Għin liż-Żgħar Isiru Familjari mal- Organizzazzjoni taʼ Ġeħova
Għin liż-Żgħar Isiru Familjari mal- Organizzazzjoni taʼ Ġeħova
IT-TFAL ikunu jridu jitgħallmu. Immaġina l-mistoqsijiet li t-tfal Iżraelin fl-Eġittu setgħu staqsew fil-lejl tal-ewwel Qbiż: ‘Għala kellu jmut il-ħaruf?’ ‘Għala l-pa qed jagħmel id-demm mal-koxox tal-bieb?’ ‘Fejn sejrin?’ Il-fatt li Ġeħova laqaʼ mistoqsijiet bħal dawn huwa evidenti minn dak li kkmanda lill-missirijiet Iżraelin. Rigward osservanzi tal-Qbiż tal-futur, Ġeħova qalilhom: “Meta wliedkom jgħidulkom, ‘Xi jfisser għalikom dan l-att taʼ qima?’ imbagħad tridu tgħidulhom, ‘Huwa s-sagrifiċċju tal-Qbiż lil Ġeħova, li qabeż id-djar taʼ wlied Israel fl-Eġittu meta kkastiga lill-Eġizzjani, imma ħeles lil djarna.’” (Eżo. 12:24-27) Iktar tard, Ġeħova fakkar lill-ġenituri Iżraelin dwar l-importanza taʼ li jwieġbu l-mistoqsijiet taʼ wliedhom dwar “ir-regolamenti u d-deċiżjonijiet ġudizzjarji” li Ġeħova kien ikkmanda.—Dt. 6:20-25.
B’mod ċar, Ġeħova ried li t-tfal ikunu
jistgħu jsibu tweġibiet sodisfaċenti għall-mistoqsijiet tagħhom dwar il-qima vera—tweġibiet li jimmotivawhom biex iħobbu lil Ġeħova bħala l-Alla u s-Salvatur tagħhom. Illum, Ġeħova jixtieq l-istess għaż-żgħar tagħna. Mod wieħed kif il-ġenituri jistgħu jnaqqxu f’uliedhom imħabba sinċiera għal Alla u l-poplu tiegħu hu billi jgħinuhom isiru familjari mal-organizzazzjoni taʼ Ġeħova u jifhmu kif jistgħu jibbenefikaw mill-arranġamenti tagħha. Allura ejja nikkunsidraw xi modi kif it-tfal jistgħu jiġu megħjunin jitgħallmu iktar dettalji dwar l-organizzazzjoni t’Alla.Il-Kongregazzjoni Lokali
Hemm bżonn li ż-żgħar isiru jafu lill-kongregazzjoni fejn tassoċja l-familja tagħkom. Biex twettqu dan, intom bħala ġenituri tridu tieħdu lil uliedkom magħkom għal-laqgħat Kristjani kollha. B’dan il-mod, issegwu l-eżempju li Ġeħova ta lill-Iżraelin, li kienu kmandati: “Laqqaʼ l-poplu, l-irġiel, in-nisa, iċ-ċkejknin . . . , sabiex jisimgħu u sabiex jitgħallmu, għax iridu jibżgħu minn Ġeħova Alla tagħkom u joqogħdu attenti li jwettqu l-kliem kollu taʼ din il-liġi. U wliedhom li m’għandhomx għarfien għandhom jisimgħu, u jitgħallmu jibżgħu minn Ġeħova Alla tagħkom.”—Dt. 31:12, 13.
Miċ-ċokon, it-tfal jistgħu jibdew jitgħallmu dwar il-Kelma taʼ Ġeħova. L-appostlu Pawlu qal dwar Timotju: “Minn mindu kont tarbija ilek taf il-kitba qaddisa.” (2 Tim. 3:15) Waqt il-laqgħat fis-Sala tas-Saltna, anki tfal żgħar ħafna jibdew jifhmu l-informazzjoni preżentata u jsiru midħla tal-għanjiet tas-Saltna. Hemmhekk, jitgħallmu jużaw u jirrispettaw il-Bibbja u l-letteratura bbażata fuq il-Bibbja. Iktar minn hekk, fil-laqgħat tagħna se jħossu l-kwalità li tidentifika s-segwaċi veri taʼ Kristu—l-imħabba ġenwina. Ġesù qal: “Qed nagħtikom kmandament ġdid, li tħobbu lil xulxin; bħalma ħabbejtkom jien, ħobbu intom ukoll lil xulxin. B’dan ikun jaf kulħadd li intom dixxipli tiegħi, jekk ikollkom l-imħabba bejnietkom.” (Ġw. 13:34, 35) L-imħabba mill-qalb u s-sigurtà ġenwina li huma evidenti fis-Sala tas-Saltna se jattiraw lit-tfal u jgħinuhom jagħmlu l-attendenza għal-laqgħat Kristjani parti permanenti minn ħajjithom.
