjoni, staqsa, “Il-kredibilità se ttejbu l-ministeru tiegħek?” Imbagħad hu semma erbaʼ affarijiet li jibnu l-kredibilità: li jkollok attitudni xierqa, li tagħti eżempju tajjeb, li tibbaża t-tagħlim tiegħek fis-sod fuq il-Kelma t’Alla, u li tiffoka fuq li tgħarraf isem Ġeħova.
David Schafer, li jaqdi mal-Kumitat tat-Tagħlim, iddiskuta s-suġġett “Se Tifhem Kollox Int?” Hu assigura lill-istudenti taʼ Gilegħad li jekk jibqgħu jfittxu lil Ġeħova u jirrikonoxxu umilment lill-“ilsir leali u għaqli,” huma se ‘jifhmu dak kollu’ li għandhom bżonn jifhmu biex jaqdu bħala missjunarji.—Prov. 28:5; Mt. 24:45.
Imbagħad, John E. Barr tal-Ġemgħa li Tiggverna tkellem fuq it-tema “Tħalli Xejn Jifirdek mill-Imħabba t’Alla.” Il-parir bħal dak taʼ missier mogħti minn Ħuna Barr serraħ moħħ il-gradwati u l-ġenituri tagħhom minn kwalunkwe biżaʼ li setaʼ kellhom dwar dak li l-missjunarji ġodda għandhom mnejn jiffaċċjaw fl-inkarigu tagħhom. “Li nkunu fl-imħabba t’Alla hu l-iktar post taʼ sigurtà u hena li nistgħu nkunu fih f’ħajjitna,” spjega hu. Xejn ma jistaʼ jifred lill-missjunarji mill-imħabba t’Alla sakemm ma jkunux huma stess li jinfirdu minnu.
Sam Roberson mid-Dipartiment taʼ l-Iskejjel Teokratiċi inkuraġġixxa lill-udjenza biex tilbes ‘l-aħjar libsa.’ Billi jistudjaw dak li għamel Ġesù u japplikawh għalihom infushom, il-gradwati jistgħu ‘jilbsu l-Mulej Ġesù Kristu.’ (Rum. 13:14) Imbagħad William Samuelson, l-indokratur tad-Dipartiment taʼ l-Iskejjel Teokratiċi, ġibed l-attenzjoni lejn dak li lil individwu jagħmlu onorabbli. M’hijiex il-ħarsa tal-bniedem imma l-ħarsa t’Alla li lil dak li jkun tagħmlu onorabbli.
Michael Burnett, għalliem ieħor, intervista lill-istudenti rigward l-esperjenzi tagħhom fis-servizz taʼ l-għalqa. Għalkemm ħafna mill-istudenti ġew inkarigati biex jaħdmu f’territorju li jinħadem spiss waqt li kienu qed jattendu l-Iskola taʼ Gilegħad f’Patterson, New York, huma sabu wħud interessati. Gerald Grizzle mill-Uffiċċju tal-Konvenzjoni intervista lil tliet aħwa li attendew l-Iskola għall-Membri tal-Kumitati tal-Fergħa. Il-kummenti tagħhom għenu biex jippreparaw lill-gradwati taʼ Gilegħad għal dak li hemm jistenniehom fl-inkarigi tagħhom f’pajjiżi barranin.
Ġer. 1:7, 8) Alla se jagħmel l-istess mal-missjunarji ġodda. “Jekk għandek problema maʼ xi ħadd,” qal Ħuna Splane, “poġġi bil-qiegħda u ikteb għaxar kwalitajiet tajbin li int tant tħobb f’dik il-persuna. U jekk ma tistax tgħodd għaxra, mela jfisser li lil dik il-persuna ma tafhiex sew.”
It-taħdita “Kun Bħal Ġeremija” ngħatat minn David Splane tal-Ġemgħa li Tiggverna, li ggradwa mit-42 klassi. Għalkemm Ġeremija kien imbeżżaʼ minħabba l-inkarigu tiegħu, Ġeħova saħħu. (Ġeremija kien lest li jagħmel sagrifiċċji. Meta ried jieqaf, hu talab, u Ġeħova kien miegħu. (Ġer. 20:11) “Meta tħossok skuraġġit,” wissa Ħuna Splane, “tkellem maʼ Ġeħova. Se tibqaʼ mistagħġeb kif jgħinek Ġeħova.”
Fil-konklużjoni tal-programm tal-gradwazzjoni, iċ-chairman fakkar lill-udjenza li l-gradwati tgħallmu diversi modi kif jibnu l-kredibilità tagħhom. Hekk kif huma jagħtu xiehda fl-inkarigi tagħhom, il-kredibilità tagħhom se ttejjeb ix-xiehda tagħhom.—Is. 43:8-12.
[Kaxxa f’paġna 22]
STATISTIKI TAL-KLASSI
Numru taʼ pajjiżi rappreżentati: 6
Numru taʼ pajjiżi li ġew assenjati fihom: 21
Numru taʼ studenti: 56
Età medja: 32.9
Medja taʼ snin fil-verità: 17.4
Medja taʼ snin fil-ministeru full-time: 13
[Stampa f’paġna 23]
Il-125 Klassi li Ggradwat mill-Iskola taʼ Gilegħad
Fil-lista t’hawn taħt, ir-ringieli huma nnumerati minn quddiem għal wara, u l-ismijiet f’kull ringiela huma mniżżlin mix-xellug għal-lemin.
(1) Hodgson, A.; Wall, A.; Beerens, K.; Hortelano, M.; Newman, L.; De Caso, A. (2) Jenkins, J.; Jarzemski, T.; Méndez, N.; Corona, V.; Canalita, L. (3) Fryer, H.; Savage, M.; Tidwell, K.; Erickson, N.; Dyck, E.; McBeath, R. (4) Perez, L.; Puse, L.; Skidmore, A.; Young, B.; McBride, N.; Rondón, P.; Goodman, E. (5) Beerens, M.; Ferguson, J.; Pearson, N.; Chapman, L.; Wardle, J.; Canalita, M. (6) Perez, P.; De Caso, D.; Young, T.; Rondón, D.; Goodman, G.; Jenkins, M.; Dyck, G. (7) Corona, M.; Wall, R.; Puse, S.; Méndez, F.; Jarzemski, S.; Savage, T. (8) Newman, C.; Ferguson, D.; Skidmore, D.; Erickson, T.; McBride, J.; Pearson, M.; Chapman, M. (9) Hodgson, K.; Wardle, A.; McBeath, A.; Tidwell, T.; Fryer, J.; Hortelano, J.