VINO AWINA KLISTU WAZIPIZILE UKUWA
Zifyaniko Ivya Kuwomba Umulimo wa Kuwizya—Ukwavwa Umusambilizi Ukumanya Ivya Kupekanya
CINO KWACINDAMILA: Nga twasambilizya wano tukatungulula amasambililo ye Baibolo ivya kupekanya, cililenga wakwivwicisya nu kwizuka vino tukuwasambilizya. Swinya ndi wakwivwicisya nu kwizuka cililenga walunduluke zuwa. Na pansizi ya kubatizwa nye waliwapekanizizya ukulongana ni vyakulanda mu mulimo pa kuti watwalilile “awalole.” (Mat. 25:13) Acino ukumanya ivya kusambilila nu kuyisambilizya icete kuliwawavwa sana. Tuzipizile ukuwavwa pakutalika nye ukuti wayipekanizizya lyankani isambililo lye Baibolo.
IVYA KUCITA:
-
Wani ica kulolelako icizima. (Roma. 2:21) Pano mukupekanizizya isambililo, mwakwelenganya pa musambilizi winu. (km-CW 11/15 3) Umusambilizi winu afwile awalola vino mupekinye ivyasuko mwi buku linu
-
Mwamuwomelezya ukupekanizizya lyankani. Palyanye pano mwatalika vye ukusambilila, mwamwavwa ukumanya ukuti ukupekanya aluwali lwa kusambilila, swinya mwalanda ni vizima vino vyawa mukupekanizizya lyankani. Mwamunenako na vino vingamwavwa ukuzana impindi ya kupekanya. Wamwi wakapa nu musambi ibuku lyawo lino wapekinyemo pano wakusambilila pakumwavwa ukulola ivizima vino vyawa mukupekanizizya lya nkani. Mwamusalifya nga cakuti wapekanya.
-
Mufwile ukumulanjizya ivya kupekanya. Wamwi nawo pakutalika nye wakawomvya impindi yonsinye yino te wali nu kusambilila ukwavwa umusambilizi ukumanya ivya kupekanya.