KIENET is-​sena 49 E.K. Pietru, Ġakbu, u Ġwanni—“li kienu jidhru li huma kolonni”—taw inkarigu lill-​appostlu Pawlu u lill-​ħaddiem sieħbu Barnaba. Dawn kellhom iżommu f’moħħhom lill-​Kristjani foqra waqt li jippritkaw lill-​ġnus. (Gal. 2:9, 10) Kif ġiet imwettqa din ir-​responsabbiltà?

L-​ittri taʼ Pawlu juru kemm hu ta importanza lil dan is-​suġġett. Pereżempju, hu kiteb lill-​Kristjani f’Korintu: “Issa dwar il-​ġbir għall-​qaddisin, agħmlu intom ukoll bħalma ordnajt lill-​kongregazzjonijiet tal-​Galazja. Kull l-​ewwel jum tal-​ġimgħa ħa jwarrab xi ħaġa kull wieħed minnkom skond ma jistaʼ u jfaddalha f’daru stess, sabiex il-​ġbir ma jsirx meta niġi. U meta nasal hemmhekk, lil dawk kollha li tapprovawhom bl-​ittri nibgħathom biex jieħdu Ġerusalemm l-​għotja li għamiltu b’qalb tajba.”—1 Kor. 16:1-​3.

Fit-​tieni ittra ispirata tiegħu lill-​Korintin, Pawlu reġaʼ semma l-​iskop tal-​ġbir. Kien biex kulħadd ikun indaqs; iż-​żejjed li kellhom dak il-​ħin jagħmel tajjeb għan-​nieqes taʼ ħaddieħor.—2 Kor. 8:12-​15.

Meta Pawlu kiteb lill-​Kristjani f’Ruma, madwar is-​sena 56 E.K., il-​ġbir kien kważi lest. Hu qal: “Dalwaqt nivvjaġġa lejn Ġerusalemm biex naqdi lill-​qaddisin. Għax dawk fil-​Maċedonja u l-​Akaja għoġobhom jagħtu minn dak li għandhom permezz taʼ kontribuzzjoni lill-​foqra fost il-​qaddisin f’Ġerusalemm.” (Rum. 15:25, 26) Pawlu wettaq l-​inkarigu tiegħu ftit wara dan, għax malli wasal Ġerusalemm u ġie arrestat, hu qal lill-​Gvernatur Ruman Feliċ: “Ġejt inġib għotjiet taʼ ħniena lil ġensi kif ukoll xi offerti.”—Atti 24:17.

L-​ispirtu li wrew il-​Kristjani tal-​ewwel seklu jidher ċar minn dak li Pawlu qal dwar il-​Maċèdonin. Hu qal li huma “baqgħu jitolbuna bi ħrara kbira biex ikollhom il-​privileġġ li jagħtu b’qalb tajba.” L-​appostlu ħeġġeġ lill-​Korintin biex isegwu dak l-​eżempju. Hu qal: “Ħa jagħmel kull wieħed bħalma jkun iddeċieda f’qalbu, mhux kontra qalbu jew bilfors, għax Alla jħobb lil min jagħti bil-​ferħ.” X’ġiegħel lill-​kongregazzjonijiet juru ġenerożità bħal din? Ix-​xewqa li kellhom ma kinitx ‘biss li jipprovdu bl-​abbundanza l-​bżonnijiet tal-​qaddisin imma wkoll li jkunu għonja b’ħafna espressjonijiet taʼ radd il-​ħajr lil Alla.’ (2 Kor. 8:4; 9:7, 12) Il-​ġenerożità tagħna jistaʼ jkollha intenzjoni simili. Alla Ġeħova żgur li se jbierek attitudni tajba u altruista—u l-​barka tiegħu ġġib l-​għana.—Prov. 10:22.

 [Kaxxa f’paġna 9]

KIF XI WĦUD JAGĦŻLU LI JAGĦTU KONTRIBUZZJONIJIET GĦAX-​XOGĦOL TAʼ MADWAR ID-​DINJA

Bħal fi żmien l-​appostlu Pawlu, ħafna llum ‘iwarrbu xi ħaġa,’ jew ifaddlu ammont taʼ flus u jitfgħuhom fil-​kaxxi għall-​kontribuzzjonijiet tal-​kongregazzjoni mmarkati “Xogħol taʼ Madwar id-​Dinja.” (1 Kor. 16:2) Kull xahar, il-​kongregazzjonijiet jibagħtu dawn il-​kontribuzzjonijiet lill-​uffiċċju tax-​Xhieda taʼ Ġeħova li jieħu ħsieb ix-​xogħol f’pajjiżhom. Tistaʼ tibgħat ukoll donazzjonijiet direttament lill-​entità legali li x-​Xhieda taʼ Ġeħova jużaw f’pajjiżek. Biex tkun taf l-​isem tal-​entità legali ewlenija li x-​Xhieda taʼ Ġeħova jużaw f’pajjiżek, jekk jogħġbok ikkuntattja l-​uffiċċju tal-​fergħa li jieħu ħsieb ix-​xogħol fil-​pajjiż. L-​indirizz tal-​uffiċċju tal-​fergħa jistaʼ jinstab fuq www.pr418.com. Id-​donazzjonijiet li tistaʼ tibgħat direttament huma dawn:

DONAZZJONIJIET GĦALKOLLOX

• Donazzjonijiet taʼ flus kontanti, ġojjelli, jew oġġetti oħrajn personali.

• Inkludi ittra li tindika li l-​flus kontanti jew l-​oġġetti l-​oħrajn huma donazzjoni għalkollox.

