E Yehova, ‘we Leza wa nsansa,’ akalonda tuwasecelela mu mulimo wa kuwizya. (1 Tim. 1:11) Tuliwasecelela nkani nga cakuti tukuzifyako imiwizizye. Ukuwuzya amawuzyo kungalenga umuntu atalike ukuvwambisya ukusambilila. Swinya ayili inzila yakutalika ukulanzyanya na wantu. Cinji acakuti amawuzyo yangalenga wumwi ukwelenganyapo nu kupingulapo pe cimwi. (Mat. 22:41-45) Nga tukuwuzya amawuzyo nu kusumbako nkaninye mano pano akwasuka lyo tukumunena ukuti ‘wacindama nkaninye kwenene.’ (Jemu. 1:19) Vino umuntu akwasuka vingatwavwa ukumanya vino twandi tulanzyanye nawe.

TAMBANI E VIDYO YAKUTI MULIWASECELELA NGA MUKUZIFYAKO IVYA—KUPANGA AWASAMBI—MWAWUZYA AMAWUZYO, APANO MWASUKE AMAWUZYO YANO YAKONKAPO:

• Amiwele ci imizima yino Nkuzipa walanjizizye?

• Uzye e Nita wawomvizye wuli amawuzyo pakulanjizya ukuti wawisileko sana amano kwe wino wawizizyanga?

• Uzye e Nita wawomvizye wuli amawuzyo pakuti Nkuzipa atalike ukuvwambisya ukwivwa ilandwe lizima?

• Uzye e Nita wawomvizye wuli amawuzyo pa kwavwa Nkuzipa ukwelenganyapo sana nu kupelulula pe vino wasambililanga?