Kif Tkampa mat-Tradiment fiż-Żwieġ
Kif Tkampa mat-Tradiment fiż-Żwieġ
MARGARITA u żewġha, Raúl, kienu qdew lil Ġeħova flimkien bħala ministri full-time għal ħafna snin. a Imma ftit wara t-twelid tal-ewwel tarbija tagħhom, Raúl beda jitbiegħed minn Ġeħova. Eventwalment, Raúl beda jgħix ħajja immorali u ġie maqtugħ mis-sħubija tal-kongregazzjoni Kristjana. “Meta ġara dan kollu,” tgħid Margarita, “ħassejtni se mmut. Kelli qalbi maqsuma, u ma kontx naf x’se naqbad nagħmel.”
Ftit wara li Jane żżewġet, żewġha ttradieha b’manjiera differenti billi abbuża mill-fiduċja u mill-affezzjoni tagħha. Hu beda jabbużaha fiżikament. “L-ewwel darba li tani daqqa taʼ ponn,” tgħid Jane, “bqajt imbellha, ħassejtni imbarazzata u umiljata. Kienet saret drawwa li jabbużani fiżikament u mbagħad jitlobni bil-ħrara biex naħfirlu. Kont naħseb li kien l-obbligu Kristjan tiegħi li naħfer u ninsa dejjem. Kont naħseb ukoll li ma kontx inkun leali jekk insemmi l-problema tagħna maʼ xi ħadd—saħansitra mal-anzjani fil-kongregazzjoni tagħna. Din id-drawwa taʼ abbuż u maħfra baqgħet sejra snin sħaħ. Sadanittant, ħsibt li bilfors li kien hemm xi ħaġa li stajt nagħmel biex żewġi jsir iħobbni. Meta fl-aħħar nett telaq lili u lil bintna, ħassejtni li kont fallejt u li messni għamilt jew għedt iktar biex iż-żwieġ inżommu magħqud.”
2 Tim. 3:1-5) Il-Kristjani veri mhumiex meħlusin minn dawn il-problemi; għalhekk, x’jistaʼ jgħinek tkampa jekk ġejt tradut?
Bħal Margarita u Jane, forsi int qed issofri emozzjonalment, finanzjarjament, u spiritwalment għaliex żewġek ittradiek. Jew forsi int raġel miżżewweġ li qed tesperjenza qsim il-qalb u tbatija għaliex martek ma baqgħetx leali lejk. Ħadd ma jistaʼ jiċħad li qed ngħixu fi “żminijiet kritiċi li diffiċli biex issib tarfhom,” bħalma bassret il-Bibbja. Din il-profezija tindika li matul “l-aħħar jiem,” il-familji kellhom jiġu attakkati, u l-imħabba naturali kellha tkun nieqsa għalkollox f’ħafna każi. Xi wħud li jsostnu li jaqdu lil Alla ma jurux dan bil-fatti. (Ara Lilek Innifsek Kif Jarak Ġeħova
Għall-ewwel, forsi ma tkunx tistaʼ temmen li xi ħadd li tħobb setaʼ weġġgħek daqshekk. Għandek mnejn tibda twaħħal fik innifsek għall-kondotta midinba tiegħu jew tagħha.
Iżda, ftakar li anki l-bniedem perfett Ġesù ġie tradut minn xi ħadd li fada u ħabb. Ġesù għażel l-imseħbin l-iktar mill-qrib tiegħu, l-appostli, wara li ħaseb u talab dwar il-kwistjoni b’attenzjoni kbira. It-12 li huma, dak iż-żmien, kienu qaddejja taʼ Ġeħova taʼ min jafdahom. Għalhekk, Ġesù bla dubju kien imnikket ferm meta Ġuda “sar traditur.” (Lq. 6:12-16) Madankollu, Ġeħova ma żammx lil Ġesù responsabbli għall-aġir taʼ Ġuda.
Huwa minnu li fil-preżent ebda sieħeb fiż-żwieġ mhu perfett. Iż-żewġ imseħbin se jagħmlu l-iżbalji. Salmista mnebbaħ kiteb b’mod realistiku: “Kieku int toqgħod għassa għall-iżbalji, O Jah, O Ġeħova, min jistaʼ jżomm wieqaf?” (Salm 130:3) Biex jimitaw lil Ġeħova, iż-żewġ imseħbin għandhom ikunu lesti li jaħfru l-imperfezzjonijiet taʼ xulxin.—1 Pt. 4:8.