Meta tagħmluha drawwa biex taslu kmieni fis-Sala tas-Saltna u biex tibqgħu ftit ħin wara li l-laqgħa tispiċċa, it-tfal tiegħek se jkollhom opportunità biex jagħmlu ħbieb. Minflok ma tħallihom jassoċjaw maʼ tfal oħrajn biss, għala ma tintroduċihomx m’aħwa taʼ kull età? Jekk isiru jafu lil dawk akbar fl-età, iż-żgħar tiegħek se jiskopru li dawk akbar fl-età kellhom ħafna esperjenzi mill-isbaħ u li għandhom għarfien. Sewwasew bħalma Żakkarija tal-qedem, ‘li kien jgħallem il-biżaʼ tal-Alla l-veru,’ kellu influwenza tajba fuq iż-żagħżugħ Użżija, sultan taʼ Ġuda, hekk ukoll dawk li llum b’lealtà qdew lil Ġeħova għal ħafna snin għandhom influwenza tajba fuq iż-żgħar. (2 Kron. 26:1, 4, 5) Waqt li tkunu fis-Sala tas-Saltna, tistgħu tispjegaw ukoll lil uliedkom kif tintuża l-librerija, in-notice board, u aspetti oħrajn.
L-Organizzazzjoni Madwar id-Dinja
Jeħtieġ li t-tfal jifhmu li l-kongregazzjoni lokali hija parti minn organizzazzjoni madwar id-dinja taʼ iktar minn 100,000 kongregazzjoni. Fissrulhom l-aspetti taʼ din l-organizzazzjoni, kif taħdem, u x’inhu l-irwol tat-tfal f’li jappoġġaw ix-xogħol tagħha. Uruhom għala intom tħarsu ’l quddiem għall-assembleat tas-circuit, il-konvenzjonijiet distrettwali, u ż-żjajjar tal-indokratur tas-circuit.—Ara l-kaxxa “Suġġetti Biex Tikkunsidrawhom Matul il-Qima tal-Familja,” f’paġna 28.
Meta jkollkom l-opportunità, stiednu indokraturi li jivvjaġġaw, missjunarji, membri tal-familja Betel, u oħrajn li jaqdu bħala ministri full-time għal xi ikla f’darkom. Taħsbux li huma m’għandhomx ħin għat-tfal. Dawn il-qaddejja full-time qed jagħmlu ħilithom biex jimitaw lil Ġesù, li dejjem laqaʼ lit-tfal u tkellem magħhom. (Mk. 10:13-16) Il-fatt li jisimgħu lil qaddejja taʼ Ġeħova bħal dawn jirrakkontaw esperjenzi u jaraw il-ferħ tagħhom fis-servizz sagru, uliedkom ukoll għandhom mnejn jagħmlu l-ministeru full-time l-mira tagħhom.
X’tistgħu tagħmlu iktar bħala familja biex tgħinu lil uliedkom isiru iktar familjari mal-organizzazzjoni taʼ Ġeħova? Hawnhekk hawn xi suġġerimenti: Bħala familja agħmlu proġett biex tikkunsidraw il-ktieb Jehovah’s Witnesses—Proclaimers of God’s Kingdom. Enfasizza d-devozzjoni, l-umiltà, u l-lealtà li wrew il-qaddejja taʼ Ġeħova. Uruhom kif Ġeħova użahom biex jaqsmu l-aħbar tajba mad-dinja kollha. Użaw il-vidjos magħmulin mill-organizzazzjoni taʼ Ġeħova biex tgħallmu lezzjonijiet importanti mill-passat u mill-preżent. Jekk tistgħu, żuru l-uffiċċju tal-fergħa u d-dar taʼ Betel f’pajjiżkom jew forsi anki f’pajjiżi oħrajn. Żjajjar bħal dawn se jgħinu lil uliedkom jifhmu l-importanza taʼ kif l-organizzazzjoni taʼ Ġeħova fuq l-art, taħt id-direzzjoni tal-klassi tal-ilsir leali, hija organizzata biex tipprovdi ikel u gwida spiritwali għall-aħwa madwar id-dinja, sewwasew bħalma għamlet fl-ewwel seklu E.K.—Mt. 24:45-47; Atti 15:22-31.
