ISAMBILILO 48
Mwasola Icete Iviwuza
Iviwuza vikatusansamusya ndi vintu vizifile, nu kutuwomelezya nga tuli ni ntazi. Nomba nanti ciwe wo-o, Baibolo yikatusoka ukuti asa wonsi wano wangawa aviwuza vizima. Uzye tungasola wuli iviwuza vizima? Lola amawuzyo yano yakonkapo.
1. Uzye awantu wano wasolapo ukwizya nawo wangalenga uwe wuli?
Ilivule tukawa wulyanye vino wano tukakwizya nawo wawa. Tungawipilako nanti ukuzipilako ukulingana na wantu wano tukwizya nawo. Asa mulandu na cino tukuwomvya pa kuwa nawo, nampo nga tukalanda vye nawo pa intaneti nanti awe. E Baibolo yikati, “sambilila kuwantu wamano apano ungawa namano. Kundana uwuchiwuza nawantu watumpe uyize ukomwe.” (Imilumbe 13:20) Awantu wano wakunda Yehova swinya wano wakamupepa wangakwavwa ukuwa ciwuza wakwe swinya ungapingula ni cete pa vintu. Lelo wano watakunda Yehova wangakufumya kwe weliwe. Awuli umulandu wuno Baibolo yikatuwomelezya ukusola icete iviwuza! Nga tukwizya na wantu wano wakunda Yehova, ivintu vikatuzipila. Tukawomelezyanya nu “kwavwana.”—1 Watesalonika 5:11.
2. Uzye Yehova akakwivwa wuli pa viwuza vino wumwi wasolapo ukwizya na vyo?
E Yehova akasola icete wano wafwile ukuwa waciwuza wakwe. We ciwuza wa wantu “awalungamane.” (Imilumbe 3:32) Uzye Yehova angivwa wuli nga twasolapo ukuti twandi twakwizya na wantu wano wamupata? Cingamuluma nkaninye! (Wazya Jemusi 4:4.) Lelo akakwivwa icete nga tukukana ukwizya na wantu awa misango miwipe. Tukawa iviwuza vyakwe ni viwuza vye wano wamukunda.—Amalumbo 15:1-4.
SAMBILILA IVICILE PA-A
Sambilila umulandu wuno tuzipizile ukusolela icete iviwuza, a vino ungacita pakusola iviwuza vizima.
3.Uwacenjela pano ukusola iviwuza
Awantu wano watakunda Yehova na masundo yakwe lyo asa viwuza vizima. Tambani e VIDYO, nu kulanzyanya lyo iwuzyo.
-
Uzye tungatalika wuli ukwizya na wamisango miwipe ukwasowa nu kumanya?
Wazyani 1 Wakorinte 15:33, nu kulanzyanya lyo iwuzyo:
-
Amuntu wamusango ci wino angawa we ciwuza muwipe? Amulandu ci?
Wazyani Amalumbo 119:63, nu kulanzyanya lyo iwuzyo:
-
Avyani vino vingakwavwa ukumanya nga ca kuti wumwi angawa we ciwuza muzima nanti awe?
Icikomwa iciwole nanti cingawa conga, cingawozya iviwuye. Uzye ukupanga ciwuza nu muntu uwa misango miwipe kungalenga uwe wuli?
4. Na walyanye wano wapusana na vino twawa wangawa iviwuza ivizima
E Baibolo yikalanda pa wonsi wawili awina Israeli, e Davidi ne Jonathani. E Jonathani walinji we songo nkaninye pe Davidi swinya walinji amwana wa mfumu. Lelo wizile awawa iviwuza vya pa mwezo swinya wakundine nkaninye. Wazyani 1 Samueli 18:1, nu kulanzyanya lyo iwuzyo
-
Amulandu ci wuno citacindamila ukuwa iciimo icili conga nanti ukuwa ni vili vyonga pakuwa ciwuza na wumwi?
Wazyani Waroma 1:11, 12, nukulanzanya lyo-o iwuzyo:
-
Uzye wa ciwuza wano wakunda Yehova wangawomelezyanya wuli?
Mwe yo-o vidyo, lola vino umwanawitu uwacitici wazanile iviwuza kuno atenecelanga. Tambani e VIDYO nu kulanzyanya amawuzyo yano yakonkapo.
-
Amulandu ci wuno awakwasi wakwe Akil mwe yo-o vidyo wasakamisilwe pa wantu wano wizyanga nawo ku sukulu?
-
Amulandu ci wuno wakundizile ukwizya na vyo-o iviwuza pa kutalika?
-
Uzye wacisile wuli pa kuti atatalalilwa?
5. Vino ungacita pakuzana iviwuza ivizima
Lola vino ungacita pa kuzana iviwuza vya cisinka na vino ungawa we ciwuza muzima. Tambani e VIDYO.
Wazyani Imilumbe 18:24 ne 27:17, nu kulanzyanya ya-a mawuzyo:
-
Uzye iviwuza vya cisinka vikakwavwana wuli?
-
Uzye wawa ni viwuza vya musango wo-o? Nga cakuti utawa navyo, ungacita wuli pakuti uwe navyo?
Wazyani Wafilipi 2:4, nu kulanzyanya lyo o iwuzyo:
-
Uzipizile ukuwa ciwuza muzima pa kuti uzane iviwuza ivizima. Uzye ungacita wuli wo o?
Uzipizile ukuwa ciwuza muzima pa kuti uzane iviwuza ivizima
WAMWI WAKATI: “Uwili wensinye angawa we ciwuza wako.”
-
Nga wewe ungati wuli?
IVISINKA IVIKULU
Nga twasola icete viwuza, tukasecelesya Yehova ni vintu vikatuzipila.
Avyani Vino Wasambilila?
-
Amulandu ci wuno e Yehova akawicilako mano ku wantu wano tukasolapo ukuti awano twandi twakwizya nawo?
-
Awantu wamusango ci wano tutazipizile ukupanga nawo wuciwuza?
-
Acani cino cingakwavwa ukupanga wuciwuza uwuzima na wantu awazima?
MANYILAPO NA VINJI
Lola vino iviwuza vizima vingatwavwa pano tuli ni ntazi.
Lola vino vingakwavwa ukuzana iviwuza ivizima.
“Ningacita Wuli Pakuwa ni Viwuza Vizima ?” (Amawuzyo Yano Awacitici Wakawuzya—Ivyasuko Vino Vingawavwa , Ibuuku 1, icipandwa 8)
Avyani vino uzipizile ukumanya pa viwuza vya pa intaneti?
Lola umulandu wuno umonsi wumwi wasozile iviwuza ivilekane lekane mwi lyasi lyakuti, “Nalondesyanga Ukuwa ne Tata Wino Angansakamala.”
“Baibolo Ikapilula Awantu” (Ulupungu lwa kwa Kalinda, April 1, 2012)
Mungakunda na vyoo
AMAWUZYO YANO AWANTU WAKAWUZYAPO SANA
Uzye Isambililo lye Baibolo Ilya Nte zya kwe Yehova Lyawa Wuli?
Mwe lyoo isambililo lino Inte zya kwe Yehova wakasambilila na wantu uwiilanye, mungawomvya e Baibolo iyili yonsinye ino mukulonda. Mungitako na wali wonsinye wano mukulonda.