Madankollu, “kull wieħed minna se jagħti kont tiegħu nnifsu lil Alla.” (Rum. 14:12) Jekk xi ħadd fiż-żwieġ jiħodha drawwa li juża diskors abbużiv jew jagħmel azzjonijiet abbużivi, hu l-imsieħeb ħati li jrid iwieġeb quddiem Ġeħova. Ġeħova jikkundanna l-vjolenza u d-diskors abbużiv, u għalhekk qatt m’hemm raġuni leġittima biex wieħed jittratta lis-sieħba tiegħu b’nuqqas daqstant kbir taʼ mħabba u rispett. (Salm 11:5; Efes. 5:33; Kol. 3:6-8) Fil-fatt, jekk Kristjan ripetutament u bla ndiema jċedi għall-għadab u ma jinbidilx, hu jrid jiġi maqtugħ mis-sħubija tal-kongregazzjoni Kristjana. (Gal. 5:19-21; 2 Ġw. 9, 10) Sieħeb jew sieħba fiż-żwieġ m’għandhiex għalfejn tħossha ħatja jekk tirrapporta kondotta mhix Kristjana bħal din lill-anzjani. Tabilħaqq, Ġeħova jagħder lill-vittmi taʼ trattament ħażin bħal dan.
Meta sieħeb fiż-żwieġ jikkommetti adulterju, hu ma jidnibx biss kontra l-parti innoċenti imma wkoll kontra Ġeħova. (Mt. 19:4-9; Ebr. 13:4) Jekk il-parti innoċenti kienet qed tagħmel ħilitha biex tgħix fi qbil mal-prinċipji Bibliċi, m’għandhiex għalfejn tħossha ħatja minħabba t-tradiment midneb tal-adulteru.
Ftakar li Ġeħova jaf kif tħossok. Hu jiddeskrivi lilu nnifsu bħala s-sid bħal raġel miżżewweġ tal-ġens taʼ Israel, u l-Kelma tiegħu fiha ħafna siltiet kommoventi li juru n-niket li sofra minħabba l-azzjonijiet adulterużi spiritwalment taʼ dak il-ġens. (Is. 54:5, 6; Ġer. 3:1, 6-10) Kun ċert li Ġeħova hu konxju sew tad-dmugħ li xxerred jekk is-sieħeb jew is-sieħba tiegħek fiż-żwieġ tittradik b’xi mod. (Mal. 2:13, 14) Hu jaf li għandek bżonn il-faraġ u l-inkuraġġiment.
Kif Ġeħova Jipprovdi l-Faraġ
Mod wieħed kif Ġeħova jipprovdi l-faraġ hu permezz tal-kongregazzjoni Kristjana. Jane rċiviet appoġġ bħal dan. “Iż-żjara tal-indokratur tas-circuit ġiet fi żmien meta kont batuta ħafna emozzjonalment,” tiftakar Jane. “Hu kien jaf kemm kont dipressa minħabba li żewġi talab id-divorzju. Ħa l-ħin biex 1 Korintin 7:15. Il-versi Bibliċi u l-kummenti b’qalb tajba tiegħu għenuni neħles mis-sentimenti taʼ ħtija u tawni ftit paċi tal-moħħ.” b
jgħinni nirraġuna fuq skritturi bħall-Margarita, li ssemmiet qabel, ukoll saret taf li Ġeħova jipprovdi għajnuna prattika permezz tal-kongregazzjoni Kristjana. “Meta sar ovvju li żewġi ma riedx jindem,” tgħid Margarita, “qbadt lil uliedi u mort noqgħod f’belt oħra. Malli wasalt, irnexxieli nsib żewġ kmamar biex nikrihom. L-għada, imdejqa għall-aħħar, kont qed noħroġ l-affarijiet tagħna mill-bagalji meta xi ħadd ħabbatli fuq il-bieb. Ħsibt li kienet sidt il-kera, li kienet toqgħod bieb maʼ bieb miegħi. Ħaġa tal-iskantament, kienet l-oħt li kienet ikkonduċiet l-istudju tal-Bibbja ma’ ommi u kienet għenet lill-familja tagħna titgħallem il-verità. Ma kinitx qed tistenna li tarani, imma kienet ġiet f’din id-dar għaliex kienet qed tistudja l-Bibbja maʼ sidt il-kera. Ħassejt serħan kbir—ma stajtx nikkontrolla l-emozzjonijiet tiegħi. Spjegajtilha s-sitwazzjoni li kont fiha u bkejna flimkien. Minnufih irranġatilna biex immorru l-laqgħa dakinhar stess. Il-kongregazzjoni laqgħetna, u l-anzjani għamlu arranġamenti prattiċi biex jgħinuni nieħu ħsieb il-bżonnijiet spiritwali tal-familja tiegħi.”
