Ukutalika na wo-o umwaka twandi twawa ni mpindi inkulu iya kupekanizizya Icizusyo ca mfwa ya kwe Klistu. Uwanda wa Cizusyo nga wawa mukasi ke sabata lyo kutandi kwawa ukulongana kwa Imikaliile nu Mulimo Wuno Tukawomba. Swinya nga wawa pa nsilo ye sabata lyo kutandi kwawa ukulongana kwi lyasi lye Baibolo ni Sambililo lya Ulupungu lwa kwe Kalindilila. Uzye mwandi muwacita wuli pa kuwomvya icete yo-o impindi? Mufwile ukuyipekanizizya lyankani wulyanye vino Awina Klistu wa mu mpindi zya watumwa wacitanga. (Luka. 22:7-13; km 3/15 1) Lelo pa kuti tukayitopwe, tuzipizile ukuyipekanya. Tungayipekanya wuli?

• Mwakwelenganya sana pa mulandu wuno cacindamila ukuzanwa ku Cizusyo.​—1 Kor. 11:23-26

• Mwapepa nu kwelenganya sana pe vino mungawomya wuciwuza winu ne Yehova.​—1 Kor. 11:27-29; 2 Kor. 13:5

• Mwawazya nu kwelenganya pa Mawaliko yano yakalondolola Icizusyo.​—Yoha. 3:16; 15:13

Wakawizya wamwi wakasolapo ukuwazya nu kwelenganya pa Mawaliko ya mu mpindi ya Cizusyo yano yakawa mu kalibuku ka Ukubebeta. Wamwi wakawazya amawaliko ukufuma mwe Baibolo yano yali pe charti yano yakalanjizya vino vyacitisile mu manda yano Yesu walecelezizye ukuwa mu nsi. Wanji nawo wakasolapo ukuwazya ivipandwa mwa magazini vino vikalanda pa Cizusyo na vino e Yehova ne Yesu walanjizya ukuti watukunda. Mwamanya ukuti inzila iyili yonsinye yino mungawomvya yilimyavwa sana ukupalamila kwe Yehova na ku Mwana wakwe.