“Muwalola”
Cingatenga e Yesu walanzile co-o icilanjililo ca nacisungu 10 ku wapakwe, amazwi yano walanzile yakuma Awina Klistu wonsinye. (w15-CW 3/15 12-16) “Muwalola amuno mutamanya uwanda nanti impindi.” (Mat. 25:13) Uzye mungalondolola muno mwasula icilanjililo ca kwe Yesu?
-
E Siwinga (ves. 1)—We Yesu
-
Wanacisungu awa mano wano wayipekinye (ves. 2)—Awina Klistu awapakwe wano wayipekanya ukuwomba umulimo wawo ni cisinka swinya wakatwaliliila ukwaka ngati aluswepo mpaka na kunsilo (Flpi 2:15)
-
Ukupunda ukuti: “Siwinga we-e wiza!” (ves. 6)—Acimanyilo ca kuwapo kwa kwe Yesu
-
Wanacisungu iviwelewele (ves. 8)—Awina Klistu awapakwe wano wakaya mukusunkanya Siwinga lelo wapotwa ukuwa awalole swinya watatwalilila ukuwa awa cisinka
-
Wana cisungu awa mano wakana ukupako wanji amafuta (ves. 9)—Pa nsizi yakufwatikwa icifwati cakulecelezya awapakwe wano walitwalilila ni cisinka wataliwa ni mpindi ya kwavwa wano waposilwe ukutwalilila ni cisinka
-
“E siwinga wizile” (ves. 10)—E Yesu wiza mukupingula mupipi ni nsilo ya wucuzi wukulu
-
Wanacisungu wa mano winjila mu ng’anda ya winga nu siwinga, wiyalako ni cisakati (ves. 10)—E Yesu walonganika awapakwe awa cisinka ukuya kwi yulu, lelo wano watatwalilizile ni cisinka wapokwa ulongo lwa kuteka nu Klistu kwi yulu