Kif Oħrajn Jistgħu Jgħinu
Tabilħaqq, membri tal-kongregazzjoni Kristjana jistgħu jipprovdu appoġġ prattiku b’ħafna modi. Pereżempju, Margarita issa kellha ssib impjieg. Familja fil-kongregazzjoni offritilha li tieħu ħsieb it-tfal tagħha wara l-iskola meta kien hemm bżonn.
“Dak li napprezza tassew,” tirrakkonta Margarita, “hu meta l-aħwa joffru biex jien u wliedi mmorru magħhom fil-ministeru tal-għalqa.” B’għajnuna prattika bħal din, il-membri tal-kongregazzjoni jkunu qed jgħinu biex ‘iġorru t-toqol taʼ xulxin’ u meta jagħmlu hekk ikunu qed iwettqu “l-liġi tal-Kristu.”—Gal. 6:2.
Dawk li qed isofru minħabba d-dnubiet taʼ oħrajn japprezzaw verament dan it-tip taʼ għajnuna prattika. Monique, li żewġha abbandunaha u ħallieha b’dejn taʼ 10,000 ewro u erbat itfal xi trabbi, tgħid: “Ħuti spiritwali wrewni mħabba kbira. Ma nistax nimmaġina kif kont inkampa mingħajr l-appoġġ tagħhom. Inħoss li Ġeħova pprovda aħwa mill-aħjar, li taw minnhom infushom għal uliedi. Kelli l-pjaċir nara lil uliedi jikbru għal maturità spiritwali b’għajnuna bħal din. Meta kelli Mk. 10:29, 30.
bżonn xi parir, l-anzjani għenuni. Meta kelli bżonn niftaħ qalbi maʼ xi ħadd, huma tawni widen.”—M’għandniex xi ngħidu, ħabib li jħobb ikun jaf meta jkun aħjar li ma jsemmix l-esperjenza kerha taʼ ħaddieħor. (Ekk. 3:7) “Il-biċċa l-kbira mill-ħin,” tgħid Margarita, “kont nieħu pjaċir nitkellem mal-aħwa nisa fil-kongregazzjoni l-ġdida tiegħi dwar ix-xogħol tal-ippritkar, l-istudji tal-Bibbja tagħna, u wliedna—kollox minbarra l-problemi tiegħi. Apprezzajt li ħallewni nħalli warajja l-imgħoddi u għenuni nibda mill-ġdid.”
Irreżisti x-Xewqa li Tpattiha
Kultant, minflok li b’xi mod tħossok responsabbli għad-dnubiet tas-sieħeb tiegħek, għandek mnejn tħoss riżentiment minħabba l-fatt li qed issofri ħafna b’riżultat tal-iżbalji tiegħu. Jekk tħallih jikber, dan ir-riżentiment jistaʼ jdgħajjef id-determinazzjoni tiegħek li tibqaʼ leali lejn Ġeħova. Pereżempju, tistaʼ tiġi mħajra tfittex modi ħalli tpattiha lis-sieħeb żleali tiegħek.
