ISAMBILILO 29
Cani Cikacitika nga Twafwa?
Uzye wafwilwapo umuntu wino wakunzile nkaninye? Ndi twafwilwa tungayikolowozya ukuti: ‘Cani cikacitika nga twafwa? Uzye tulitela tulolepo awakundikwe witu wano wafwa?’ Mwe lyo-o isambililo na lino likonsilepo, muli ivyasuko vya mu Baibolo vino vingakusansamusya.
1. Cani cikacitika nga twafwa?
E Yesu wakolinye imfwa kukulala utulo. Uzye imfwa yakolana wuli nu kulala utulo? Umuntu nga alazile utulo, asimanya cino cikucitika kulonde. Umuntu nga wafwa, asikwivwapo uwulumila nanti ukutalalilwa. E Baibolo yikalanda ukuti. “Wano wafwa weni watamanya chimwi.”—Wazya Ekawizya 9:5.
2. Avizima ci vino vikafumamo mukumanya icisinka pa wafwe?
Awantu awavule wakatina imfwa swinya wakatina na wafwe. Lelo vino Baibolo yikalanda pa mfwa vikatusansamusya. Yesu watili: “ukusimichilanye koko kulileka mukululwe [kulimiluwula].” (Yohani 8:32) Awa mu mipepele wakasambilizya ukuti pawa cimwi cino cikafumamo mu muntu nga wafwa. Lelo wo-o asa vino Baibolo yikasambilizya. Icisinka acakuti pasi wino akacula ndi wafwa. Swinya pasi na cino awafwe wangatucita amuno wasimanya icili consinye. Acino tutazipizile ukuwapepa nanti ukuwacitila cimwi pa kuti watatupata. Swinya tutazipizile nu kuwapepelako amuno walowa.
Awantu wamwi wakati wangavwanga na wafwe. Lelo co-o citanga cicitike nanti katicinye. Ndi vino tufumile tukusambilila, awafwe “watamanya chimwi.” Wano wakakwelenganya ukuti wakavwanga na wafwe, wakalanga lyo-o wakulanzyanya ni viwa vino vikakopelezya ukuwa ngati amuntu umufwe. Acino ukumanya icisinka pa wafwe, kukatucinjilila ku viwa. E Yehova akatusoka ukuti tutazipizile ukwelezya nanti katicinye ukulanzyanya na wafwe. Amuno wamanya ukuti iviwa vingatucita iviwipe. Wazya Amasundo 18:10-12.
SAMBILILA IVICILE PA-A
Sambilila na vinji pe vino Baibolo yikasambilizya pa mfwa. Nu kuwomya sana isuwilo mwe Leza wa lukundo wino asicuzya awafwe.
3. Sambilila icisinka pe vino awafwe wawa
Ukuzinguluka insi yonsinye awantu wazumila ivivule pe vino cikawa ndi twafwa. Lelo vimwi vino wazumilamo pa wafwe asa vya cisinka.
-
Ukulingana na kuno wikalila, avyani vino awantu wazumilamo pe vino cikawa umuntu nga wafwa?
Pakulola vino Baibolo yikasambilizya, tambani e VIDYO.
Wazyani Ekawizya 3:20, nu kulanzyanya ya-a amawuzyo:
-
Ukulingana na lyo-o iwaliko, umuntu akawa wuli ndi wafwa?
-
Uzye kwawa cimwi cino cisifwa?
E Baibolo yikatunena pa mfwa ya kwe Lazaro e ciwuza wa kwe Yesu. Wazyani Yohani 11:11-14, pano mukuwazya lyo-o iwaliko, ulole vino Yesu walanzile pe vino e Lazaro walinji pano wafwile. Nga mwawazya apano mulanzyanye ya-a amawuzyo:
-
Uzye e Yesu wakolinye imfwa ku cani?
-
Uzye co-o cikatusambilizya cani pe vino awantu wakawa ndi wafwa?