Adattaw l-Informazzjoni Għal Kull Wieħed mit-Tfal
Meta tgħallmu lil uliedkom, żommu f’moħħkom il-mod kif Ġesù istruwixxa lill-appostli tiegħu. Darba qalilhom: “Għad Ġw. 16:12) Ġesù ma bbombardjax lid-dixxipli tiegħu bl-informazzjoni. Minflok, bil-mod il-mod għallimhom veritajiet importanti ħalli jkunu jistgħu jifhmuhom b’mod xieraq. Bl-istess mod, tibbombardjawx lil uliedkom. Billi tgħallmuhom regolarment u pass pass rigward l-organizzazzjoni taʼ Ġeħova, se tkomplu tqanqlu l-interess tagħhom u se tgħinuhom jieħdu gost jitgħallmu dwar il-kongregazzjoni Kristjana. Hekk kif il-bżonnijiet taʼ wliedkom jinbidlu, tistgħu tirripetu u żżidu maʼ dak li jkunu diġà tgħallmu.
għandi ħafna x’ngħidilkom, imma fil-preżent ma tifilħux għalih.” (Il-kongregazzjoni Kristjana hija fortifikazzjoni taʼ saħħa spiritwali, u ż-żgħar li b’mod żeluż jieħdu sehem fl-attivitajiet tagħha huma armati aħjar biex jirreżistu l-influwenza tad-dinja taʼ Satana. (Rum. 12:2) Aħna fiduċjużi li intom se ssibu ferħ kbir f’li tgħinu lil uliedkom isiru familjari mal-organizzazzjoni taʼ Ġeħova. Bil-barka tiegħu, jalla jibqgħu marbutin b’mod leali magħha u mal-Alla taʼ mħabba li naqdu.
[Kaxxa/Stampi f’paġna 28]
Suġġetti Biex Tikkunsidrawhom Matul il-Qima tal-Familja
Hawnhekk se ssibu xi suġġetti relatati mal-organizzazzjoni taʼ Ġeħova li tistgħu tikkunsidrawhom matul il-lejla tal-Qima tal-Familja tagħkom.
▪ Irrivedu l-istorja tal-kongregazzjoni lokali. Meta u kif ġiet ifformata? Il-kongregazzjoni liema Swali tas-Saltna differenti użat? Għal din id-diskussjoni, għala ma tistidnux f’darkom membru li ilu jaqdi fil-kongregazzjoni biex iwieġeb il-mistoqsijiet taʼ wliedkom?
▪ Spjegaw l-iskop tal-laqgħat tal-kongregazzjoni u tal-laqgħat akbar differenti u kif it-tfal jistgħu jibbenefikaw minnhom.
▪ Ikkunsidraw l-iskop tad-diversi skejjel stabbiliti mill-organizzazzjoni taʼ Ġeħova. Irrakkontaw esperjenzi li juru r-riżultati tajbin li l-gradwati taʼ dawn l-iskejjel qed ikollhom.
▪ Għinu liż-żgħar jaraw l-importanza taʼ li jsiru pubblikaturi regulari tal-aħbar tajba. Uruhom kif jistaʼ jkollhom sehem fir-rapport taʼ madwar id-dinja pubblikat fil-Ministeru tas-Saltna taʼ Frar u fil-Yearbook of Jehovah’s Witnesses.
▪ Ikkunsidraw il-forom differenti tas-servizz full-time li huma disponibbli għaż-żgħażagħ fl-organizzazzjoni taʼ Ġeħova. Kapitlu 10 tal-ktieb Organizzati biex Nagħmlu r-Rieda taʼ Ġeħova huwa sors tajjeb t’informazzjoni.
▪ Għinu liż-żgħar jifhmu għala nsegwu ċerti proċeduri fil-kongregazzjoni. Fissru għala m’għandhomx jaġixxu b’mod indipendenti mill-organizzazzjoni taʼ Ġeħova, anki f’affarijiet żgħar. Uruhom kif huma jistgħu jikkontribwixxu f’li jżommu l-ordni fil-kongregazzjoni billi jsegwu d-direzzjoni tal-anzjani.
[Stampa]
It-tfal tiegħek se jibbenefikaw milli jagħmlu ħbieb maʼ wħud li ilhom fil-verità
[Stampi f’paġna 26]
Bħal f’Iżrael tal-qedem, il-ġenituri llum jagħmlu ħilithom biex jagħtu tweġibiet sodisfaċenti meta jiġu mistoqsijin dwar l-organizzazzjoni taʼ Ġeħova