UKUPANGA AWASAMBI
ISAMBILILO 10
Muwayipelesya
Icisinka cisundo: “Ukuwa amuno alukundo luno twawakunzile nkani twayipamvizye ukuti tutize tuwankanie Ilandwe zima tupu ilyakwe Leza ukuwa nkandi nimiwele yitunye. Mwalinji mwewakundikwe nkaninye.”—1 Tes. 2:8.
Vino Yesu Wacisile
1. Tambani e VIDYO, nanti wazyani Yohani 3:1, 2. Apano mwasuke amawuzyo yano yakonkapo:
-
Mukwelenganya ukuti amulandu ci wuno Nikodemu wayizile kwe Yesu uwusiku?—Lolani Yohani 12:42, 43.
-
Uzye Yesu walanjizizye wuli ukuti walondesyanga ukupanga awasambi pano Nikodemu wayile kwe weliwe uwusiku?
Avyani Vino Tukusambililako kwe Yesu?
2. Nga tukuyipepelesya ukwavwa awantu ukuwa awasambi, lyo tukulanjizya ukuti twawakunda.
Mwakolanya Yesu
3. Mwasambilila nu musambi pa mpindi ni ncende yino wasola. Mpindi zimwi angasolapo impindi nu wanda mwe sabata. Uzye angatemwa ukuti mwasambilila nawe kuno akawombela, ku ng’anda nanti ku cintu wavule? Nga cawa wo-o, mwapilulako vino mwatantika pa kuti mwasambilila pa mpindi yino umweneco akulonda.
4. Mwasambilila lyonsinye. Mutazipizile ukukana sambilila nga cakuti mutaliwapo. Lelo mungalola nga cakuti:
5. Mwapepa kwe Yehova ukuti awamyavwa mwakwelenganya pa vizima. Mwalenga kwe Yehova ukuti awamyavwa mwatekanizizya umusambi nga cakuti musakusambilila lyonsi nanti nga asakuwomvya vino akusambilila. (Flpi. 2:13) Umusambi afwile wawa ni miwele imizima, acino mwapepa kwe Yehova ukuti awamyavwa ukuwika amano kwe yoyonye imiwele.
