Icilumba nu kuyisuwila nkani vyalenzile e Kora atalike ukulwisya imitanticile ya kwe Yehova pe vyo awantu wakwe wazipizile ukumupepa (Impe. 16:1-3; w11-CW 9/15 27 para. 12)

E Kora walinji amwina Levi umucindikwe swinya wapilwe imilimo iyiyiwele mu mulimo wa kwe Leza (Impe. 16:8-10; w11-CW 9/15 27 para. 11)

Vino vyafumilemo mwe vino Kora welenganyanga vitazifile nanti katicinye (Impe. 16:32, 35)

Tutazipizile ukuleka imilimo yino tukawomba mwi wungwe lya kwe Yehova yatutuwalika nu kutalika ukuyisuwila nkani. Acino nga twazimba mwi wungwe lya kwe Yehova nanti watupa imilimo imivule apano tuzipizile nu kuicefya sana.