Awina Klistu wangasambililako kwe vino vyaciticizile awina Israeli pano wafisile mu Moabu. (1 Kor. 10:6, 8, 11) Awina Israeli wano watalisile ukuyisanzya na wanaci wacilende wano wapepanga utuluwi mu Moabu, watalisile ukucita imembu inkulu nkaninye. Icakuti vino vyafumilemo vitazifile. (Impe. 25:9) Nasweswenye tukawa ponga nawantu wano wasipepa e Yehova, ndi vino wano tukasambilila nawo, iviwuza, walupwa, awina mupalamano na wano tukawomba nawo. Avyani vino tungasambililako kwe lyo-o ilyasi lya mu Baibolo pe vino vingacitika nga twasolapo ukupanga wuciwuza na wantu wano wasipepa Yehova?

TAMBANI E VIDYO YAKUTI IVILANJILILO VYA KUTUSOKA MWE YA-A AMANDA—AKAPUTULWA, APANO MWASUKE AMAWUZYO YANO YAKONKAPO:

• Amelenganyo ci amawipe yano e Simuri na wawuye walanjizizye kwe Yamini?

• Uzye e Finehazi wavwizye wuli e Yamini?

• Awupusano ci wuno wawa pa kumanyana nu muntu wino asilongana nu kupanga wu ciwuza nawe?

• Amulandu ci wuno tuzipizile ukucenjela na mwi wungwenye pano tukusola iviwuza?

• Amulandu ci wuno tutazipizile twalanzyanya na wantu wano tutamanya pa intaneti?