E Yakobi wamanyile kuno Yehova akalonda ukupepwa vye wenga, nanti aca kuti lyo e Yehova atani awikeko na masundo yano yakalanda pa tuluwi. (Ukufu. 20:3-5) Pano Yehova wamunenile ukunyocelamo ku Betele, e Yakobi wanenile awa mu ng’anda yakwe wonsinye ukusumba utuluwi. E Yakobi wasumvile utuluwi, ukusanzyako na masikiyo, ncepamwi yano wazwalanga pa kuti ya wacinjilila. (Inta. 35:1-4) Ukwasowa nu kuvwilika e Yehova watemilwe sana vino e Yakobi wacile.

Avyani vino tungacita pa kuti tulanjizye ukuti tukapepa vye e Yehova wenganye? Tufwile ukulewuka vyonsinye vino vyakuma imizimu nanti utuluwi. Co-o cikusanzyamo ukusumba vyonsinye vino vyakuma ivya mizima nu kulola amavidyo yano tukatamba ni ndwimbo zino twatemwa ukwivwa. Ku cakulolelako, mungayiwuzya ukuti, ‘Uzye nkakwivwa icete ukuwazya amabuku nanti ukutamba amafilimu muno mwawa iviwa, ivya mamajiki na vinji ivya mizimu?’ Tuzipizile ukulewuka vyonsinye vino e Yehova wapata.—Amalu. 97:10

TAMBANI E VIDYO YINO YIKUTI “KANANI E SATANA,” APANO MWASUKE AMAWUZYO YANO YAKONKAPO:

• Antazi ci yino umusambi we Baibolo uwi zina lya kuti Palesa wapisilemo?

• Amulandu ci wuno cazipila ukunena wa eluda nga ca kuti ivimizimu vikatucuzya nanti vikacuzya e ciwuza witu nanti wino tukatungulula isambililo?

• Avyani vino awantu wano wakulonda ukucinjililwa nu Yehova wazipile ukulecelela ukucita?

• Avyani vino Palesa wacisile?

• Ukulingana na kuno mwikalila, avyani vino mungacita pa kuti mwayicinjilila ku vimizimu viwipe?