-
Wayivwa wuli pe vyo-o vino Baibolo yikalanda pa mfwa?
4. Mukumanya icisinka pa wafwe mukafuma ivizima
Tukaleka ukutiina awafwe. Wazyani Ekawizya 9:10, nu kulanzyanya iyo-o iwuzyo:
-
Uzye awafwe wangatucita iciwipe?
Tusiwipwa nu wufi wakuti tuzipizile ukupepa awafwe nanti ukuwacitila vimwi pa kuti watatupata. Wazyani Levitikasi 20:6; nu Ukuwumbulika 4:11, nu kulanzyanya lyo-o iwuzyo:
-
Ukwelenganya ukuti e Yehova akayivwa wuli nga cakuti wumwi akupepa nanti waya mukulenga ukuti awafwe wamwavwe?
Ukumanya icisinka pa mfwa kukatufumya ku ntambi zino Yehova wapata
5. Tukakwivwa icete nga twamanya icisinka pa mfwa
Awavule wamanya ukuti ndi wiza wafwa, waliya mu kucula pa mulandu ni viwipe vino wacitanga pano watani wafwe. Amuno avino wakawasambilizya. Lelo nga twamanya ukuti kusi nanti wenganye wino akaya mukucula ndi wafwa, nu mwezo wukakwikala munda. Ukuwikako na walyanye wano wacisile ivintu iviwipe nkaninye pano watani wafwe nawonye wasiya mukucula. Wazyani Waroma 6:7, nu kulanzyanya lyo-o iwuzyo:
-
E Baibolo yikalanda ukuti umuntu ndi wafwa, lyo umulandu wakwe uwa luwembu wasila. Uzye ukwelenganya ukuti awafwe wakaya swinya mukucula pe vino waluvyanyanga?
Pano tukuya tukumanya vino Yehova wawa, apano tukakwiza mukwiluka ukuti atanga azumilizye ukuti awafwe wacula. Wazyani Amasundo 32:4 ne 1 Yohani 4:8, nu kulanzyanya ya-a amawuzyo:
-
Uzye vwile e Leza wino wawa ni miwele yino twivwa mwe ya-a amavesi, angazumilizya na wumwi ukutalika ukucuzya awafwe?
-
Uzye wivwa wuli ukumanya icisinka pa wafwe? Amulandu ci?
WAMWI WAKATI: “Nkatina ukuti awafwe wangancuzya.”
-
Amawaliko ci yano ungawomvya pa kumusansamusya?
IVISINKA VIKULU
Umuntu ndi wafwa, akaleka ukuwa nu wumi. Awafwe wasicula swinya watange wacise awa wumi.
Avyani Vino Wasambilila?
-
Cani cikacitika ndi twafwa?
-
Avizima ci vino vyawa mu kusambilila icisinka pa wafwe?
-
Uzye ukumanya icisinka pa wafwe ku katusansamusya wuli?
MANYILAPO NA VINJI
Lola vino Baibolo ikalondolola izwi lya kuti “uwumi”.
Lola nga ca kuti e Leza akawomvya umulimo wa pe pakusunda awawipe.
Uzye Umulilo wa pe Acifulo ca Kusimicila Kuno Wakacuzizya Awafwe? (3:07)
Uzye tuzipizile ukutina awafwe?
Imizimu ya Wafwe—Uzye Yingamyavwa Nanti Ukumicuzya? Uzye Molimonye Akuno Yawa? (broshuwa)
Lola vino umonsi wumwi wasecelezile pano wasambilizile cino cikacitika ndi twafwa.
Mungakunda na vyoo
AMAWUZYO YANO AWANTU WAKAWUZYAPO SANA
Uzye Isambililo lye Baibolo Ilya Nte zya kwe Yehova Lyawa Wuli?
Mwe lyoo isambililo lino Inte zya kwe Yehova wakasambilila na wantu uwiilanye, mungawomvya e Baibolo iyili yonsinye ino mukulonda. Mungitako na wali wonsinye wano mukulonda.
