Ix-​Xhieda taʼ Ġeħova joffru kors mill-​Bibbja li jistaʼ jgħinek f’ħajtek. Dan il-​kors jistaʼ jgħinek biex:

•   Ikollok ħajja ferħana

•   Issir ħabib t’Alla

•   Titgħallem dwar il-​futur sabiħ li twegħedna l-​Bibbja

Hawnhekk se ssir taf:

•  X’jiġri waqt li qed nistudja l-​Bibbja?

•  Irrid inħallas għal dan il-​kors?

•  Kemm hu twil il-​kors?

•  Xi rrid nagħmel biex nibda?

•  Nistaʼ nibda bi ftit lezzjonijiet?

•  Jekk naċċetta studju tal-​Bibbja, se jkolli nsir wieħed mix-​Xhieda taʼ Ġeħova?

•  Nistaʼ nuża l-​Bibbja tiegħi?

•  Nistaʼ ngħid lil xi ħadd ieħor joqgħod miegħi għall-​istudju?

•  Jekk qabel kont nistudja max-​Xhieda taʼ Ġeħova, nistaʼ nerġaʼ nistudja?

•  Għandkom xi ħaġa biex nistudja l-​Bibbja waħdi?

 Persuna se tgħinek issir taf il-​Bibbja billi tistudjawha suġġett suġġett. Int se titgħallem x’tgħid il-​Bibbja u kif tistaʼ tgħinek billi tużaw il-​ktieb Għix Ħajja Ferħana għal Dejjem! Biex tkun taf iktar, ara dan il-​vidjow.

 Le. Ix-​Xhieda taʼ Ġeħova jobdu dak li qal Ġesù lid-​dixxipli tiegħu: “Irċivejtu b’xejn, agħtu b’xejn.” (Mattew 10:8) Aħna ntuk Bibbja u l-​ktieb Għix Ħajja Ferħana għal Dejjem! b’xejn.

 Il-​kors fih 60 lezzjoni. Int tiddeċiedi kemm tagħmel lezzjonijiet fil-​ġimgħa. Ħafna studenti jagħmlu lezzjoni jew iktar fil-​ġimgħa.

1.  1. Imla l-​formola fuq jw.org. L-​informazzjoni personali li tikteb fil-​formola se nużawha biss biex xi ħadd mix-​Xhieda taʼ Ġeħova jikkuntattjak.

2.  2. Se jikkuntattjak xi ħadd. Hu se jispjega xi jsir fil-​kors tal-​Bibbja u jwieġeb xi mistoqsijiet li jkollok.

3.  3. Ippjanaw il-​ħin u l-​post. L-​istudju jistaʼ jsir bit-​telefown, b’video call, bl-​ittri, bl-​email, jew billi tiltaqaʼ maʼ min se tistudja miegħu. Normalment studju jdum madwar siegħa, imma jistaʼ jdum iktar jew inqas skont kemm tistaʼ int.

 Iva. Biex tagħmel dan, imla l-​formola fuq jw.org. Meta jikkuntattjak dak li se jistudja miegħek, għidlu li tixtieq tipprova l-​istudju biex tara kif tmur. Hu jew hi se tuża l-​browxer Għix Ħajja Ferħana għal Dejjem! Dan fih tliet lezzjonijiet li se jgħinuk tara jekk tixtieqx tkompli.

 Le. Għalkemm bħala Xhieda taʼ Ġeħova nieħdu pjaċir ngħallmu l-​Bibbja lin-​nies, aħna ma nisforzaw lil ħadd biex jingħaqad magħna. Anzi, aħna nirrispettaw li int għandek id-​dritt tagħżel x’temmen. Fil-​fatt, il-​Bibbja hekk tgħallimna.—1 Pietru 3:15.

 Iva, tistaʼ tuża liema Bibbja tixtieq. Aħna nieħdu pjaċir nużaw it-​Traduzzjoni tad-​Dinja l-​Ġdida ta’ l-​Iskrittura Mqaddsa li hi ċara u eżatta. Imma nafu li ħafna nies jippreferu jużaw Bibbja li huma komdi biha.

 Iva. Tistaʼ tistieden lill-​familja tiegħek jew lill-​ħbieb.

 Iva. Fil-​fatt, il-​kors jistaʼ jogħġbok iżjed minn qabel, għax hu iżjed addattat għall-​ħajja mgħaġġla li qed ngħixu. Dal-​kors hu iktar forma taʼ diskussjoni u fih iżjed stampi u vidjows.

 Iva. Ħafna jitgħallmu iżjed meta jgħinhom xi ħadd. Waqt li oħrajn, jippreferu jibdew jistudjaw waħedhom. Fil-​website tagħna hemm parti jisimha Għodod li Jgħinuk Tistudja l-​Bibbja. Fiha affarijiet bħal artikli u vidjows li se jgħinuk tistudja l-​Bibbja. Ftit minnhom huma:

•   Vidjows tal-​Bibbja. Dawn il-​vidjows qosra jispjegaw suġġetti importanti mill-​Bibbja.

•   Mistoqsijiet Dwar il-​Bibbja Mweġbin. Dawn l-​artikli jwieġbu ħafna mistoqsijiet mill-​Bibbja.

•   Tagħlim tal-​Bibbja. Hawnhekk se ssib artikli li se jgħinuk tuża pariri mill-​Bibbja f’ħajtek.