ARRANĠAMENT TAʼ DONAZZJONI KUNDIZZJONALI

• Donazzjonijiet taʼ flus kontanti bil-​kundizzjoni li jistgħu jingħataw lura jekk id-​donatur ikollu bżonnhom.

• Inkludi ittra li tgħid li din hi donazzjoni kundizzjonali.

IPPJANAR ĠENERUŻ

Minbarra għotjiet taʼ flus u oġġetti personali taʼ valur, hemm modi oħrajn kif wieħed jistaʼ jikkontribwixxi għas-​servizz tas-​Saltna madwar id-​dinja. Dawn huma mniżżlin hawn taħt. Hu x’inhu l-​mod jew il-​modi li tixtieq tuża, jekk jogħġbok l-​ewwel ikkuntattja l-​uffiċċju tal-​fergħa li jieħu ħsieb ix-​xogħol f’pajjiżek biex tara liema mill-​modi li ġejjin japplikaw fil-​pajjiż. Ladarba l-​ħtiġijiet legali u l-​liġijiet tat-​taxxa jvarjaw, hu importanti li tieħu parir taʼ konsulent ikkwalifikat fit-​taxxa u l-​liġi qabel ma tagħżel l-​aħjar mod kif tagħti donazzjoni.

Assikurazzjoni: Donazzjoni li ssir billi tispeċifika entità li tintuża mix-​Xhieda taʼ Ġeħova bħala l-​benefiċjarja taʼ polza t’assikurazzjoni fuq il-​ħajja jew taʼ pjan taʼ rtirar mix-​xogħol jew pensjoni.

Kontijiet fil-​Bank: Kontijiet fil-​bank, ċertifikati taʼ depożitu, jew kontijiet individwali taʼ rtirar mix-​xogħol jistgħu jingħataw b’fedekommess jew jintgħamlu pagabbli mal-​mewt lill-​entità li tintuża mix-​Xhieda taʼ Ġeħova fi qbil mal-​ħtiġijiet tal-​banek lokali.

Ishma u Titoli: Ishma u titoli jingħataw b’donazzjoni lill-​entità użata mix-​Xhieda taʼ Ġeħova bħala għotja għalkollox jew titniżżel bħala l-​benefiċjarja f’każ taʼ mewt.

Proprjetà Immobbli: Proprjetà immobbli li tistaʼ tinbiegħ tistaʼ tingħata b’donazzjoni lill-​entità użata mix-​Xhieda taʼ Ġeħova, jew bħala għotja għalkollox jew, f’każ taʼ proprjetà residenzjali, billi d-​donatur iżomm il-​proprjetà u jkompli jgħix fiha sakemm idum ħaj.

Ħlas Annwali mill-​Għotja: Flus jew titoli taʼ sigurtà li jingħataw lil entità magħżula mix-​Xhieda taʼ Ġeħova b’arranġament li fih dak li jagħti l-​flus, jew xi ħadd magħżul minnu, jirċievi ħlas speċifiku kull sena matul ħajtu kollha. Il-​wieħed li jagħti l-​flus titnaqqaslu t-​taxxa tad-​dħul għas-​sena li fiha tiġi stabbilita l-​għotja annwali.

Testmenti u Fedekommessi: Jistgħu jitħallew flus jew proprjetà lill-​entità użata mix-​Xhieda taʼ Ġeħova permezz taʼ testment effettwat bil-​liġi, jew inkella billi tiġi speċifikata l-​entità bħala l-​benefiċjarja taʼ ftehim fedekommess. Dan l-​arranġament jistaʼ jipprovdi ċerti vantaġġi mit-​taxxa.

Bħalma jimplika t-​terminu “ppjanar ġeneruż,” dawn it-​tipi taʼ donazzjonijiet ġeneralment jirrikjedu xi ppjanar min-​naħa tad-​donatur. Tħejja browxer bl-​Ingliż u bl-​Ispanjol intitolat Charitable Planning to Benefit Kingdom Service Worldwide biex jgħin lill-​individwi li jkunu jixtiequ jagħmlu xi tip taʼ ppjanar ġeneruż għall-​benefiċċju tax-​xogħol taʼ madwar id-​dinja tax-​Xhieda taʼ Ġeħova. Il-​browxer inkiteb biex jipprovdi informazzjoni rigward il-​modi differenti kif jistgħu jintgħamlu l-​għotjiet issa jew b’testment mal-​mewt. L-​informazzjoni li fih il-​browxer tistaʼ ma tapplikax għalkollox fis-​sitwazzjoni tiegħek minħabba liġijiet taʼ taxxa jew liġijiet oħra f’pajjiżek. Għalhekk, wara li taqra l-​browxer għandek tieħu parir mingħand il-​konsulent legali jew il-​konsulent tat-​taxxa tiegħek. Billi użaw modi taʼ ppjanar ġeneruż bħal dawn, ħafna setgħu jappoġġaw l-​attivitajiet reliġjużi u umanitarji tagħna madwar id-​dinja u jieħdu l-​benefiċċju massimu mit-​taxxa tagħhom. Jekk il-​browxer hu disponibbli f’pajjiżek, dan jistaʼ jinkiseb billi tistaqsi għal kopja mingħand is-​segretarju tal-​kongregazzjoni lokali.

Għal iktar informazzjoni tistaʼ tikkuntattja liċ-​Charitable Planning Office, b’ittra jew bit-​telefown, fl-​indirizz t’hawn taħt jew tistaʼ tikkuntattja l-​uffiċċju tal-​fergħa li jieħu ħsieb ix-​xogħol f’pajjiżek.

CHARITABLE PLANNING OFFICE

Watch Tower Bible and Tract Society of Pennsylvania

100 Watchtower Drive

Patterson, New York 12563-​9204

Telefown: (845) 306-​0707