Awantu awavule watasuwila wano wakatungulula. Co-o cisituzungusya, amuno awantu awavule wakawomvya uwuwi amaka yano wawa nayo pakuti ivintu vyawazipilavye wonganye. (Mika 7:3) Lwawa alongo kwe sweswe wo-o vino wa eluda mu mawungwe wakasambilizwa ukuwomvya icete amaka yano wapwa kukwavwa awantu wa kwe Yehova.—Esth. 10:3; Mat. 20:​25, 26.

Wa eluda wapusana na wano wawa muwutunguluzi mwe yo-o insi, amuno weni wakawomba wo-o umulimo pamulandu wakukunda Yehova na wantu wakwe. (Yoha. 21:16; 1 Pet. 5:​1-3) Ukupitila mu wutunguluzi wa kwe Yesu, wa-a wakacema wakalenga wakawizya wonsinye ukuyivwa ukuti wawa mu lupwa lwa wawomvi wa kwe Yehova swinya wakawavwa nu kupalamila kwe weliwe. Cinji acakuti wasilema na kwi sote ukuwomelezya awawomvi wa kwe Yehova nukuwavwa nga cakuti waponelwa nu wusanso nanti intazi yino yiza mukupumincizya ukulozya ku vya kucipatala. Acino nga mukulonda uwavwilizyo, mwawa awantungwa ukunena e eluda uwili wensinye mwi wungwe linu—Jemu. 5:14.

TAMBANI E VIDYO YAKUTI WAKACEMA WANO WAKASAKAMALA ING’ONZI, APANO MWASUKE AMAWUZYO YANO YAKONKAPO:

• Uzye avizima ci vino wa Mariana wazanilemo mukwavwa kwa eluda?

  Icasuko

• Uzye ukwavwa ukufuma kwa eluda, kwavwizye wuli wa e Elias?

  Icasuko

• Uzye vyo-o ivyakulolelako viwili, vyamyavwa ukuwalola wuli umulimo wuno wa eluda wakawomba?

  Icasuko