AKALIBUKU KA KUWOMVYA PA KULONGANA KWA MIKALIILE NU MULIMO March 2018
Ivya Kulanzyanya
Ukulanzyanya kuli pa kapepala ka kwitilapo awantu ku Cizusyo na mawuzyo yakuti: Amulandu ci wuno Yesu wafwizile? Avyani vino imfwa ya kwe Yesu yacita?
ICUUMA CINO CAWA MWI ZWI LYA KWE LEZA
“Wino Akulonda Ukuwa pa Nkolelo pe Mwemwe Azipizile Ukuwa Amuzya Winu”
Uzye tukawika vye amano pa kuwomba imilimo yino yingalenga awanawitu watulumbanya nu kutucindika? Umuwomvi wa kwe Yehova umuyicefye akawomba imilimo yino e Yehova Leza mutupu nye awino akamanya.
ICUUMA CINO CAWA MWI ZWI LYA KWE LEZA
Mwakwivwila Amasundo Yawili Amakulu
Uzye e Yesu watili amasundo ci yawili amakulu aya mu Baibolo? Tungalanjizya wuli ukuti tukwivwila kwe ya-a amasundo?
VINO AWINA KLISTU WAZIPIZILE UKUWA
Vino Tungacita pa Kukunda Leza na Wina Mupalamano
Tuzipizile ukukunda Leza na wina mupalamano. Conga cino cingatwavwa ukuwa nu lukundo akuwazya Baibolo cila wanda.
TREASURES FROM GOD’S WORD
Twalililani Ukuwa Awalole mu Manda ya Kulecelezya Days
Awantu awavule mwe ya-a amanda wawika vye amano mu kuvwambisya vino wakalonda mu wumi icakuti wakapotwa nu kuwombela Leza. Uzye Awina Klistu wano wamanya ukuti tuli mu manda ya kulecelezya wapusanako wuli?
VINO AWINA KLISTU WAZIPIZILE UKUWA
Tuli Mupipi ni Nsilo ya Nsi
Uzye amazwi ya kwe Yesu yakalanjizya wuli ukuti tuli mupipi ni nsilo ya nsi? Iwuzyo lyo-o ponga na mawuzyo yanji yasukwa mwe vidyo yakuti Tuli Mupipi ni Nsilo ya Nsi.
ICUUMA CINO CAWA MWI ZWI LYA KWE LEZA
“Muwalola”
Mu mulumbe wa nacisungu 10, weweni wino akakwimililako ne siwinga, wanacisungu awa mano, na wanacisungu iviwelewele? Uzye wo-o umulumbe wukumisambilizya vyani?
VINO AWINA KLISTU WAZIPIZILE UKUWA
Zifyaniko Ivya Kuwomba Umulimo wa Kuwizya—Ukwavwa Umusambilizi Ukumanya Ivya Kupekanya
Palyanye pa kutalika nye apano tufwile ukutalika ukusambilizya umusambilizi ivya kupekanya isambililo. Uzye tungamwavwa wuli?