X’tistaʼ tagħmel biex tkun qrib taʼ Alla? Ikkunsidrajna l-passi li ġejjin u li tistaʼ tieħu biex tikkultiva relazzjoni mill-qrib miegħu:

1. Kun af u uża l-isem taʼ Alla, Ġeħova

2. Ikkomunika miegħu regolarment billi titlob u tistudja l-Kelma tiegħu, il-Bibbja

3. Kontinwament agħmel dak li jogħġob lil Ġeħova

Skont dawn il-prinċipji, taħseb li qed tagħmel dak li hu meħtieġ biex tersaq qrib lejn Alla? Hemm fejn tħoss li tistaʼ titjieb? Ngħiduha kif inhi, hemm bżonn taʼ sforz, imma qis ir-riżultati.

“Kull sforz li tagħmel biex tiżviluppa relazzjoni mill-qrib m’Alla hu worth it,” tgħid Jennifer, fl-Istati Uniti. “Din ir-relazzjoni ġġib magħha bosta barkiet: iżjed fiduċja f’Alla, fehma aħjar tal-personalità tiegħu, imma l-iżjed, iktar imħabba. M’hemmx mod taʼ ħajja aħjar!”

Jekk int tixtieq tgawdi relazzjoni mill-qrib m’Alla, ix-Xhieda taʼ Ġeħova se jieħdu pjaċir jgħinuk. Huma jistgħu jirranġaw biex jistudjaw il-Bibbja miegħek b’xejn. Ukoll, int mistieden tattendi l-laqgħat Bibliċi tagħhom fis-Sala tas-Saltna lokali, fejn se tgawdi l-assoċjazzjoni taʼ dawk li jgħożżu r-relazzjoni tagħhom m’Alla. * Hekk kif tagħmel dan, int ukoll se tħossok bħas-salmista, li qal: “Min-naħa tiegħi, li nersaq qrib Alla huwa tajjeb għalija.”—Salm 73:28.