Jekk tirrealizza li sentimenti bħal dawn qed jinġemgħu ġo fik tistaʼ tirrifletti dwar l-eżempju taʼ Ġożwè u Kaleb. Dawn l-irġiel leali ssograw ħajjithom biex jitkixxfu l-Art Imwiegħda. L-ispiji l-oħrajn kienu neqsin mill-fidi u biegħdu lin-nies milli jobdu lil Ġeħova. Xi wħud mill-Israelin saħansitra riedu jħaġġru lil Ġożwè u lil Kaleb meta dawn ipprovaw jinkuraġġixxu lill-ġens biex jibqaʼ leali. (Num. 13:25–14:10) Minħabba l-aġir taʼ Israel, Ġożwè u Kaleb kellhom jiġġerrew fix-xagħri għal 40 sena, mhux għall-iżball tagħhom stess, imma għall-iżball taʼ ħaddieħor.
Għalkemm Ġożwè u Kaleb x’aktarx li ħassewhom diżappuntati, ma mtlewx bl-imrar minħabba d-dnubiet taʼ ħuthom. Huma ffokaw fuq li jżommu l-bilanċ spiritwali tagħhom stess. Fi tmiem l-40 sena fix-xagħri, huma, flimkien mal-Leviti, ġew premjati billi kienu dawk li tħallew ħajjin minn dik il-ġenerazzjoni u billi tħallew jidħlu fl-Art Imwiegħda.—Num. 14:28-30; Ġoż. 14:6-12.
L-azzjonijiet tas-sieħeb żleali tiegħek jistgħu jġegħluk issofri għal xi żmien. Iż-żwieġ għandu mnejn jispiċċa, u madankollu int tistaʼ tbati emozzjonalment u finanzjarjament wara. Madankollu, minflok ma tħalli ħsibijiet skuraġġanti jegħlbuk, ftakar li Ġeħova jaf l-aħjar kif jittratta lil dawk li apposta jinjoraw il-livelli tiegħu, saħansitra kif skoprew l-Israelin bla fidi fix-xagħri.—Ebr. 10:30, 31; 13:4.
Int Tistaʼ Tkampa!
Minflok ma tħalli ħsibijiet negattivi jtaqqluk, imla moħħok bil-ħsibijiet taʼ Ġeħova. “Jien sibt li meta qgħadt nismaʼ It-Torri tal-Għassa u Stenbaħ! rekordjati fuq kasett ġejt megħjuna biex inkampa,” tgħid Jane. “Il-laqgħat kienu wkoll sors kbir taʼ saħħa. Il-fatt li kelli sehem attiv fil-laqgħat għenni biex ma naħsibx dwar il-problemi tiegħi. Ix-xogħol tal-ippritkar għenni bl-istess mod. Billi għent lil oħrajn jibnu l-fidi f’Ġeħova saħħaħt il-fidi tiegħi stess. U li ħadt ħsieb l-istudenti tal-Bibbja għenni niffoka fuq l-affarijiet iktar importanti.”
Monique, li ssemmiet qabel, tgħid: “Billi nattendi għal-laqgħat regolarment u billi nipparteċipa kemm nistaʼ fis-servizz tal-għalqa stajt nissaporti. Il-membri tal-familja tiegħi resqu iktar qrib lejn xulxin u lejn il-kongregazzjoni. Dak li għaddejt minnu għenni nirrikonoxxi d-dgħufijiet tiegħi. Għaddejt minn prova, imma bl-għajnuna taʼ Ġeħova nistaʼ nkampa.”
Int ukoll tistaʼ tkampa maʼ provi simili. Minkejja l-uġigħ kaġunat minn tradiment, stinka biex issegwi l-parir imnebbaħ taʼ Pawlu: “Ħa ma niqfux nagħmlu dak li hu tajjeb, għax meta jasal iż-żmien naħsdu jekk ma negħjewx.”—Gal. 6:9.
[Noti taʼ taħt]
a Xi ismijiet ġew mibdulin.
b Għal diskussjoni dettaljata dwar il-ħarsa tal-Bibbja lejn is-separazzjoni u d-divorzju, ara l-ktieb “Żommu Ruħkom fl-Imħabba t’Alla,” paġni 125-130, 219-221.
[Stampa f’paġna 31]
Imseħbin fiż-żwieġ abbandunati japprezzaw lil dawk li jgħinuhom fil-ministeru tal-għalqa